Thane Marathi News | ठाणे मराठी बातम्या | Latest Thane News in Marathi | ठाणे ताज्या बातम्या | Thane Crime Marathi News | ठाणे ब्रेकिंग न्यूज़| Breaking & Live Thane News | Today's Thane News paper

ठाणे : ठाणे परिवहन सेवेच्या मागील २४ वर्षात लेखापरिक्षणात घेतलेल्या अहवालातील १११९ आक्षेप अद्यापही प्रलंबित असल्याची असल्याची माहिती समोर आली आहे. तर २०१२-१३ च्या लेखा परिक्षण अहवालात परिवहनमध्ये असलेल्या अनेक घोळांवर प्रकाशझोत टाकला आहे. यात २१ प्रकारचे गंभीर आक्षेप नोंदविले असून, विविध कारणास्तव १९ कोटींची वसुली झाली नसून आर्थिक नुकसान हे ३० कोटी ६४ लाखांचे झाल्याचे नमूद केले आहे. तर परिवहन सेवेच्या विविध राखीव निधीपोटी ११२.४१ कोटीचे दायित्व असून त्यापोटी केवळ ४१.६९ कोटींची गुंतवणूक परिवहन सेवेने केल्याचेही या अहवालात स्पष्ट केले आहे. तर उत्पन्न आणि खर्च, अग्रिम रकमांचे समायोजन योग्य पद्धतीने न होणे, महसुली तुट कमी दाखविणे, निरनिराळ्या डिपॉझिट बाबत आदींसह इतर महत्त्वाचे व गंभीर आक्षेप या अहवालात नोंदविले आहेत.तीन तेरा वाजले असतांनाच आता परिवहनच्या भोंगळ कारभाराची आणखी एक चिरफाड लेखापरिक्षण विभागाने केली आहे. २०१२-१३ चा हाअहवाल बुधवारी परिवहन समिती समोर प्रशासनाने सादर केला. यामध्ये तब्बल २१ स्वरुपाचे गंभीर आक्षेप नोंदविले आहेत. २००७ -०८ ते २०११ -१२ या कालावधीत विविध कारणास्तव वसूलपात्र असलेली रक्कम १९ कोटी ८४ लाख ४ हजार १३९ एवढी असून विविध कारणास्तव आर्थिक नुकसान हे ३० कोटी ६४ लाख ५ हजार ४९५ एवढे आहे. असे असतांना २०१२-१३ च्या लेखापरिक्षण अहवालात परिवहन सेवेते विविध राखीव निधीपोटी ११२.४१ कोटीचे दायीत्व असून त्यापोटी केवळ ४१.६९ कोटींची गुंतवणूक केली आहे. तर विविध राखीव निधीच्या बचत खात्यातील जमा रक्कम १३०.७६ कोटी आहे. तर परिवहनने एकूण दायित्वापोटी ७०.७२ कोटी रकमेच्या कमी गुंतवणूक केल्याची बाब समोर आली आहे. पुरवठदार, अधिकारी यांना विविध कारणांसाठी ५.८ कोटी रक्कम आगाऊ दिली असून त्याचे अद्याप समायोजन झालेले नाही. तर परिवहनच्या हाती रोख व बचत खाती शिल्लक रक्कम ५.२० कोटी इतकी असून देणी तब्बल ५१.८५ कोटींची आहे.वसूलपात्र रक्कम -१० कोटी ०८ लाख ७४ हजार ८७३ रुपयेया लेखापरिक्षण अहवालातील वसूलपात्र रकमांची लेखाजोखाही मांडला असून अग्रिम रकमांचे समायोजन न झाल्याबाबत पोलीस ग्रॅन्टपोटी अप्राप्त रक्कम, गाळेभाडेपोटी येणे असलेली रक्कम १०.०८ कोटी इतकी आहे.शासकीय कराची २१ कोटींची देणी बाकीआॅक्टोबर २००७ ते मार्च २०१३ या कालावधीचा प्रवासी कर व बालपोषण अधिभाराची रक्कम १६ कोटी ९३ लाख ९३ हजार ४२५ आणि मुंबई मोटर अधिनियमन १९५८ अन्वये त्यावरील २५ टक्के प्रमाणे दंडाची रक्कम ४ कोटी २३ लाख ४८ हजार ३५६ रुपये अशी एकूण २१ कोटी १७ लाख ४१ हजार ७८१ रुपयांचा भरणा शासनाकडे केलेला नाही. तर वाहकाअभावी रद्द किमीमुळे परिवहनला १ कोटी ३५ लाखांचा फटका बसला आहे.महसूली तुट ३६ कोटी ३८ लाखांचीलेखापरिक्षण अहवालात नफा तोटा पत्रक तयार करतांना पविरहन सेवेस आर्थिक वर्षात ३६ कोटी ३८ लाख ७४ हजार ३२१ रुपयांची महसूली तूट बसली आहे.शासनाचे अनुदान कमी दाखविले२०१२-१३ या आर्थिक वर्षात परिवहन सेवेस ठामपाकडून ३० कोटी अनुदान महसुली - भांडवली खर्चासाठी मिळाले आहे. परंतु २०१२-१३ या आर्थिक वर्षात २०० बसेसवरील घसारा रक्कम ६ कोटी ५४ लाख ७५ हजार जमा करण्याऐवजी परिवहनने केंद्र व राज्य शासन यांच्याकडून प्राप्त अनुदानातून कमी दाखविली आहे.इतर देणी-परिवहनचे २०१२-१३ या आर्थिक वर्षाचे लेखे तयार करतांना २००६-०७ ते २०११-१२ या कालावधीचे खात्याची जाहीरात प्रसिद्धीपोटी देय असलेली रक्कम ही हिशेबबाह्य राहिली आहे. त्यामुळे २०१२-१३ या आर्थिक वर्षात मागील ६ वर्षाचा खर्च या वर्षात महसुली खर्च म्हणून घेतल्याने परिवहन सेवेला त्यामुळे ५ कोटी १२ लाख ८९२ रुपयांचा तोटा सहन करावा लागला आहे.बँक रजिस्टारमध्ये अनियमितता असून २०१२-१३ या कालावधीत १ लाख १४ हजार ४९८ रुपये परिवहनने बँकेकडे अदा केले आहेत. परंतु ते अद्यापही वटलेले नाहीत. सुरक्षा अनामत परतफेड मध्ये अनियमितता आढळून आली आहे. तर अग्रिम असलेल्या ५ कोटी ०८ लाख ४१ हजार ४०१ रुपयांचे समायोजनही झालेले नाही, पोलीस ग्रॅन्ट पोटीदेखील ४ कोटी ८१ लाख १२ हजार ४३९ रुपयांची येणी शिल्लक आहेत, आस्थापनेवर केला जाणार खर्च नियमानुसार उत्पन्नाच्या ३५ टक्के करणे अपेक्षित असतांना तो ७८.८२ टक्के एवढा झाला आहे.परिवहनचे २०१२-१३ चे एकूण उत्पन्न हे ७६ कोटी ६१ लाख ७१ हजार ३९० रुपये एवढे असून त्यातून आस्थापनेवर ६० कोटी ३९ लाख ४० हजार ४७४ एवढा खर्च झाला आहे. या शिवाय परिवहन सेवेच्या कळवा, वागळे आगार, कार्यशाळा, मध्यवर्ती कार्यालय, बसेस व बस टर्मिनसची साफसफाई करण्याबाबतही आक्षेप नोंदविले आहेत, याशिवाय अपघात नुकसान भरपाई, वाहकाअभावी बुडालेले उत्पन्न, परिवहनच्या २०० बसेसवर जाहिरात प्रसिद्ध करणे, प्रवासी दंड वसुली भरणा उशिरा करणे, प्रवासी कर व बालपोषण अधिभाराची रक्कम विहित मुदतीत शासनाकडे भरणा न करणे आदींसह इतरही गंभीर आक्षेप या अहवालात नोंदविले आहेत.

Thane (Marathi News)