Paytm युजर्ससाठी मोठी बातमी! व्यावसायिकांना वॉलेट, UPI, RuPay मधून पेमेंट घेण्यासाठी कोणतेही शुल्क द्यावे लागणार नाही

नवी दिल्ली : फायनान्सियल टेक्नॉलॉजी कंपनीन पेटीएमने व्यावसायिकांना एक खास भेट दिली आहे. कंपनीने घोषित केले आहे की, आता व्यावसायिकांनी पेटीएम वॉलेट, यूपीआय अ‍ॅप्स किंवा रुपे कार्डकडून पैसे घेतल्यास त्यांना कोणतेही शुल्क द्यावे लागणार नाही.

तसेच, यासाठी पैसे घेण्यास कोणतीही मर्यादा देखील निश्चित केलेली नाही. म्हणजेच, आता पेटीएम वापरणारे व्यावसायिक कोणत्याही शुल्काशिवाय कोणतीही देय घेण्यास सक्षम असतील.

कंपनीच्या मते, याचा व्यावसायिकांना वर्षाला ६०० कोटी रुपयांचा थेट फायदा होणार आहे. यामुळे व्यावसायिकांना त्यांचा व्यवसाय वाढविण्यासाठी पर्याप्त भांडवल (Adequate Liquidity) सुद्धा उपलब्ध होईल.

व्यावसायिकांना शुल्काशिवाय पेमेंट घेण्यासाठी पेटीएम ऑल इन वन क्यूआरवर अपग्रेड करावे लागेल. पेटीएमने मंगळवारी ट्विट केले आहे.

कंपनीने म्हटले आहे की, ऑल इन वन क्यूआरमध्ये एकाच ठिकाणी व्यावसायिक देय घेण्यास सक्षम असतील. तसेच, रिवॉर्ड पॉईंट्स मिळविण्याची संधी देखील असेल. जवळपास 1.7 कोटी व्यावसायिकांना फायदा पोहचविण्याचे लक्ष्य आहे, असे पेटीएमने म्हटले आहे.

हे व्यावसायिक त्यांच्या बँकेच्या खात्यांमधून थेट सेटलमेंटसह त्यांच्या सर्व डिजिटल देयकावर शून्य टक्के शुल्क घेऊ शकतील. गोल्डमॅन सॅक्स (Goldman Sachs) ने म्हटले होते की, या व्यावसायिकांपैकी 70 टक्के अॅक्टिव्ह आहेत.

पेटीएमने सांगितले की, पेटीएम वॉलेटद्वारे अमर्यादित देयके मंजूर झाल्यावर व्यावसायिकांना त्यांच्या सर्व देयकासाठी एक जागा उपलब्ध होईल. यासाठी त्यांना एकापेक्षा जास्त क्यूआर कोड वापरण्याची देखील आवश्यकता नाही.

पेटीएम वॉलेट, पेटीएम यूपीआय किंवा इतर कोणत्याही यूपीआय अ‍ॅपकडून देय मंजूर करण्यासाठी त्यांना पेटीएम ऑल इन वन क्यूआरची आवश्यकता असल्याचे कंपनीने म्हटले आहे.

ऑल इन वन क्यूआरच्या मदतीने व्यावसायिक कोणत्याही बँकेच्या खात्यात किंवा रुपे कार्डसह पेटीएम वॉलेटद्वारे कंपनीच्यावतीने शून्य शुल्काद्वारे पैसे घेण्यास सक्षम असतील.

पेटीएमशी संबंधित व्यवसायिकांना त्यांचा व्यवसाय वाढविण्यासाठी पुरेसे भांडवल मिळावे, यासाठी आम्ही हे पाऊल उचलत आहोत, कंपनीचे वरिष्ठ उपाध्यक्ष कुमार आदित्य म्हणाले.

याशिवाय, सर्व शुल्क हटविण्यामुळे पेटीएम ऑल इन वन क्यूआरद्वारे देयके स्वीकारणाऱ्या सर्व एमएसएमईंना मोठा फायदा होईल. तसेच, डिजिटल पेमेंटसला देखील प्रोत्साहन मिळेल आणि डिजिटल इंडिया मोहीम अधिक मजबूती मिळेल, असेही कुमार आदित्य यांनी सांगितले.

याचबरोबर, पेटीएम एमएसएमईंना आर्थिक मदतही देत ​​आहे. मार्च 2021 पर्यंत कंपनी एक हजार कोटी रुपयांचे कर्ज वितरण करण्याचे लक्ष्य गाठेल अशी आशा आहे. मर्चंट लेडिंग प्रोग्राम अंतर्गत कंपनी व्यावसायिकांना विना गॅरंटी कर्ज उपलब्ध करीत आहे. तसेच, सर्व पेटीएम युजर्ससाठी पेटीएम वॉलेटमधून बँक ट्रान्सफर विनामूल्य आहे.