कल्याण ताज्या मराठी बातम्या | kalyan Online News in Marathi at Lokmat.com

कल्याण - पूर्व-पश्चिमला जोडणाऱ्या पत्रीपूलाचे काम संथगतीने सुरू असल्याच्या निषेधार्थ रविवारी (9 जून) नागरिकांनी रस्त्यावर उतरत ‘भीक मांगो आंदोलन’ छेडले आहे. जूना धोकादायक अवस्थेतील पत्रीपूल तोडून सात महिन्यांचा कालावधी उलटला तरीही कामाने गती घेतलेली नाही. नागरिकांच्या आंदोलनाला वाहनचालकांनीही पाठिंबा दर्शविला. धोकादायक अवस्थेतील ब्रिटीशकालीन रेल्वे पत्रीपूल नोव्हेंबरमध्ये पाडण्यात आला. या कामासाठी सकाळी साडेनऊ ते दुपारी साडेतीन असा सहा तासांचा जम्बो मेगाब्लॉक घेण्यात आला होता. सद्यस्थितीला बाजुकडील केडीएमसीच्या पर्यायी पुलावरून वाहतूक सुरू असलीतरी तरी हा पूल अरूंद असल्याने तासनतास वाहतूक कोंडीचा सामना येथून मार्गस्थ होणाऱ्या वाहनचालकांना करावा लागत आहे. जून्या पूलाचे पाडकाम झाल्यानंतर महिनाभराने म्हणजेच 30 डिसेंबरला या नवीन पूलाच्या कामाचे भूमिपूजन सार्वजनिक बांधकाममंत्री तथा पालकमंत्री एकनाथ शिंदे यांच्या प्रमुख उपस्थितीत झाले होते. हे काम वर्षभरात पुर्ण करू असे आश्वासन एमएसआरडीसीच्या अधिकाऱ्यांनी दिले आहे. दरम्यान अत्यंत निकड असलेले प्रकल्प मुदतीपुर्वीच पूर्ण करण्याचा एमएसआरडीसीचा हातखंडा असल्याने पत्रीपुलाचे काम मुदतीपूर्वी पूर्ण करण्याचे आव्हान एमएसआरडीसीने स्वीकारावे असे आवाहन सार्वजनिक बांधकाममंत्री शिंदे यांनी भूमिपूजनाच्या कार्यक्रमात केले होते. दरम्यान पाच महिन्यात पाच टक्केही काम होऊ शकलेले नाही. पर्यायी पुलावर उद्भवणारी कोंडी कल्याणकरांसाठी डोकेदुखी बनली आहे. नव्या पूलाचे काम लवकरात लवकर पूर्ण व्हावे अशी मागणी होत असताना संबंधित यंत्रणेचे याकडे पुरते दुर्लक्ष झाले आहे. अर्धा ते पाऊण तास वाहने कोंडीत अडकून पडत असल्याने वाहनचालक त्रस्त झाले आहेत. याठिकाणी आता नवीन पत्रीपूल बांधण्याचे काम सुरू आहे. परंतू हे काम संथगतीने सुरू असल्याने कोंडीच्या रोजच्या त्रासाने बेजार झालेल्या काही तरूणांनी मे महिन्यातही रस्त्यावर उतरत पत्रीपुलाचे काम कधी पूर्ण होणार? या आशयाचे बोर्ड घेत शांततेच्या मार्गाने संबंधित यंत्रणोला सवाल केला होता. रविवारी देखील स्थानिक नागरीकांनी पत्रीपूल परिसरात भीक मांगो आंदोलन केले. या आंदोलनादरम्यान जमा झालेले पैसे सरकारला पाठविणार असल्याची माहिती आंदोलनकर्ते शकील खान यांनी दिली. यावेळी वाहनचालकांनी नागरीकांच्या आंदोलनाला पाठिंबा दिला.

कल्याण, मराठी बातम्याFOLLOW

Kalyan, Latest Marathi News

बिनविरोध निवड : दहा प्रभाग समिती सभापतींचीही घोषणा ...

केडीएमसीकडून हवे स्पष्टीकरण : देवधर समितीसमोर १९ जूनला पुन्हा सुनावणी ...

रामबाग खडक पोटनिवडणूक : एकमेव अर्जामुळे टळली निवडणूक ...

पहिल्याच पावसात दुकाने, घरांमध्ये पाणी : शिवसेना पदाधिकाऱ्याचा ‘चिखलफेक’चा इशारा ...

एकनाथ शिंदे : भिवंडी-कल्याण-शीळ रस्त्याच्या कामाचाही घेतला आढावा ...

राष्ट्रवादीतील वाद संपता संपेना : वक्त्यांसमोरच पदाधिकाऱ्यांमध्ये खडाजंगी ...

पैसे सरकारला पाठवणार : आंदोलनास वाहनचालकांनी दिला पाठिंबा ...