Big Blow to RCB, IPL 2026: यंदाच्या हंगामात ९ पैकी ६ सामने जिंकून १२ गुणांवर असलेल्या विराट कोहलीच्या (Virat Kohli) रॉयल चॅलेंजर्स बंगलोर संघाला एक मोठा धक्का बसला आहे. आयपीएलचे सामने अधिकाधिक महत्त्वाचे होत चालले आहेत. यंदाचा अर्धा हंगाम संपत आला तरीही कोणत्याही संघाने प्लेऑफमधील आपले स्थान निश्चित केलेले नाही. तसेच कोणताही संघ स्पर्धेतून पूर्णपणे बाहेरही झालेला नाही. प्रत्येक सामन्यानंतर गुणतालिकेत बदल होत असून गोष्टी अधिक चुरशीच्या होताना दिसत आहेत. यादरम्यान, आरसीबीचा स्टार फलंदाज फिल सॉल्ट दुखापतीमुळे संघाबाहेर झाला आहे. त्यातच आता असे वृत्त आहे की, मागील तीन सामने न खेळता आल्यानंतर आता तो मायदेशी इंग्लंडला परतला असल्याचे म्हटले आहेत.
हेही वाचा: IPL 2026: रोहित शर्मा अखेर 'मुंबई इंडियन्स' सोडणार? एका व्हायरल पोस्टमुळे चर्चांना उधाण
दिल्ली कॅपिटल्स विरुद्धच्या सामन्यात फिल सॉल्ट जखमी
१८ एप्रिल रोजी आरसीबी दिल्ली कॅपिटल्सविरुद्ध खेळत होता. सहाव्या षटकात चौकार वाचवण्यासाठी झेप घेताना फिल सॉल्टच्या बोटाला दुखापत झाली. सुरुवातीला, ही दुखापत इतकी गंभीर असेल अशी अपेक्षा नव्हती, परंतु नंतर असे लक्षात आले की दुखापत खूपच गंभीर होती. परिणामी, फिल सॉल्ट आरसीबीसाठी सलग तीन सामने खेळू शकला नाही. दरम्यान, ईएसपीएनक्रिकइन्फोच्या एका वृत्तानुसार फिल सॉल्ट इंग्लंडला परतला आहे. सॉल्टच्या अनुपस्थितीत, जेकब बेथेल विराट कोहलीसोबत डावाची सुरुवात करत होता. आता असे दिसते की, आगामी सामन्यांमध्ये जेकब बेथेल डावाची सुरुवात करेल.
जेकब बेथेलचा फॉर्म हा चिंतेचा विषय
फिल सॉल्टने या हंगामात आपल्या संघासाठी सहा सामने खेळून २०२ धावा केल्या आहेत. त्याचा स्ट्राइक रेट १६८.३३ होता. तथापि, तो अद्याप संपूर्ण हंगामासाठी संघाबाहेर नाही. जर एसीबी संघाने स्पर्धेत पुढील फेरीत प्रवेश केला आणि फिल सॉल्ट बरा झाला, तर तो पुन्हा खेळायला परत येऊ शकतो. जेकब बेथेलबद्दल बोलायचे झाल्यास, त्याने तीन सामन्यांमध्ये केवळ ३९ धावा केल्या आहेत, जी संघासाठी चिंतेची बाब आहे.
हेही वाचा: CSK ला मोठा धक्का! पदार्पणात चमकलेल्या ऑलराउंडरचा पाय फ्रॅक्चर; तो उर्वरित स्पर्धेतून बाहेर
आरसीबीचा पुढील सामना एलएसजीविरुद्ध
आरसीबीने अद्याप फिल सॉल्टच्या बदली खेळाडूची घोषणा केलेली नाही, कारण सॉल्ट अद्याप संघाबाहेर नाही. तो संघाबाहेर झाल्यावरच बदली खेळाडूची घोषणा केली जाईल. आगामी सामन्यांमध्ये संघ कशी कामगिरी करतो हे पाहणे बाकी आहे. संघ आता गुरुवारी एलएसजीविरुद्ध खेळेल. संघ सध्या अव्वल चारमध्ये असून प्लेऑफच्या जागेसाठी आपला दावा ठोकत आहे.
