Latest Marathi News

IPL 2026, KKR Seven Wicket Win Over SRH : कोलकाता नाईट रायडर्सच्या संघाने घरच्या मैदानात खेळणाऱ्या सनरायझर्स हैदराबादचा ७ विकेट्सनी धुव्वा उडवत सलग तिसऱ्या विजयासह प्लेऑफ्सच्या आशा कायम ठेवल्या आहेत. मिस्ट्री स्पिनर वरुण चक्रवर्ती आणि सुनील नरेनसह जलदगती गोलंदाज कार्तिक त्यागीच्या गोलंदाजीसमोर पहिल्यांदा फलंदाजी करताना तगडी फलंदाजी असलेला सनरायझर्स हैदराबादचा संघ १६५ धावांत गारद झाला. या धावसंख्येचा पाठलाग करताना मुंबईकर अजिंक्य रहाणे आणि अंगकृष रघुवंशीच्या हिट शोनंतर रिंकूच्या फिनिशिंग टचसह कोलकाता नाईट रायडर्सने विजय निश्चित केला. 'लोकमत'चं WhatsApp चॅनल फॉलो करा! ट्रॅविस हेडसह ईशान किशनची शानदार खेळीसनरायझर्स हैदराबादचा कर्णधार पॅट कमिन्स याने नाणेफेक जिंकून पहिल्यांदा फलंदाजीचा निर्णय घेतल्यावर अभिषेक शर्मा आणि ट्रॅविस हेड जोडीनं संघाला दमदार सुरुवात करून दिली. पण संघाच्या धावफलकावर ४४ धावा असताना चौथ्या षटकात कार्तिक त्यागीनं अभिषेक शर्माच्या खेळीला १५ धावांवरच ब्रेक लावला. त्याची जागा घेण्यासाठी आलेल्या ईशान किशन याने ट्रॅविस हेडसोबत दुसऱ्या विकेटसाठी अर्धशतकी भागीदारी रचत संघाला मजबूत स्थितीत नेले. ट्रॅविस हेड २८ चेंडूत ९ चौकार आणि ३ षटकारांच्या मदतीने ६१ धावांची खेळी करून वरुण चक्रवर्तीच्या जाळ्यात फसला. सुनील नरेन याने ईशान किशनला ४२ धावांवर तंबूतचा रस्ता दाखवला. त्यानंतर SRH च्या एकाही बॅटरला मैदानात तग धरता आला नाही. परिणामी सनरायझर्स हैदराबादचा संघ १९ षटकात १६५ धावांवर आटोपला. कोलकाता नाईट रायडर्सच्या संघाकडून वरुण चक्रवर्तीनं सर्वाधिक ३ तर सुनील नरेन आणि कार्तिक त्यागी यांनी प्रत्येकी २-२ विकेट्स आपल्या खात्यात जमा केल्या. याशिवाय अनुकूल रॉय, वैभव अरोरा आणि कॅमरून ग्रीन यानी प्रत्येकी १-१ विकेट घेतली. मिस्ट्री स्पिनर सुनील नरेनचा ऐतिहासिक पराक्रम! IPL मध्ये २०० विकेट्स घेणारा पहिला परदेशी गोलंदाजमुंबईकर रहाणेसह रघुवंशीचा जलवाअल्प धावसंख्येचा पाठलाग करताना कर्णधार अजिंक्य रहाणे आणि फिन ॲलन यांनी संघाला चांगली सुरुवात करून दिली. सलामी जोडीनं पहिल्या ४ षटकात ४९ धावांची भागीदारी रचली. फिन ॲलन १३ चेंडूत ३ चौकार आणि २ षटकारांच्या मदतीने २९ धावा केल्या. त्याची जागा घेण्यासाठी आलेल्या अंगकृष रघुवंशी याने कर्णधाराच्या साथीनं ६६ चेंडूत ८४ धावांची भागीदारी रचत डाव सेट केला. रघुवंशीनं ४७ चेंडूत ५ चौकार आणि २ षटकारांच्या मदतीने ५९ धावांची खेळी केली. रिंकू सिंह २२ (११) आणि कॅमरून ग्रीन यांनी ३ (२) संघाला ७ विकेट्स राखून विजय मिळवून दिला.

Kanda Market Update : सोलापूर बाजारात लाल कांद्याची (Kanda Market Update) 48 हजार क्विंटल आवक होऊन दरात मोठी घसरण झाल्याचे दिसून आले. ...

अतिसंवेदनशील पेनगुंडाला भेट : जनजागरण मेळाव्यात साहित्यांचे वाटप ...

"हे लोक, संपूर्ण देशातील मशिदींमध्ये मंदीर शोधत आहेत. हे लोक गेल्या दशकापासून 'भारत खोदो' योजना चालवत आहेत." ...

दुबईतील कायदे अतिशय कडक आहेत. ...

या प्रकरणात आता राज्य सरकार असो की पोलीस काय भूमिका घेतात, याकडे लक्ष लागले आहे. ...

रुग्णालये बंद करण्याची प्रदूषण नियंत्रण मंडळाची नोटीस ...