Latest Marathi News

महाराष्ट्रभर खळबळ उडवून देणाऱ्या नाशिकमधील टीसीएस महिला कर्मचारी छळ आणि सक्तीचे धर्मांतरण प्रकरणातील मुख्य आरोपी निदा खान अखेर पोलिसांच्या जाळ्यात सापडली आहे. गेल्या अनेक दिवसांपासून फरार असलेल्या निदा खानला नाशिक पोलिसांनी छत्रपती संभाजीनगरमधून अत्यंत गोपनीयरीत्या सापळा रचून अटक केली. विशेष म्हणजे, या गुन्ह्यात तिला मदत केल्याच्या आरोपावरून एआयएमआयएम नगरसेवक मतीन पटेल यांच्यावरही गुन्हा दाखल करण्यात आला असून त्यांचा मोबाईल पोलिसांनी जप्त केला आहे.'अशी' अडकली पोलिसांच्या जाळ्यात निदा खान आपल्या कुटुंबीयांसह छत्रपती संभाजीनगरमध्ये लपून बसल्याची माहिती पोलिसांना मिळाली होती. त्यानुसार गुन्हे शाखेच्या युनिट-१ ने स्थानिक पोलिसांच्या मदतीने तिथे पाळत ठेवली. महिला पोलिसांच्या पथकाने सलग सहा दिवस साध्या वेशात निदा खानच्या हालचालींवर लक्ष ठेवले होते. जर पोलिसांनी कारवाई करण्यास थोडाही उशीर केला असता, तर ती थेट हैदराबादला पळून जाण्याच्या तयारीत होती, अशी माहिती सूत्रांनी दिली आहे.एआयएमआयएम नेत्याचे कनेक्शन काय?निदा खानला आश्रय दिल्याप्रकरणी नगरसेवक मतीन पटेल यांचे नाव समोर आल्याने खळबळ उडाली आहे. पोलिसांनी त्यांचा मोबाईल जप्त करून कॉल डिटेल्सची तपासणी सुरू केली आहे. निदा खान आणि मतीन पटेल यांच्यात काही आर्थिक व्यवहार झाले होते का? किंवा तिला लपवण्यासाठी एमआयएमच्या वरिष्ठ नेत्यांशी संपर्क साधला होता का? याचा तपास आता विशेष तपास पथक करत आहे.काय आहे हे संपूर्ण प्रकरण?नाशिकमधील टीसीएस कंपनीत काम करणाऱ्या अनेक महिला कर्मचाऱ्यांनी गंभीर आरोप केले होते. यामध्ये महिलांचे लैंगिक शोषण, बळजबरीने धर्मांतरणासाठी दबाव टाकणे, धार्मिक भावना दुखावणे आणि मानसिक छळ करणे अशा धक्कादायक तक्रारींचा समावेश होता. याप्रकरणी आतापर्यंत तब्बल ९ एफआयआर दाखल करण्यात आले आहेत.या प्रकरणाचे गांभीर्य लक्षात घेता राज्य सरकारने एसआयटी चौकशीचे आदेश दिले होते. निदा खानच्या अटकेमुळे आता या रॅकेटमधील आणखी किती मोठे मासे गळाला लागतात, याकडे संपूर्ण राज्याचे लक्ष लागले आहे. आरोपी निदा खानची कसून चौकशी सुरू असून लवकरच मोठे खुलासे होण्याची शक्यता वर्तवण्यात येत आहे.

तिवसा तालुक्यातील घटना : वाच्यता केल्यास जीवे मारण्याची धमकी ...

पाकिस्तानात महापुराने मोठे नुकसान; भारत जगाला देतोय तांदूळ ...

IND vs NZ : भारतीय टीमचा सलामीवीर शुभमन गिलचे नाव सारा अली खान आणि सारा तेंडुलकरशी जोडले जाते. ...

जिल्हा परिषद सीईओंची कारवाई : स्वत:सह नातेवाइकांना दाखविले होते दिव्यांग ...

पाच वर्षांपासून सातत्याने करीत होता पोटच्या मुलीचा विनयभंग ...

कुलगुरूंनी घेतली उपमुख्यमंत्र्यांची भेटः नामांतर शहीद स्मारक, सौरऊर्जा प्रकल्पाला निधीची मागणी ...

प्रियदर्शन दिग्दर्शित, अप्पथा ही एक साधी सुंदर कथा आहे ...

Sundara Manamadhye Bharli : सुंदरा मनामध्ये भरली या मालिका रंजक वळणावर आली आहे. ...