Latest International News | International Marathi News | Latest International News in Marathi | आंतरराष्ट्रीय: ताज्या मराठी बातम्या

दुबई : इराणने मंगळवारी इस्रायल तसेच आखाती देशांवर क्षेपणास्त्र आणि ड्रोन हल्ले सुरूच ठेवत संघर्ष अधिक तीव्र केला. इस्रायलमधील प्रमुख तेल अवीव शहरासह विविध भागांवर थेट हल्ले झाल्याने नुकसान आणि भीतीचे वातावरण निर्माण झाले. सोमवारी अमेरिकेचे राष्ट्राध्यक्ष डोनाल्ड ट्रम्प यांनी युद्ध थांबविण्यासाठी अमेरिका- इराण चर्चा सुरू असल्याचा दावा केला होता; पण सोमवारी तसेच मंगळवारीही इराणने कोणतीही चर्चा झालेली नसल्याचे स्पष्ट करत हा दावा फेटाळला. अमेरिका खार्ग बेट ताब्यात घेण्यासाठी वेळ घेत आहे. त्यांचे मरिन सैनिक युद्धक्षेत्रात पोहोचत आहेत, म्हणून ट्रम्प यांनी ५ दिवसांसाठी हल्ले थांबवल्याची रणनीती आखल्याचे इराणचे म्हणणे आहे.इस्रायलवर तीव्र हल्लेइराणकडून मंगळवारी पहाटेपासून इस्रायलवर अनेक टप्प्यांत क्षेपणास्त्र हल्ले करण्यात आले. तेल अवीवच्या मध्यवर्ती भागात १०० किलो स्फोटक असलेले क्षेपणास्त्र कोसळल्याने मोठे नुकसान झाले. अनेक इमारतींच्या काचा फुटल्या, परिसरात धुराचे लोट पसरले आणि नागरिकांमध्ये भीतीचे वातावरण निर्माण झाले. काही जण किरकोळ जखमी झाले. बचाव पथकांनी घटनास्थळी तातडीने मदतकार्य सुरू केले. पण, स्थानिकांमध्ये हल्ल्यांमुळे भीती पसरली आहे. आमच्या डोळ्यांदेखत क्षेपणास्त्र हल्ल्याने इमारत उद्ध्वस्त पाहायला मिळाली व हवेत धुळीचे मोठे लोट पसरल्याचे दिसले अशी प्रतिक्रिया योल मोशे या बचाव पथकातील स्वयंसेवकाने दिली.इस्रायलचे दक्षिण लेबनॉन, बैरूतवर हल्लेहिजबुल्लाच्या हल्ल्यांचे प्रत्युत्तर देत इस्रायलने लेबनॉनमधील बैरूतच्या दक्षिण उपनगरांवर हवाई हल्ले केले. हे हल्ले हिजबुल्लाच्या पायाभूत सुविधांवर होते, असा दावा केला गेला. लेबनॉनच्या आरोग्य मंत्रालयाने, एका निवासी इमारतीवरील हल्ल्यात किमान दोन जणांचा मृत्यू झाल्याचे सांगितले.‘आमच्या ऊर्जा प्रकल्पांवर हल्ले’इराणमधील ‘फार्स’ या निमलष्करी वृत्तसंस्थेने इस्फहान येथील नैसर्गिक वायू प्रकल्प आणि खोर्रमशहर येथील गॅस पाइपलाइनवर आधारित वीज प्रकल्पावर मंगळवारी हल्ले करण्यात आल्याचा आरोप केला. या हल्ल्यांमुळे नुकसान झाल्याचे इराणचे म्हणणे आहे. ‘पूर्ण विजय मिळेपर्यंत लढणार’इराणचे सशस्त्र दल ‘पूर्ण विजय मिळेपर्यंत’ लढत राहतील, असा इशारा इराणच्या खातम अल अंबिया केंद्रीय मुख्यालयाचे मेजर जनरल अली अब्दुल्लाबी अलिबादी यांनी मंगळवारी अमेरिकेला दिला. ट्रम्पची घोषणा अन् सेन्सेक्स उसळलाडोनाल्ड ट्रम्प यांनी इराणवरील हल्ल्यांना तात्पुरती स्थगिती देण्याची घोषणा केल्याने सेन्सेक्स तब्बल १,३७२ अंकांनी उसळत ७४,०६८ वर बंद झाला, तर निफ्टीने २२,९१२ चा टप्पा गाठला.

International (Marathi News)

"अमेरिका आणि इस्रायलचे संबंध अत्यंत दृढ आहेत. दोन्ही देश या मुद्द्यावर सारखाच विचार करत आहेत..." ...

इराणच्या या दाव्याने ट्रम्प प्रशासन नेमके कोणाशी बोलले याबद्दल संभ्रमावस्था आहे. ...

मशीन लर्निंग मॉडेलच्या साहाय्याने संबंधिताच्या मेंदूच्या वयाचा अंदाज लावण्यात आला. ...

इस्रायलमधील प्रमुख तेल अवीव शहरासह विविध भागांवर थेट हल्ले झाल्याने नुकसान आणि भीतीचे वातावरण निर्माण झाले. ...