Maharashtra News in Marathi | महाराष्ट्र मराठी बातम्या | Maharashtra News Paper Today | Maharashtra Marathi News Today Live | Crime News From Maharashtra | महाराष्ट्र ताज्या बातम्या | Maharashtra Breaking News in Marathi

मुंबई : मुंबई उपनगरीय मार्गावरील रेल्वे प्रकल्पांना अर्थसंकल्पात आर्थिक बळ देण्यात आले आहे. त्यामुळे सुरू असलेल्या प्रकल्पांना गती मिळू शकते. यामध्ये एमयूटीपी-३ आणि एमयूटीपी-२ मधील प्रकल्पांबरोबरच सीवूड-उरण आणि कल्याण-कसारा तिसऱ्या मार्गिकेसाठीही भरीव निधी आहे.एमयूटीपी-३ ला नुकतेच केंद्रीय मंत्रिमंडळाने नुकतीच मंजुरी देण्यात आली होती. यामध्ये पनवेल-कर्जत उपनगरीय दुहेरी मार्ग, वसई-विरार चौपदरीकरण, कळवा-ऐरोली उन्नत जोडमार्ग, नवीन गाड्या, रूळ ओलांडतानाचे अपघात रोखणे याचा समावेश आहे. या योजनेसाठी ४११ कोटी रुपयांची तरतूद करण्यात आली असल्याची माहिती एमआरव्हीसीचे व्यवस्थापकीय संचालक प्रभात सहाय यांनी दिली.एमयूटीपी-२ मधील प्रकल्पांसाठीही १३७ कोटी रुपये मंजूर करण्यात आले आहेत. त्यामुळे रखडलेल्या दिवा-ठाणे पाचवा व सहावा मार्ग, सीएसटी-कुर्ला पाचवा-सहावा मार्ग आणि अंधेरीचा गोरेगावपर्यंत विस्तार हे प्रकल्प पुढे सरकण्यास मदत मिळेल. राज्य सरकारकडूनही एमयूटीपी-२ आणि एमयूटीपी-३ साठी तेवढाच निधी उपलब्ध होईल.गेल्याच वर्षी काम सुरू केलेल्या कल्याण-कसारा तिसऱ्या मार्गिकेचेही काम जलद गतीने पूर्ण होण्याची चिन्हे आहेत. यंदाच्या अर्थसंकल्पात ७0 कोटी रुपयांचा निधी प्रकल्पासाठी देण्यात आला आहे.त्यामुळे जमीन हस्तांतरणासह अन्य कामे करण्यावर भर दिला जाऊ शकतो, अशी आशा रेल्वेचे अधिकारी व्यक्त करतात. सर्वात महत्त्वाचे म्हणजे उरण हे मुंबईशी जोडण्याचे नियोजन असून त्यासाठी सीवूड-उरण हामार्ग बांधला जात आहे. प्रकल्प यंदाच्या वर्षात डिसेंबरपर्यंत पूर्ण करण्याचे उद्दिष्ट असून त्याच्या कामासाठी ६६ कोटी रुपयांचीतरतूद करण्यात आली आहे. (प्रतिनिधी)प्रवासी सुविधांसाठी ८३ कोटी रुपयेप्रवासी सुविधांसाठी ८३ कोटी रुपये मंजूर करण्यात आले आहेत. यामध्ये सरकते जिने, लिफ्ट त्याचबरोबर रेल्वे इमारतींची दुरुस्ती, ओव्हरहेड वायरची दुरुस्ती आणि प्लॅटफॉर्मवरील अन्य सुविधांचा समावेश आहे.राज्यातील जुन्या प्रकल्पांसाठीही निधीअमरावती-नरखेड, अहमनगर-बीड परळी वैजनाथ, बारामती-लोणंद. पुणतांबा-शिर्डी, वर्धा-नांदेड, कराड-चिपळूण, दिघी फोर्ट-रोहा, इंदौर-मनमाड व्हाया मालेगाव, पुणे-नाशिक आणि वैभववाडी-कोल्हापूर या जुन्या प्रकल्पांसाठी निधी उपलब्ध करण्यात आला आहे.प्लॅटफॉर्मची उंची वाढणारमध्य रेल्वेवरील ३३ स्टेशनवरील ४८ प्लॅटफॉर्मची उंची वाढवण्यासाठी १ कोटी रुपये मंजूर करण्यात आले आहेत. त्याचबरोबरनेरळ-माथेरान रेल्वेमार्ग हा धोकादायक झाला आहे.त्यामुळे या मार्गावरील सुरक्षा कामांसाठीही १ कोटी ५0 लाखांचा निधी, तसेच पश्चिम रेल्वेवरील एटीव्हीएमसाठी ३ कोटी ७0 लाख, चर्नी रोड ते ग्रँट रोड दरम्यान रोड ओव्हर ब्रिजसाठी ३ कोटी रुपये निधी उपलब्ध करण्यात आला आहे.

Maharashtra (Marathi News)

निवडणूक उपसमितीने जाहीर केली उमेदवारांची यादी. ...

उमेदवार रिंगणात नाहीत; पक्ष कार्यकर्त्यांंचा पाठिंबा कुणाला हा प्रश्न शेष. ...

सर्व्हर डाउन; उमेदवारांची धावपळ! ...

दोन्ही पक्षांचे ७३-७३ उमेदवार आमने-सामने ...