Latest Marathi News

केज (जि. बीड): तालुक्यातील एका ग्रामीण भागात नात्यातील विश्वासाला तडा देणारी घटना घडली आहे. सोमवारी (४ मे) धाराशिव जिल्ह्यातील इटकूर (ता. कळंब) येथील २९ वर्षीय युवक आपल्या मामा-मामीला भेटण्यासाठी त्यांच्या गावी आला होता. रात्रीच्या वेळी मामा आणि मामी शेतात पिकाला पाणी देण्यासाठी गेले असता, घरी १० वर्षे १० महिने १८ दिवस वय असलेल्या अल्पवयीन मुलीला या भाच्यासोबत ठेवण्यात आले होते.पाच महिन्यांपासून सुरू होते शोषणघरात कोणी नसल्याचा गैरफायदा घेऊन या नराधमाने चिमुकलीवर लैंगिक अत्याचार केला. विशेष म्हणजे, हा आरोपी केवळ एकदाच नाही तर गेल्या पाच महिन्यांपासून अशा प्रकारच्या गैरकृत्यात गुंतलेला होता. फिर्यादीनुसार, १३ मार्च ते १९ मार्च २०२६ या कालावधीत आणि त्याआधीही २ ते ३ महिन्यांपासून त्याने वारंवार पीडितेचे लैंगिक शोषण केले होते.आरोपीला इटकूरमधून अटकआई-वडील शेतातून परतल्यानंतर पीडितेने घडलेला प्रकार सांगितला. त्यानंतर मामीने दिलेल्या फिर्यादीवरून युसूफवडगाव पोलिसांनी मंगळवारी रात्री आरोपीविरुद्ध पोक्सो (POCSO) आणि बलात्काराचा गुन्हा दाखल केला. गुन्ह्यानंतर आरोपी आपल्या गावी पळून गेला होता, मात्र पोलीस उपनिरीक्षक भारत बर्डे यांच्या पथकाने तांत्रिक तपास करून त्याला इटकूर येथून बेड्या ठोकल्या.ही कारवाई सहाय्यक पोलीस निरीक्षक मच्छिंद्रनाथ शेंडगे यांच्या मार्गदर्शनाखाली पोलीस उपनिरीक्षक भारत बर्डे, पोलीस कॉन्स्टेबल महेश कोकाटे आणि सोहेल पठाण यांनी पार पाडली. पीडितेची वैद्यकीय तपासणी करण्यासाठी महिला जमादार बेबी गांधले यांनी तिला अंबाजोगाई येथे नेले होते.

राज्यस्तरीय कराटेस्पर्धेत वाशिम तालुक्यातील विद्यार्थ्यांनी सुवर्ण पदकासह चार पदके पटकावलीत. ...

सिल्लोड : येथे औरंगाबाद-सिल्लोड- फर्दापूर रस्त्याचे चौपदरीकरण ...

कोल्हापूर शेती उत्पन्न बाजार समिती : तक्रारदार हजर अन् अधिकारी गैरहजर ...

हेमरस साखर कारखाना : एकजण गंभीर ...

पैठण : नाशिक जिल्ह्यात गेल्या २४ तासांत झालेल्या मुसळधार पावसामुळे वरील धरणांतून विसर्ग वाढविण्यात आला ...

लोकमान्य टिळकांच्या हस्ते वाशिम येथे झाली होती गणेशोत्सवाची स्थापना. ...

वाशिम जिल्हय़ातील १६ महिला बचत गटांना एकूण ३८ लाख २0 हजार रुपयांचे कर्ज वाटप. ...

प्रतिवर्षाप्रमाणे शाडू मातींच्या गणेशमूर्ती बनविण्याच्या प्रशिक्षण वर्गाचे आयोजन करण्यात आले होते ...