Amravati Marathi News | अमरावती मराठी बातम्या | Latest Amravati News in Marathi | अमरावती ताज्या बातम्या | Amravati Crime Marathi News | अमरावती ब्रेकिंग न्यूज़| Breaking & Live Amravati News | Amravati Local News Updates |Today's Amravati News paper

लोकमत न्यूज नेटवर्कअमरावती : वन्हाडी मातीचा सुगंध आपल्या काव्यातून जगभर पसरविणारे कविवर्य, 'मिर्झा एक्स्प्रेस' फेम डॉ. मिर्झा रफी अहमद बेग यांचे २८ नोव्हेंबर शुक्रवारी सकाळी ६:३० वाजता दीर्घ आजाराने निधन झाले. ते ६८ वर्षांचे होते. गेल्या काही दिवसांपासून मूत्रपिंडाच्या आजाराने ते त्रस्त होते. त्यांच्या निधनाने माणूसपण जागविणाऱ्या साहित्याला रसिकजन पोरके झाले आहेत.यवतमाळ जिल्ह्यातील नेर तालुक्यातील धनज-माणिकवाडा हे डॉ. मिर्झा रफी अहमद बेग यांचे मूळ गाव आहे. सध्या अमरावती येथील परतवाडा रोडवरील नवसारी परिसरात "मिर्झा एक्स्प्रेस" या निवासस्थानी त्यांचे वास्तव्य होते. त्यांच्या पश्चात पत्नी फातेमा मिर्झा, अभियंता मुलगा रमीज, मेहजबी व हुमा या दोन कन्या आहेत. त्यांच्यावर अमरावती येथील ईदगाह कब्रस्तानात दुपारी अंत्यसंस्कार झाले. या वेळी शैक्षणिक, साहित्यिक, राजकीय, सामाजिक क्षेत्रातील अनेक दिग्गजांची उपस्थिती लक्षणीय होती.विदर्भ साहित्य संमेलनाचे अध्यक्ष राहिलेले डॉ. मिर्झा रफी अहमद बेग वन्हाडी काव्यशैलीच्या खुमासदार सादरीकरणासाठी जगभरात प्रसिद्ध होते. वयाच्या ११ व्या वर्षापासून त्यांनी कवितालेखनाला सुरुवात केली होती. १९७० पासून त्यांनी मंचावर कविता सादर करायला सुरुवात केली. पुढील ५० वर्षे विदर्भ, मराठवाड्यातील कविसंमेलनाचे ते केंद्रबिंदू ठरले. त्यांचे एकूण २० काव्यसंग्रह आहेत. वृत्तपत्रातील विविध स्तंभांतून लेखनही त्यांनी केले. त्यांचा 'मिर्झाजी कहीन' हा स्तंभ लोकप्रिय ठरला होता. 'मिर्झा एक्स्प्रेस' या नावाने अफलातून किस्से आणि कवितांचा कार्यक्रम प्रसिद्ध होता. त्याचे सहा हजारांवर प्रयोग झाले आहे. 'मोठा माणूस', 'सातवा महिना', 'उठ आता गणपत', 'जांगडबुत्ता' अशा त्यांच्या कितीतरी कविता लोकप्रिय झाल्या. "जांगडबुत्ता" या शब्दाचे ते जनक आहेत.विदर्भातील ख्यातनाम संत फकीरजी महाराज या मंदिर ट्रस्टचे ते विश्वस्त होते. त्यांचे वडील मिर्झा रज्जाक बेग ऊर्फ भाईजी हे यवतमाळ जिल्ह्यातील प्रभावी राजकीय सामाजिक व्यक्तिमत्त्व होते. नागपूर येथील ज्येष्ठ विधिज्ञ फिरदोस मिर्झा हे त्यांचे चुलतबंधू आहेत.

Amravati (Marathi News)

राज्यासाठी विविध परीक्षांचे वेळापत्रक जाहीर : स्पर्धा परीक्षांची तयारी करणाऱ्या उमेदवारांसाठी मोठी संधी ...

Amravati : मेळघाटातील काटकुंभआरोग्य केंद्राची घेतली झाडाझडती ...

विविध विभागांचे सचिव आज अतिदुर्गम भागातः न्यायालयात याचिकेचा परिणाम ...

कुलदीप सावरतकर याच्या बँक खात्यावर आले पाच लाख ...

Amravati : दोन महिन्यांपूर्वी लग्न, घरी नेण्यासाठी टाकत होती दबाव ...

गुन्हे शाखेची कारवाई : लपवली होती ओळख, म्हणाला, नशेत केला धमकीचा कॉल ...

शहर पोलिस कंट्रोल रूमला कॉल : कॉलधारकाचे लोकेशन इंदौरला, पीएसआयची टीम रवाना ...

Amaravati : सर्वोच्च न्यायालयाचा निर्णय, 'मन्नेरवारलू' जमातीचे प्रमाणपत्र केले रद्द ...