तब्बल ८ इंजिन आणि ६८२ कोच असलेली सगळ्यात लांब रेल्वे, पाहा कुठे धावते आणि कशासाठी वापरली जाते ही रेल्वे...

World Longest Train 7 KM Long​: या ट्रेनची लांबी आणि वजन इतके प्रचंड असते की तिचे नियंत्रण करणे अत्यंत कठीण मानले जाते. ब्रेकिंग सिस्टम, वेग नियंत्रण आणि ट्रॅक व्यवस्थापनासाठी विशेष तंत्रज्ञानाचा वापर केला जातो.

World Longest Train 7 KM Long​: भारतीय रेल्वेच्या नावावर अनेक विक्रम नोंदले गेले आहेत. मात्र जेव्हा जगातील सर्वात लांब ट्रेनचा विषय येतो, तेव्हा अनेकांना वाटते की ती भारत, अमेरिका किंवा चीनसारख्या मोठ्या देशात धावत असेल. पण प्रत्यक्षात जगातील सर्वात लांब ट्रेन Australia मध्ये चालते. ही ट्रेन तिच्या मोठ्या लांबीमुळे आणि मालवाहतूक क्षमतेमुळे जगभरात चर्चेचा विषय ठरली आहे.

किती लांब आहे ही ट्रेन?

ऑस्ट्रेलियातील खाण क्षेत्रातील दिग्गज कंपनी BHP द्वारे चालवली जाणारी ही ट्रेन सुमारे 7.3 किलोमीटर लांब आहे. म्हणजेच तिची एकूण लांबी तब्बल 7,353 मीटर इतकी आहे. सामान्य मालगाड्या किंवा प्रवासी गाड्यांच्या तुलनेत ही ट्रेन अनेक पटींनी मोठी आहे.

8 इंजिन्स ओढतात ही ट्रेन

इतकी मोठी ट्रेन चालवणे सोपे नाही. या ट्रेनमध्ये एकूण 682 वॅगन्स म्हणजे डबे जोडलेले आहेत. एवढ्या मोठ्या रचनेला चालवण्यासाठी तब्बल 8 शक्तिशाली लोकोमोटिव्ह इंजिन्स वापरले जातात. ही सर्व इंजिन्स मिळून ट्रेनला खेचतात आणि लांबच्या प्रवासासाठी आवश्यक ताकद पुरवतात.

कोणत्या कामासाठी वापरली जाते?

ही ट्रेन मुख्यपणे आयर्न ओर म्हणजेच लोखंड धातू वाहून नेण्यासाठी वापरली जाते. ऑस्ट्रेलियातील खाणींमधून मोठ्या प्रमाणात खनिज माल बंदरांपर्यंत पोहोचवण्याचे काम ही ट्रेन करते. एका फेरीत प्रचंड प्रमाणात माल वाहतूक करता येत असल्याने वेळ आणि खर्च दोन्ही वाचतात.

ट्रेन चालवणे मोठे आव्हान

या ट्रेनची लांबी आणि वजन इतके प्रचंड असते की तिचे नियंत्रण करणे अत्यंत कठीण मानले जाते. ब्रेकिंग सिस्टम, वेग नियंत्रण आणि ट्रॅक व्यवस्थापनासाठी विशेष तंत्रज्ञानाचा वापर केला जातो.

चालत शेवटपर्यंत जायला तास लागतील

या ट्रेनची विशालता समजून घेण्यासाठी एक रंजक गोष्ट म्हणजे, जर एखाद्या व्यक्तीने ट्रेनच्या एका टोकापासून दुसऱ्या टोकापर्यंत चालत जायचे ठरवले, तर त्याला तासन्‌तास लागू शकतात. सध्या या ट्रेनच्या नावावर जगातील सर्वात लांब ट्रेनचा विक्रम नोंदवला गेला आहे.