भारताच्या माजी क्रिकेटपटूची राजकीय मैदानात दमदार एंट्री, बड्या नेत्याविरोधात घेतली मोठी आघाडी

West Bengal Assembly Election Result: पश्चिम बंगाल विधानसभा निवडणुकीत भारतीय जनता पक्षाकडून लढत असलेला भारताचा माजी क्रिकेटपटू अशोक दिंडा याने क्रिकेटनंतर आता राजकीय मैदानात दमदार एंट्री घेण्याच्या दिशेने आश्वासक पाऊल टाकले आहे.

पश्चिम बंगाल विधानसभा निवडणुकीत भारतीय जनता पक्षाकडून लढत असलेला भारताचा माजी क्रिकेटपटू अशोक दिंडा याने क्रिकेटनंतर आता राजकीय मैदानात दमदार एंट्री घेण्याच्या दिशेने आश्वासक पाऊल टाकले आहे. आज सुरू असलेल्या मतमोजणीमध्ये अशोक दिंडा याने मोजना विधानसभा मतदार संघातून आघाडी घेतली आहे. 

भारताकडून १३ एकदिवसीय आणि ९ टी-२० सामने खेळणाऱ्या अशोक दिंडाने काही काळापूर्वीच भाजपामध्ये प्रवेश केला होता. या विधानसभा निवडणुकीसाठी त्याला भाजपाने मोयना विधानसभा मतदारसंघातून उमेदवारी दिली होती. इथे अशोक दिंडासमोर चंदन मोंडल यांचे आव्हान होते. दरम्यान, आज सुरू असलेल्या मतजमोणीमध्ये अशोक दिंडा याने दहा फेऱ्यांअखेर ५५७४ मतांची आघाडी घेतली आहे. आता पुढच्या ७ फेऱ्यांमध्ये आघाडी कायम ठेवून विजय मिळवतो का याबाबत उत्सुकता निर्माण झाली आहे. 

दरम्यान, पश्चिम बंगाल विधानसभा निवडणुकीच्या २९३ जागांच्या आज सुरू असलेल्या मतमोजणीमध्ये भाजपाने १९५ जागांवर आघाडी घेतली आहे. तर तृणमूल काँग्रेस ९२ जागांवर आघाडीवर आहे.