Beed News | Latest Beed News in Marathi | Beed Local News Updates | ताज्यबातम्या बीड | बीड समाचार | Beed Newspaper

बीड : राज्यभरात गाजत असलेल्या बीड येथील कथित उडीद घोटाळा प्रकरणी गुन्हे दाखल करण्याचे आदेश देऊनही गुन्हे दाखल करण्यास अद्यापही मुहूर्त मिळालेला नाही़ दस्तुरखुद्द पणन संचालक, जिल्हाधिकाऱ्यांचे आदेश आल्यानंतरही गुन्हे दाखल होत नसल्याने नागरिकांमधून आश्चर्य व्यक्त केले जात आहे़बीड जिल्ह्यात मोठ्या प्रमाणावर पेराच नसताना हजारो क्विंटल उडदाची खरेदी नाफेडच्या वतीने करण्यात आली आहे़ अनेक व्यापारी, दलालांनी खरेदी केंद्रावरील अधिकारी, कर्मचाऱ्यांशी संगनमत करुन निकृष्ट दर्जाचा उडीद हमी भावाने दिला़ यामध्ये अनेकांनी आपले हात ओले केले़ यामध्ये कोट्यवधी रुपयांचा गैरप्रकार झाल्याचे दिसून येताच अनेकांनी जिल्हाधिकारी यांच्यासह पणन संचालकांकडे तक्रार केली होती़या प्रकरणी तत्कालीन जिल्हाधिकारी सुनील केंद्रेकर यांच्या आदेशान्वये अहवालही सादर करण्यात आला होता़ या अहवालात अनेक अधिकारी, कर्मचाऱ्यांसह व्यापारी, दलाल, तलाठी आदींवर ठपका ठेवण्यात आला होता़ यानंतर हे प्रकरण पणन संचालकांकडे होते़सदर प्रकरणी पणन संचालकांनी अहवालातील ठपका ठेवलेल्यांवर फौजदारी गुन्हे दाखल करण्याचे आदेश दिले आहेत़ यानंतरही गुन्हे दाखल होत नसल्याने आश्चर्य व्यक्त केले जात आहे़ या प्रकरणी राजकीय वरदहस्त असलेले व्यक्ती तसेच धनाढ्य लोकही आहेत़ त्यांना पाठीशी घातले जात आहे काय अशी शंका नागरिकांना येत आहे़ (प्रतिनिधी)अधिकाऱ्यांची चुप्पीकथित उडीद घोटाळा प्रकरणी गुन्हे दाखल करण्याचे आदेश उप निबंधक बी़ एल़ वांगे यांना दिले आहेत़ यासंबंधी विचारणा केली असता त्यांनी उत्तर देण्याचे टाळले़ नंतर संपर्क साधला असता भ्रमणध्वनी उचलला नाही़ मेसेजलाही उत्तर दिले नाही व भ्रमणध्वनी बंद केला़

Beed (Marathi News)

गेवराई : तालुक्यातील सिंदखेड येथे सामाजिक वनीकरणच्या वतीने १७ हजार झाडे लावण्याचे उद्दिष्ट होते. ...

शिरूर कासार : तालुक्यात अद्यापही समाधानकारक पाऊस न झाल्याने चारा उपलब्ध झालेला नाही. ...

माजलगाव: गारपिटीत शेतकऱ्यांचे लाखो रुपयांचे नुकसान झाले होते. ...

बीड : शिरुर तालुक्यातील वारणी, गोमळवाडा येथे शौचालय कामांमध्ये लाखोंचा अपहार झाला होता. ...