Latest International News | International Marathi News | Latest International News in Marathi | आंतरराष्ट्रीय: ताज्या मराठी बातम्या

पंतप्रधान नरेंद्र मोदी फ्रान्स, अमेरिकेच्या दौऱ्यावर आहेत. मोदी अमेरिकेत पोहोचण्यापूर्वी अमेरिकेच्या एका बड्या निवृत्त अधिकाऱ्याने मोठा दावा केला आहे. यामुळे भारताच्या राजकारणात तसेच आंतरराष्ट्रीय स्तरावर खळबळ उडण्याची शक्यता आहे. मोदींना हरविण्यासाठी अमेरिकेने कारस्थाने रचल्याचा दावा करण्यात आला आहे. अमेरिकेचे माजी परराष्ट्र विभागाचे अधिकारी माईक बेंझ यांनी हा दावा केला आहे. अमेरिकेने भारतातील अंतर्गत राजकारणामध्ये ढवळाढवळ केली होती, असे बेंझ यांनी म्हटले आहे. यासाठी अमेरिकेने भरमसाठ पैसा खर्च केला आहे. मीडिया, सोशल मीडिया सेंसॉरशिप आणि विरोधकांच्या आंदोलनांना आर्थिक मदतीच्या माध्यमातून भारताचा राजकारणावर परिणाम करण्याचा प्रयत्न केला आहे. अमेरिकेच्या संबंधीत संस्थांनी लोकशाहीला पाठबळ देण्याच्या कथित अजेंड्याखाली निवडणूक प्रभावित करणे, सरकार अस्थिर करणे आणि आपल्याला हवे तसे सरकार बनविण्याचा प्रयत्न केला आहे, असा आरोप बेंझ यांनी केला आहे. बेंझ यांचा दावा हा २०२५ च्या लोकसभा निवडणुका नाही तर २०१९ च्या लोकसभा निवडणुकीवेळचा आहे. युएसएडसारख्या संस्थांचे नाव त्यांनी घेतले आहे. या संस्थांनी भाजपा आणि मोदी यांच्या विरोधात निवडणुकीत नॅरेटिव्ह सेट केले होते. सोशल मीजियावर त्यांची एक मुलाखत पोस्ट करून बेंझ यांनी हा दावा केला आहे. काय काय केले गेले?अमेरिकेच्या सरकारने सोशल मीडियावरून मोदींचे समर्थन करणारा कंटेंट रोखण्याचा प्रयत्न केला. फेसबुक, व्हॉट्सअप, युट्यूब आणि ट्विटर सारख्या कंपन्यांवर यासाठी दबाव टाकण्यात आला होता. आंतरराष्ट्रीय प्रसारमाध्यमांना हाताशी धरून भारत गंभीर संकटाचा सामना करत असल्याचा रिपोर्ट तयार करवून घेण्यात आला.

International (Marathi News)

भारताच्या जवळील भूतानमध्ये सर्वात कमी भ्रष्टाचार होत असून, मालदीव आणि भारतात भ्रष्टचाराचे प्रमाण सारखेच आहे ...

Indian Gangster List: भारत आणि अमेरिका यांच्यात झालेल्या करारांतर्गत ही कारवाई करण्यात येत आहे. ...