Latest Chhatrapati Sambhajinagar News | Chhatrapati Sambhajinagar Marathi News | Latest Chhatrapati Sambhajinagar News in Marathi | छत्रपती संभाजीनगर: ताज्या मराठी बातम्या

सिल्लोड : गेल्या दोन दिवसांपासून सुरू असलेल्या पावसामुळे घरासमोरील खड्ड्यात साचलेल्या पाण्यात बुडून चिमुकल्या बहीण-भावाचा मृत्यू झाल्याची घटना गुरुवारी दुपारी १२ वाजेच्या सुमारास तालुक्यातील मोढा बुद्रुक येथील कांबळे वस्तीत (मोहनबावाडी) घडली. हर्षदा गणेश कांबळे (वय ६ वर्षे) व रुद्र गणेश कांबळे (वय ३ वर्षे), अशी या चिमुकल्या मयतांची नावे आहेत.सिल्लोड तालुक्यात बुधवार दुपारपासून पावसाची रिपरिप सुरू आहे. गुरुवारी दिवसभरही पाऊस सुरू होता. या पावसामुळे सिल्लोड शहरालगत असलेल्या मोढा (बुद्रुक) शिवारातील कांबळे वस्ती येथील गणेश कांबळे यांच्या घरासमोरील खड्ड्यात मोठ्या प्रमाणात पावसाचे पाणी साचले होते. गणेश कांबळे यांची हर्षदा व रुद्र हे दोन मुले घराजवळ खेळत असताना नकळत ते खड्ड्याकडे गेले. कुणाला काही कळण्याच्या आतही दोघेही पाण्यात बुडाले. यात त्यांचा मृत्यू झाला. ही बाब कोणाच्याही लक्षात आली नाही. बराच वेळ दोन्ही भावंडे दिसत नसल्याने त्यांचे आजोबा श्रीरंग कांबळे यांनी दुपारी १ वाजता त्यांचा शोध घेतला असता त्यांना पाण्याकडे मुले गेल्याचे आठवले. त्यानुसार त्यांनी घरासमोर खड्ड्यात साचलेल्या पाण्यात पाहिले असता त्यांना रुद्र मृत अवस्थेत आढळला. त्यांनी त्यास पाण्यातून काढून घरात आणले. यामुळे कांबळे वस्तीवर एकच आक्रोश सुरू झाला. यादरम्यान मुलगी हर्षदा कुठे आहे? अशी विचारणा झाली. पुन्हा त्या खड्ड्यातील पाण्यात या चिमुकलीचा शोध घेतला असता तिचा मृतदेह आढळला. यामुळे संपूर्ण वस्ती शोकसागरात बुडाली.दरम्यान, दोन्ही मुलांना पाण्यातून बाहेर काढल्यानंतर त्यांना सिल्लोडच्या उपजिल्हा रुग्णालयात दाखल करण्यात आले. तेथे डॉक्टरांनी तपासून त्यांना मृत घोषित केले. रात्री उशिरा दोन्ही बालकांवर कांबळे वस्ती येथे शोकाकुल वातावरणात अंत्यसंस्कार करण्यात आले. याप्रकरणी रात्री उशिरापर्यंत पोलिस ठाण्यात नोंद झाली नव्हती.

Chhatrapati Sambhajinagar (Marathi News)

यापुढे राज्यात येणारे ईव्ही उद्योग छत्रपती संभाजीनगरमध्येच येण्याचे मुख्यमंत्र्यांचे संकेत ...

बुद्ध लेणी परिसरात भूखंडासाठी काहीजण जेसीबी, पोकलेनच्या मदतीने टेकड्या फोडण्याचे काम करत आहेत. ...

'सर्वोच्च न्यायालय हे फक्त सरन्यायाधीशांचे नसून, ते सर्व न्यायमूर्तीचेच असते: सरन्यायाधीश भूषण गवई ...

पोलिसांनी कंपनीच्या अधिकाऱ्यांना नोटिसा देत चौकशीसाठी पाचारण केले आहे. ...

अपर जिल्हाधिकाऱ्यांच्या अध्यक्षतेखाली समितीकडून अहवाल आल्यानंतर निलंबन ...

बराच वेळ दोन्ही भावंडे दिसत नसल्याने आजोबांनी त्यांचा शोध घेतला; काही तासांनी खड्ड्यात आढळले दोघांचे मृतदेह. ...