Latest Crime News | गुन्हेगारी मराठी बातम्या | Crime Marathi News | Latest Crime News in Marathi | क्राइम ताज्या मराठी बातम्या

माणसाच्या विकृतीला कोणती सीमा असते? या प्रश्नाचे उत्तर चामराजनगरमधील एका घटनेने दिले आहे. चामराजनगर येथील एका हाऊसिंग बोर्ड कॉलनीमध्ये एका अज्ञात मनोरोगी व्यक्तीच्या घृणास्पद कृत्यामुळे महिलांमध्ये प्रचंड दहशतीचे वातावरण निर्माण झाले आहे. हा विकृत इसम केवळ महिलांचे अंतर्वस्त्र चोरत नाही, तर ते परिधान करून सार्वजनिक ठिकाणी अश्लील चाळेही करतो. हा सर्व प्रकार सीसीटीव्ही कॅमेऱ्यात कैद झाला असून, या घटनेने संपूर्ण परिसरात खळबळ उडाली आहे.नेमकं प्रकरण काय?गेल्या काही दिवसांपासून या कॉलनीतील घराबाहेर वाळत घातलेले महिलांचे कपडे गूढरित्या गायब होत होते. सुरुवातीला रहिवाशांना वाटले की ही किरकोळ चोरी असावी. मात्र, हा प्रकार वारंवार घडू लागल्याने नागरिकांचा संशय बळावला. अखेर सत्य शोधण्यासाठी काही रहिवाशांनी आपल्या घराबाहेर लावलेले सीसीटीव्ही फुटेज तपासले. जे समोर आले ते पाहून सर्वांचीच पाचावर धारण बसली.मध्यरात्री स्त्री वेषात वावरसीसीटीव्ही फुटेजमध्ये असे दिसून आले की, हा आरोपी मध्यरात्रीच्या सुमारास स्त्री वेषात कॉलनीमध्ये शिरतो. अत्यंत चलाखीने तो घराबाहेर वाळत घातलेले महिलांचे अंतर्वस्त्र चोरतो. धक्कादायक बाब म्हणजे, ते चोरलेले कपडे तो तिथेच परिधान करतो आणि कॅमेऱ्यासमोरच अत्यंत अश्लील आणि घृणास्पद चाळे करू लागतो. त्याची वागणूक आणि मानसिक स्थिती पाहता तो एखादा मनोरोगी असावा, असा संशय व्यक्त केला जात आहे.महिलांमध्ये दहशतीचे सावट, पोलिसांकडून शोध सुरूया घटनेमुळे हाऊसिंग बोर्ड कॉलनीतील महिलांमध्ये असुरक्षिततेची भावना निर्माण झाली आहे. "ही केवळ कपड्यांची चोरी नसून महिलांच्या सुरक्षिततेचा गंभीर प्रश्न आहे. अशा मानसिकतेची व्यक्ती कोणत्याही थराला जाऊ शकते," अशी भीती स्थानिक महिलांनी व्यक्त केली आहे.या घटनेची माहिती मिळताच चामराजनगर टाउन पोलिसांनी तातडीने तपास चक्राला गती दिली आहे. पोलिसांनी सीसीटीव्ही फुटेज ताब्यात घेतले असून आरोपीचा शोध घेण्यासाठी पथके रवाना केली आहेत. लवकरात लवकर या विकृत व्यक्तीला जेरबंद करून कठोर कारवाई केली जाईल, असे आश्वासन पोलिसांनी दिले आहे.

Crime (Marathi News)

केजमध्ये वारस नोंदीसाठी ९ हजार, तर परळीत विहीर बिलासाठी ५०० रुपये घेताना रंगेहाथ पकडले ...

कुत्रा मालकावर गुन्हा; महिलेच्या हाताला आणि मनगटाला कुत्र्याने घेतला कडक चावा. ...

मध्य प्रदेशात एका कुख्यात गुन्हेगाराला रेल्वे पोलिसांनी अतिशय शिताफीने पकडलं आहे. ...

रुग्णालयातून घरी परतताच पोलीस अधीक्षकांनी पदोन्नतीचे 'सरप्राईज' देत निलेश भुजबळांचा सन्मान केला ...

Ashok Kharat News : नाशिकमधील भोंदूबाबा अशोक खरात प्रकरणात आज जिल्हा सत्र न्यायालयात महत्त्वाची सुनावणी पार पडली. ...

- या प्रकरणात मदत करण्याच्या बहाण्याने हवालदार सागर जाधव यांनी पैशांची मागणी केल्याचा आरोप करण्यात आला आहे. ...

सदर विकृत इसम केवळ महिलांचे अंतर्वस्त्र चोरत नाही, तर ते परिधान करून सार्वजनिक ठिकाणी अश्लील चाळेही करतो. ...