Gadchiroli News | Latest Gadchiroli News in Marathi | Gadchiroli Local News Updates | ताज्या बातम्या गडचिरोली | गडचिरोली समाचार | Gadchiroli Newspaper

कांकेर / गडचिरोली : छत्तीसगडमधील कांकेर जिल्ह्यामध्ये सुरक्षा दलाच्या जवानांबरोबर मंगळवारी झालेल्या चकमकीत २९ नक्षलवाद्यांचा खात्मा करण्यात आल्याची माहिती पोलिसांनी दिली. या चकमकीत सुरक्षा दलाचे तीन जवान जखमी झाले असून, घटनास्थळावरून मोठ्या प्रमाणावर शस्त्रसाठा व दारूगोळा जप्त करण्यात आला आहे. पहिल्या टप्प्यातील लोकसभा निवडणुकीपूर्वी ही घटना घडल्याने गडचिरोली पोलिसदेखील अलर्ट झाले आहेत.नक्षलवाद्याचा गड समजल्या जाणाऱ्या अबुजमाड जंगलातील छत्तीसगडच्या छोटे बेठिया पोलिस ठाण्याच्या क्षेत्रात मंगळवारी दुपारी दोन वाजण्याच्या सुमारास ही घटना घडली. सीमा सुरक्षा दल (बीएसएफ) आणि राज्य पोलिसांच्या डिस्ट्रिक्ट रिझर्व्ह गार्ड (डीआरजी) यांनी नक्षलवाद्यांच्या शोधासाठी संयुक्त मोहीम हाती घेतली होती. कांकेर जिल्ह्यामध्ये नक्षलवाद्यांचा बीमोड करण्यासाठी बीएसएफचे जवान मोठ्या संख्येने तैनात करण्यात आले आहेत. यावेळी झालेल्या चकमकीत नक्षली कमांडर शंकर राव व ललिता ठार झाली आहे. छत्तीसगडमध्ये सुरक्षा दलाच्या कारवाईत मंगळवारी अनेक नक्षलवादी मारल्या गेले. ही कारवाई यशस्वी करण्यासाठी जीवाची बाजी लावणाऱ्या सर्व जवानांचे कौतुक करतो आणि जखमी जवानांची प्रकृतीत सुधारणा व्हावी, यासाठी प्रार्थना करतो. सरकारचे नक्षलविरोधी धोरण आणि सुरक्षा दलाच्या प्रयत्नातून लवकरच देश नक्षलमुक्त करण्यात येईल. - अमित शाह, केंद्रीय गृहमंत्रीतीन जवान जखमीबीएसएफच्या जवानांसह तीन जवान चकमकीत जखमी झाले असून, त्यांना उपचारांसाठी रुग्णालयात दाखल करण्यात आल्याचे छत्तीसगड पोलिसांनी सांगितले. त्यापैकी एका जवानाच्या पायाला गोळी लागली असून, त्याची प्रकृती धोक्याबाहेर असल्याचे सांगण्यात आले. नक्षलग्रस्त कांकेर जिल्हाछत्तीसगडमधील नक्षलवाद्यांचा गड असलेला कांकेर परिसर हा बस्तर जिल्ह्याचा भाग होता. १९९८ मध्ये कांकेरला स्वतंत्र जिल्हा घोषित करण्यात आला. मंगळवारी झालेली चकमक ही बिनागुंडा व कोरोनार गावादरम्यान दुपारी घडली. २०२४ वर्ष सुरू झाल्यापासूनचार महिन्यात आतापर्यंत बस्तर परिसरात तब्बल ७९ नक्षल्यांचा खात्मा करण्यात आला.गडचिरोली पोलिस अलर्ट मोडवर- महाराष्ट्रात पहिल्या टप्प्यात गडचिरोली-चिमूरसाठी १९ एप्रिलला मतदान होत आहे. याअनुषंगाने १६ एप्रिललाच १५ हजारांहून अधिक सुरक्षा जवान तैनात झाले आहेत. दुर्गम, अतिदुर्गम भागात हेलिकॉप्टरने मतदान यंत्र व अधिकाऱ्यांना पोहोचविण्यात आले आहे.- मतदानाच्या तीन दिवस आधीच छत्तीसगड सीमेवर छत्तीसगड पोलिस व माओवाद्यांतील चकमकीनंतर २९ नक्षल्यांना कंठस्नान घालण्यात यश आले आहे. नक्षलवाद्यांसाठी हा मोठा धक्का मानला जात आहे.- या घटनेच्या अनुषंगाने ते पुन्हा खवळण्याची शक्यता लक्षात घेता, सुरक्षा यंत्रणा सजग झाली आहे. सीमावर्ती भागातील सर्व हालचालींवर नजर ठेवली जात असून, अनुचित प्रकार घडणार नाही, यासाठी पोलिस सज्ज आहेत, अशी माहिती पोलिस अधीक्षक नीलोत्पल यांनी दिली.मृतांपैकी दोन नक्षल्यांवर २५ लाखांचे बक्षीस- चकमकीच्या ठिकाणी सुरुवातीला १८ व नंतर ११ मृतदेह सापडले, त्यामुळे एकूण २९ माओवादी ठार झाले.- घटनास्थळावरून आधुनिक रायफल, सात एके ४७ रायफल, ३ एलएमजी जप्त करण्यात आले आहेत. चकमकीत ठार झालेला शंकर राव याच्यावर २५ लाखांचे बक्षीस होते.- कांकेर जिल्ह्यातील चकमकीत ठार झालेल्या नक्षलवाद्यांची ओळख पटविण्याचे काम सुरू आहे.- गडचिरोलीपासून १९ किलोमीटर अंतरावर घडलेल्या या घटनेने खळबळ उडाली असून, सुरक्षा यंत्रणा अलर्ट आहे....अन् अचानक झाला गोळीबार - लोकसभा निवडणुकांच्या आधी नक्षलग्रस्त भागात सुरक्षा दलांनी अधिक कडक कारवाई करण्यास सुरुवात केली आहे. - या भागांमध्ये निवडणूक प्रक्रियेत कोणताही अडथळा येऊ नये म्हणून ही पावले उचलण्यात आली आहेत.- बीएसएफ आणि जिल्हा राखीव गार्ड यांची संयुक्त टीम नक्षलविरोधी अभियानासाठी जात असताना नक्षल्यांनी अचानक गोळीबार केला. प्रत्युत्तरात जवानांनीही गोळीबार केला.

Gadchiroli (Marathi News)

गडचिरोली मतदान करण्यासाठी नागरिकांची गर्दी, बाजारपेठ तसेच भाजीमंडईमध्ये दिसून आला शुकशुकाट ...

अहेरीवरुन तातडीने हेलिकॉप्टरने नवीन तीन ईव्हीएम पोहोचविण्यात आले व प्रक्रिया सुरळीत सुरु झाली. ...

छत्तीसगडच्या कांकेरमध्ये भीषण चकमक; तीन जवान जखमी; शस्त्रसाठा केला जप्त ...