इंटरसिटी २ तर सिद्धेश्वर एक्स्प्रेसला ७ तासांचा उशीर; लांब पल्ल्यांच्या गाड्यांचे वेळापत्रक कोलमडले

सोमवारी रात्री वंदे भारत एक्स्प्रेसचे डबे पुण्याजवळ रूळावरून घसरले. यामुळे सोलापुरातून सुटणारी इंटरसिटी, सिद्धेश्वर एक्स्प्रेससह इतर लांब पल्ल्यांच्या गाड्यांचे वेळापत्रक कोलमडले आहे.

सोलापूर - सोमवारी रात्री वंदे भारत एक्स्प्रेसचे डबे पुण्याजवळ रूळावरून घसरले. यामुळे सोलापुरातून सुटणारी इंटरसिटी, सिद्धेश्वर एक्स्प्रेससह इतर लांब पल्ल्यांच्या गाड्यांचे वेळापत्रक कोलमडले आहे. सकाळी ६.३० वाजता सुटून १०.३० वाजता पुण्यात पोहोचणारी इंटरसिटी सध्या पोफळज रेल्वे स्थानकावर आहे. तर रात्री मुंबईतून निघालेली सिद्धेश्वर एक्स्प्रेस दुपारी दोन वाजता सोलापुरात पोहोचणार असल्याचे रेल्वे प्रशासनाने सांगितले. 

दरम्यान, सोमवारी रात्री पुणे स्थानकाच्या यार्डमध्ये वंदे भारत एक्स्प्रेसचा अपघात झाल्यानंतर मेन लाइन अफेक्ट झाली होती, त्यामुळे रेल्वे गाड्यांचे डिस्पॅच व रिसिव्हिंग थांबवले होते, त्यामुळे रेल्वे गाड्यांच्या वेळापत्रकावर परिणाम झाला आहे. केवळ हुतात्माच नाही तर सिद्धेश्वर एक्स्प्रेससह अनेक गाड्यांचे वेळापत्रक बिघडले आहे. बहुतांश रेल्वे गाड्यांना पाथ उपलब्ध होत नाही, त्यामुळे त्या गाड्या थांबत थांबत पुढे जात असल्याचेही रेल्वे प्रशासनाने सांगितले.