Latest Politics News | Politics Marathi News | Latest Politics News in Marathi | राजकारण: ताज्या मराठी बातम्या

Amol Mitkari News: आगामी महापालिका आणि स्थानिक स्वराज्य संस्थांच्या निवडणुकांच्या पार्श्वभूमीवर राजकीय वर्तुळातील हालचालींना वेग आल्याचे पाहायला मिळत आहे. ऑक्टोबर किंवा नोव्हेंबर महिन्यात महापालिका, स्थानिक स्वराज्य संस्थांच्या निवडणुका लागतील, असा कयास बांधला जात आहे. एकीकडे महापालिका, स्थानिक स्वराज्य संस्थांच्या निवडणुकांचे वेध लागलेले असताना दुसरीकडे अजित पवार आणि शरद पवार एकत्र येण्याच्या चर्चा राजकीय वर्तुळात सुरू आहेत. तसेच अजित पवार हे मुख्यमंत्री होण्याबाबत नेते, पदाधिकारी, कार्यकर्ते मते व्यक्त करताना दिसत आहेत.अलीकडेच मुख्यमंत्री देवेंद्र फडणवीस यांनी महापूजेसाठी सपत्नीक यावे, असे निमंत्रण पंढरपूरच्या विठ्ठल रुक्मिणी मंदिर समितीतर्फे वर्षा शासकीय निवासस्थानी देण्यात आले. देवेंद्र फडणवीस यांनी पंढरपूरच्या श्री विठ्ठल मंदिरात मुख्यमंत्री म्हणून आषाढी एकादशीला शेवटची शासकीय पूजा केली होती ती २०१९ मध्ये. आता पाच वर्षांनंतर येत्या ६ जुलै रोजी पहाटे मुख्यमंत्री म्हणून ते सपत्नीक ही महापूजा करतील. यातच पंढरपूर वारीला सुरुवात झाली आहे. मानाच्या पालख्यांचे प्रस्थान झाले आहे. या घडामोडींच्या पार्श्वभूमीवर अजित पवार गटाचे नेते अमोल मिटकरी यांनी अजित पवारांनी मुख्यमंत्री होण्याबाबत पांडुरंगाच्या चरणी साकडे घातल्याचे सांगितले जात आहे. पुढील आषाढी एकादशीला अजित पवार CM म्हणून शासकीय पूजा करतीलमीडियाशी बोलताना अमोल मिटकरी म्हणाले की, मी पांडुरंगाच्या चरणी साकडे घातले. पालखीचे प्रस्थान होत आहे. ज्ञानोबारायांची पालखी आळंदीवरून निघाली आहे. तुकोबारायांची पालखी निघाली. आता आमच्या जिल्ह्यातील पालखी निघत आहेत. या पालखीची आरती करताना आम्ही एकच साकडे घातले की, यावर्षी पांडुरंगाच्या मनात नसेल. पण पुढच्या आषाढी एकादशीची शासकीय महापूजा ही राज्याचे सध्याचे उपमुख्यमंत्री अजित पवार यांनी मुख्यमंत्री म्हणून सपत्नीक करावी, हे साकडे मी पांडुरंगाला घातले आहे, अशी मन की बात अमोल मिटकरी यांनी बोलून दाखवली. दरम्यान, खासदार सुनेत्रा पवार यांना याबाबत प्रश्न विचारण्यात आला होता. तुम्हीदेखील पांडुरंगाची पूजा लवकरच करावी आणि अजित पवार मुख्यमंत्री व्हावेत, अशी तुमची इच्छा आहे का? असा प्रश्न खासदार सुनेत्रा पवार यांना विचारण्यात आला. यावर बोलताना, आपण नेमही चांगल्या इच्छा अपेक्षा व्यक्त करत असतो. पण शेवटी काय द्यायचे आणि काय द्यायचे नाही हे देवाच्या हातात असते. तेव्हा पांडुरंग नक्कीच सगळ्यांच्या मनोकामना ऐकतील, असे सूचक विधान सुनेत्रा पवार यांनी केले.

Politics (Marathi News)

Piyush Goyal On Air India Plane Crash Incident: लंडनमध्ये असलेल्या पीयूष गोयल यांनी एअर इंडिया विमान अपघाताबाबत भाष्य केले. ...

हे प्रमुख तीन पदाधिकारी आमदार गोपीचंद पडळकर यांचे विश्वासू समर्थक ...

नेत्यांकडून अंदाज घेणे सुरू ...

BJP Narayan Rane News: मुंबई महानगरपालिका जिंकणे आता उद्धव ठाकरेंना शक्य नाही, असा दावा नारायण राणे यांनी केला आहे. ...