Dhule News | Latest Dhule News in Marathi | Dhule Local News Updates | ताज्यबातम्या धुळे | धुळे समाचार | Dhule Newspaper

खाजगी रुग्णालयातील मोजक्या बेडसाठी मोजावे लागतील पैसेलोकमत न्यूज नेटवर्कधुळे - जिल्ह्यातील काेरोनाबाधित रुग्णांच्या संख्येत मोठी वाढ झाली आहे. दररोज सरासरी चारशेपेक्षा अधिक रुग्ण आढळत आहेत. धुळे शहरातील खासगी रुग्णालये यामुळे फुल्ल झाली असून, कोरोना रुग्णांसाठीचे मोजकेच बेड खासगी रुग्णालयांत उपलब्ध आहेत. तेथे दाखल होण्यासाठी रुग्णांना जादा पैसे मोजावे लागत आहेत. याचवेळी शासकीय रुग्णालयात मात्र पाचशेपेक्षा अधिक बेड रिकामे आहेत. घरीच अलगीकरणात असलेल्या रुग्णांची संख्या मोठी असल्यामुळे शासकीय कोविड केंद्रात बेड उपलब्ध आहेत.धुळे शहरातील खासगी रुग्णालयांत कोविड रुग्णांसाठी एकूण ३८० बेड उपलब्ध आहेत. त्यापैकी सध्या केवळ १४ बेड रिकामे आहेत. एकूण ३६६ रुग्ण खाजगी रुग्णालयांत उपचार घेत आहेत. शहरातील शासकीय कोविड रुग्णालय व कोविड केअर केंद्रात एकूण ८७० बेड असून, सध्या याठिकाणी ३०५ रुग्ण दाखल आहेत तर ५६५ बेड रिकामे आहेत. अडीच हजारांपेक्षा जास्त बाधित रुग्ण गृह अलगीकरणात असल्याने अधिक बेड उपलब्ध आहेत. बाधित रुग्णांची संख्या जास्त आहे. दररोज शहरातील २००पेक्षा जास्त जणांचे अहवाल पॉझिटिव्ह येत आहेत. मात्र, त्यात लक्षणे नसलेल्या किंवा सौम्य लक्षणे असलेल्या रुग्णांची संख्या जास्त आहे. अशा रुग्णांना घरीच अलगीकरणात ठेवण्यात येत आहे. अलगीकरणातील रुग्णांची संख्या जास्त असल्याने शासकीय रुग्णालयात बेड उपलब्ध आहेत. दरम्यान, गंभीर असलेल्या रुग्णांना बेड उपलब्ध व्हावेत, यासाठी लक्षणे नसलेल्या रुग्णांना गृह अलगीकरणात ठेवण्यात येत आहे.राखीव बेड परस्पर वाढवले -कोविड रुग्णांसाठीच्या राखीव बेडमध्ये काही खासगी रुग्णालयांनी परस्पर वाढ केली असून, त्याची माहिती प्रशासनाला दिलेली नाही, अशी माहिती समोर आली आहे. जिल्हा प्रशासन लवकरच खासगी रुग्णालयांची बैठक बोलावणार असून, त्यात यावर चर्चा होण्याची शक्यता आहे.

Dhule (Marathi News)