Latest Crime News | गुन्हेगारी मराठी बातम्या | Crime Marathi News | Latest Crime News in Marathi | क्राइम ताज्या मराठी बातम्या

एका बाजूला दिवसभर पायपीट करून कुटुंबाचा उदरनिर्वाह करणारा गरीब डिलिव्हरी बॉय आणि दुसऱ्या बाजूला त्याच्याच नावावर असलेला साडेनऊ कोटींचा व्यवसाय! ऐकायला एखाद्या चित्रपटाची पटकथा वाटत असली तरी, बिजनौरच्या धामपूर तहसील क्षेत्रात ही धक्कादायक घटना घडली आहे. पॅन कार्डचा गैरवापर करून एका डिलिव्हरी बॉयला चक्क करोडो रुपयांच्या कंपनीचा मालक बनवण्यात आले आणि आता हा तरुण आयकर विभागाच्या फेऱ्यात अडकला आहे.नोटीस आली अन् पायाखालची जमीन सरकलीधामपूरच्या पृथ्वीपूर बनवारी गावातील रहिवासी फिरोज अहमद हा डिलिव्हरी बॉय म्हणून काम करतो. त्याचे आयुष्य शांत चालले होते, पण ऑगस्ट २०२५ मध्ये त्याला आयकर विभागाची एक नोटीस मिळाली आणि त्याच्या संसाराची राखरांगोळी झाली. या नोटीसनुसार, फिरोजच्या पॅन कार्डवर 'WYN IMPEX' नावाची कंपनी नोंदणीकृत असून, ऑगस्ट २०२० मध्ये या कंपनीने तब्बल ९.४९ कोटी रुपयांची उलाढाल केली आहे.ज्या फिरोजने कधी लाखाची रक्कम पाहिली नाही, त्याच्या नावावर ९ कोटींचे व्यवहार झाल्याचे पाहून तो हादरला. चौकशीत असे समोर आले की, १४ जुलै २०२० रोजी त्याच्या पॅन कार्डचा वापर करून या फर्मची नोंदणी करण्यात आली होती. मात्र, यात वापरलेला मोबाईल नंबर, ईमेल आयडी आणि कागदपत्रांवरील स्वाक्षरी पूर्णपणे बनावट आहे. कुणीतरी अज्ञात व्यक्तीने फिरोजच्या पॅन कार्डचा वापर करून हे काळे साम्राज्य उभे केले आहे.न्यायासाठी वर्षभरापासून वणवणफिरोज गेल्या वर्षभरापासून आयकर विभागाच्या कार्यालयांचे उंबरठे झिजवत आहे. त्याने स्थानिक पोलीस आणि जिल्ह्याचे पोलीस अधीक्षक अभिषेक झा यांच्याकडेही तक्रार केली, मात्र अद्याप कोणतीही ठोस कारवाई झालेली नाही. दुसरीकडे, आयकर विभागाकडून वारंवार येणाऱ्या नोटीसमुळे फिरोज प्रचंड मानसिक तणावाखाली आहे. "माझ्याकडे ना पैसे आहेत, ना कायदेशीर लढाई लढण्याची ताकद," अशा शब्दांत त्याने आपली व्यथा मांडली आहे.गरीब आणि कष्टकरी सॉफ्ट टार्गेट?बिजनौर जिल्ह्यात अशा प्रकारची ही पहिलीच घटना नाही. यापूर्वीही अनेक शेतकरी आणि मजुरांच्या नावावर बनावट कंपन्या उघडून करोडोंचा टॅक्स चोरी केल्याचे प्रकार समोर आले आहेत. तुमच्या पॅन कार्डचा किंवा आधार कार्डचा वापर कोणी करत नाहीये ना? हे वेळीच तपासणे आता गरजेचे झाले आहे, अन्यथा फिरोजसारखा मनस्ताप कोणालाही सोसावा लागू शकतो.

Crime (Marathi News)

Goregaon NESCO Concert: फरार ड्रग सप्लायरचा शोध सुरू; पत्नी, बहिणीच्या बँक खात्यात वळवली गुन्ह्याची रक्कम ...

एका क्लबचा कोच असल्याची बतावणी : आरोपी वाराणसीला फरार : क्रिकेटचे स्वप्न दाखवत फसवणूक ...

खुनाच्या घटनेचा उलगडा : आरोपी महिलेला २४ एप्रिलपर्यंत कोठडी... ...

धक्कादायक : काैटुंबिक वादातून घेतला टाेकाचा निर्णय... ...

पॅन कार्डचा गैरवापर करून एका डिलिव्हरी बॉयच्या नावावर ९.४९ कोटींची बनावट कंपनी उघडली गेली अन्.. ...