Latest Marathi News

उत्तर प्रदेशातील बिजनौर जिल्ह्यातून एक अत्यंत धक्कादायक आणि माणुसकीला काळीमा फासणारी घटना समोर आली आहे. आपल्या मुलीचे प्रेमसंबंध असल्याची कुणकूण लागल्याने संतापलेल्या बापाने पोटच्या १७ वर्षीय मुलीची गळा आवळून निर्घृण हत्या केली आहे. नगीना पोलीस ठाण्याच्या हद्दीतील बिन्जाहेडी गावात घडलेल्या या 'ऑनर किलिंग'च्या घटनेने संपूर्ण परिसरात खळबळ उडाली आहे.नेमकी घटना काय?नजाकत असे या आरोपी वडिलांचे नाव असून, तो एका बेकरीमध्ये कामाला आहे. त्याला एकूण सहा अपत्ये असून, त्यातील मृत मुलगी रेश्मा (वय १७) ही सर्वात मोठी होती. रेश्माचे गावातीलच एका तरुणासोबत प्रेमसंबंध होते, ज्याचा घरच्यांचा सुरुवातीपासूनच तीव्र विरोध होता. कुटुंबीयांनी तिला अनेकदा समजावण्याचा प्रयत्न केला, पण ती आपल्या निर्णयावर ठाम होती.मध्यरात्री केला घातबुधवारी पहाटेच्या सुमारास नजाकतने आपल्या मुलीच्या प्रियकराला घराबाहेर पडताना पाहिले. यामुळे त्याचा राग अनावर झाला. मुलगी गाढ झोपेत असताना, पहाटे ४ वाजताच्या सुमारास नजाकतने तिचा गळा आवळून तिची निर्घृण हत्या केली. या घटनेची माहिती मिळताच पोलिसांनी घटनास्थळी धाव घेतली. नजाकतच्या घरातील एका खोलीत मुलीचा मृतदेह आढळला. पोलिसांनी मृतदेह ताब्यात घेऊन शवविच्छेदनासाठी पाठवला आहे.पोलिसांसमोर गुन्हा कबूलसुरुवातीला काहीही बोलण्यास टाळाटाळ करणाऱ्या नजाकतने पोलिसी खाक्या दाखवताच आपला गुन्हा कबूल केला. "मी एका मुलाला रात्री घरून बाहेर पडताना पाहिले, त्यामुळे मला प्रचंड राग आला आणि मी तिची हत्या केली," अशी कबुली त्याने दिली आहे. बिजनौरचे पोलीस क्षेत्राधिकारी राजेश कुमार सोलंकी यांनी दिलेल्या माहितीनुसार, आरोपी बापाला पोलिसांनी ताब्यात घेतले असून, पुढील कायदेशीर कार्यवाही सुरू आहे. एका प्रेमसंबंधावरून बापानेच मुलीचा जीव घेतल्याने परिसरात संताप व्यक्त केला जात आहे.

साताऱ्यात पावसाची उघडीप; महाबळेश्वरलाही दमदार हजेरी ...

ऑगस्टमध्ये पुणे विभागीय आयुक्त कार्यालयासमोर बेमुदत ठिय्या ...

मुसळधार पावसामुळे रेल्वे रद्द झाल्याने आठवड्याच्या पहिल्या दिवशी कामावर जाणार्‍या चाकरमान्यांना फटका बसला ...

Vijay Wadettiwar : लंडनहून येणारी वाघनखे ही छत्रपती शिवरायांची नसल्याचा दावा इतिहासकार इंद्रजीत सावंत यांनी केला आहे. ...

मराठमोळ्या अविनाश साबळेने रविवारी त्याचाच विक्रम मोडत ऐतिहासिक कामगिरी केली. ...

Yavatmal : स्मशानशेडच्या बांधकामासाठी जागाही मिळेना ...

शेतकऱ्यांची बाजू जाणून घेतल्यानंतर शरद पवार यांनी थेट मुख्यमंत्री एकनाथ शिंदे यांना फोन लावला ...

काही घटनांमध्ये सुदैवाने यात कोणत्याही प्रकारची जीवीतहानी झाली नसली तरी वित्त हानी झाल्याचे दिसून आले. ...