Buldhana News | Latest Buldhana News in Marathi | Buldhana Local News Updates | ताज्या बातम्या बुलढाणा | बुलढाणा समाचार | Buldhana Newspaper

अकोला : सासर्याचा मृत्यू आणि पत्नीच्या गर्भपातास जबाबदार असलेल्या प्रशिक्षणार्थी डॉक्टरवर करवाई करण्याच्या मागणीसाठी गृहराज्यमंत्री डॉ. रणजित पाटील यांच्या संपर्क कार्यालयात युवकाने विष प्राशन करुन आत्महत्येचा प्रयत्न केल्याची घटना शुक्रवारी सायंकाळी घडली. युवकावर उपचार सुरू असून, त्याची प्रकृती धोक्याबाहेर असल्याचे डॉक्टरांनी सांगितले. संतोष शेषराव भगत याचे सासरे प्रकाश अढाऊ हे २ एप्रिल रोजी अपघातात जखमी झाले. त्यांना सर्वोपचार रुग्णालयात दाखल केले; परंतु डॉक्टरांनी उपचारास विलंब केल्याने, डॉक्टरांना जाब विचारला असता त्यांनी भगत यांच्या नातेवाइकांसोबत वाद घालून ४0 ते ५0 प्रशिक्षणार्थी डॉक्टरांना बोलावून घेतले. नातेवाईक व डॉक्टरांमध्ये वाद वाढून प्रशिक्षणार्थी डॉक्टरांनी भगत यांची गर्भवती पत्नी कल्पना भगत हिला व नातेवाइकांना लाथा-बुक्क्यांनी मारहाण केली होती. दरम्यान, भगत यांचे सासरे प्रकाश अढाऊ यांचा मृत्यू झाला. पत्नीला मारहाण झाल्याने तिचाही गर्भपात करावा लागला. दुसरीकडे पोलिसांनी मात्र संतोष भगत व त्यांच्या नातेवाइकांवर गंभीर स्वरूपाचे गुन्हे दाखल केले. प्रशिक्षणार्थी डॉक्टरांवर मालमत्ता नुकसान कायद्यानुसार गुन्हे दाखल केले; परंतु त्यांना अटक केली नाही. सासर्याच्या मृत्यूस आणि पत्नीच्या गर्भपातास कारणीभूत ठरलेल्या प्रशिक्षणार्थी डॉक्टरांवर सदोष मनुष्यवधाचा गुन्हा दाखल करण्याची मागणी संतोष भगत यांनी केली होती. त्यानंतर भगत यांनी पालकमंत्री डॉ. रणजित पाटील, पोलीस अधीक्षक चंद्रकिशोर मीणा यांच्याकडे तक्रारी केल्या. परंतु कारवाई होत नसल्याने अखेर संतोष भगत यांनी पालकमंत्री पाटील यांच्या संपर्क कार्यालयात विष प्राशन करून आत्महत्येचा प्रयत्न केला. ही बाब तेथे उपस्थित असलेले भाजपा कार्यकर्ते व भगत यांच्या नातेवाइकांच्या लक्षात आल्यानंतर त्यांनी तातडीने त्याला सर्वोपचार रुग्णालयात दाखल केले.* निष्पक्ष चौकशी करु - रणजित पाटील प्रशिक्षणार्थी डॉक्टर व संतोष भगत यांच्या कुटुंबियांमध्ये भांडण झाले होते. भगत यांनी पोलीस अधीक्षक व मला निवेदन दिले होते. या प्रकरणाची चौकशी करून दोषींवर कठोर कारवाई करण्याचे निर्देश मी पोलिसांना दिले होते. याप्रकरणी डॉक्टरांवर गुन्हेही दाखल केले होते; मात्र भगत यांची मागणी सदोष मनुष्यवधाचा गुन्हा दाखल करा, अशी होती. देशात कायदा आहे, त्यानुसार कारवाई होत असते. शुक्रवारी या युवकाने आत्महत्येचा प्रयत्न केला. त्याची लवकरच भेट घेऊ. चौकशी करून त्याला न्याय देऊ, असे रणजित पाटील यांनी सांगितले.

Buldhana (Marathi News)

मानवी हक्क आयोगाचे अध्यक्ष बन्नुरमठ यांच्याशी संवाद. ...

१७ वनविभागांमध्ये १९६ वनतळ्यांना मंजुरी ...

स्वाभिमानी शेतकरी संघटनेचे रवीकांत तुपकर पुन्हा वस्त्रोद्योग महामंडळाच्या अध्यक्षपदी. ...

‘बीसी’ प्रणालीद्वारे गावात, कामाच्या ठिकाणी मिळणार मजुरी. ...

१५ ऑगस्टपासून सेवा सुरू होण्याचे संकेत ...

रिसोड तालुक्यातील मांगवाडी हत्याकांडप्रकरणी जिल्हा व सत्र न्यायालयाचा निकाल. ...

बाळापूर तालुक्यातील नागद येथे घडली घटना. ...

लोणार तालुक्यातील घटना. ...

युवकाची प्रकृती धोक्याबाहेर; प्रशिक्षणार्थी डॉक्टरांवरील कारवाईस दिरंगाई होत असल्याने घेतले विष. ...