Latest Marathi News

जनजागृती अभियान : विदर्भ राज्य आंदोलन समितीची विनंतीनागपूर : पंतप्रधान नरेंद्र मोदी हे नागपूर दौऱ्यावर येत आहेत. त्यांनी नागपुरात यावे आणि जाताना स्वतंत्र विदर्भ राज्य देऊन जावे, अशी विनंती विदर्भ राज्य आंदोलन समितीतर्फे करण्यात आली असून, या मागणीसाठी सोमवारी व्हेरायटी चौकात पदयात्रा काढून जनजागृती अभियान राबविण्यात आले.भारतीय जनता पार्टीने आपल्या राष्ट्रीय कार्यकारिणीच्या सभेत स्वतंत्र विदर्भ राज्याचा ठराव मंजूर केला होता. तसेच निवडणुकीमध्येसुद्धा स्वतंत्र विदर्भ राज्याचे आश्वासन देण्यात आले होते. सध्या भाजपाची सत्ता असून, पंतप्रधान नरेंद्र मोदी पहिल्यांदाच नागपूरच्या दौऱ्यावर येत आहेत. तेव्हा त्यांनी नागपुरात येऊन स्वतंत्र विदर्भ राज्याची घोषणा करून आपले आश्वासन पाळावे, अशी मागणी करण्यात आली. या मागणीकडे पंतप्रधानांचे लक्ष वेधण्यासाठी २१ आॅगस्ट रोजी मानव साखळी तयार करून त्यांचे लक्ष वेधणार आहेत. त्यासाठी जनजागृती करण्याच्या उद्देशाने विदर्भ राज्य आंदोलन समितीच्या वतीने सोमवारी व्हेरायटी चौकात पदयात्रा काढण्यात आली.सर्वप्रथम निदर्शने करून त्यांनी विदर्भ राज्याच्या मागणीकडे लक्ष वेधले. त्यानंतर व्हेरायटी चौक, लोहापूल, शनिमंदिर, मुंजे चौक, झाशी राणी चौकमार्गे पुन्हा व्हेरायटी चौक अशी पदयात्रा काढून पत्रके वाटून जनजागृती करण्यात आली.याप्रसंगी डॉ. श्रीनिवास खांदेवाले, राम नेवले, प्रबीरकुमार चक्रवर्ती, अॅड. नंदा पराते यांनी मार्गदर्शन केले.आंदोलनात अरुण केदार, शेरखाँ पठाण, बाबूराव गेडाम, राजेश श्रीवास्तव, अण्णाजी राजेधर, विष्णू आष्टनकर, अनिल तिडके, सतीश देऊळकर, अश्विन पाटील, विनीत पराते, राम आखरे, दीपक घोरमाडे, इंदू हेडाऊ, अनिता हेडाऊ, रेखा पराते, भगवानदास राठी, सुनील खंडेलवाल आदींचा सहभाग होता. (प्रतिनिधी)

हिंगोली : ऐतिहासिक परंपरा लाभलेल्या हिंगोलीतील सार्वजनिक दसरा महोत्सवाच्या तयारीला सुरूवात झाली आहे. ...

कोल्हापूरवासीयांचा पुढाकार : सक्षम यंत्रणा उभी करण्यात महापालिका अपयशी ...

वाशिम जिल्ह्यासाठी २५00 मेट्रीक टन युरियाचा पुरवठा. ...

हिंगोली : ‘माय वाढेना अन् बाप खाऊ देईना’ अशी जिल्ह्यातील शेतकऱ्यांची अवस्था संपण्याच्या मार्गावर नाही. ...

वाशिम येथे डोहात बुडून बालकाचा मृत्यू झाला. ...

लोकमतचा प्रभाव; मेडशी प्राथमिक आरोग्य केंद्राचे पथक रिधोरा येथे पोहचले. उपाययोजनाबाबत मार्गदर्शन. ...

जिद्द, मदनलाल धिंग्रा, प्रिन्स क्लब, स्वस्तिक, जय पद्मावती मंडळे आदर्श ...

पंतप्रधान नरेंद्र मोदी यांच्या विद्यार्थ्यांंशी संवाद; वाशिम जिल्ह्यातील विद्यार्थ्यांनी घेतला लाभ ...

चार लाख विद्यार्थ्यांचा सहभाग : ९१३ शाळांमध्ये टी.व्ही., रेडिओची सोय ...