Car News in Marathi | Latest Auto News in Marathi |ऑटोमोबाइल बातम्या | Latest Cars & Bikes News | New & Upcoming Cars | Car 2023 Launched

नाशिक: उन्हाळ्याची तीव्रता वाढत असताना इलेक्ट्रिक वाहनांमध्ये (ईव्ही) आग लागणे, बॅटरीचा स्फोट होणे अशा घटनांमध्ये वाढ होत असल्याचे दिसून येत आहे. नुकत्याच इंदूर येथे ईव्ही कारमध्ये शॉर्टसर्किट होऊन लागलेल्या आगीत एकाच कुटुंबातील आठ जणांचा मृत्यू झाल्याची धक्कादायक घटना समोर आली. या पार्श्वभूमीवर ईव्ही वापरणाऱ्या नागरिकांनी विशेष दक्षता घेणे अत्यावश्यक झाले आहे.जिल्ह्यात दीड लाख ईव्ही; दुचाकींचा सर्वाधिक भरणानाशिक जिल्ह्यात सध्या सुमारे १.५ लाख इलेक्ट्रिक वाहने नोंदणीकृत आहेत. यामध्ये सर्वाधिक प्रमाण दुचाकींचे असून, स्वस्त पर्याय आणि इंधन बचतीमुळे नागरिकांचा कल ईव्हीकडे वेगाने वाढत आहे. मात्र, वाढत्या संख्येसोबतच सुरक्षेचा प्रश्नही ऐरणीवर आला आहे.बॅटरी स्फोट आणि शॉर्टसर्किटच्या घटनांमध्ये वाढअलीकडील काळात बॅटरी ओव्हरहिट होणे, खराब वायरिंग किंवा निकृष्ट दर्जाच्या चार्जिंग उपकरणांमुळे शॉर्टसर्किट होऊन आग लागण्याच्या घटना वाढल्या आहेत. काही ठिकाणी बॅटरीचा स्फोट झाल्याच्या गंभीर घटनादेखील समोर आल्या आहेत, ज्यामुळे वाहनधारकांमध्ये भीतीचे वातावरण आहे.उन्हाळ्यात इलेक्ट्रिक वाहनांची घ्या 'अशी' काळजी! ईव्ही चार्जिंग करताना पाळायचे महत्त्वाचे नियम तुमची दुचाकी किंवा कार चार्ज करताना खालील गोष्टींची काळजी घेणे सुरक्षिततेच्या दृष्टीने गरजेचे आहे:चार्जिंग नेहमी हवेशीर आणि थंड जागेत करा.बॅटरी गरम असल्यास ती लगेच चार्जिंगला लावणे टाळा.चार्जिंग सुरू असताना वाहनाकडे दुर्लक्ष करू नका.कारसाठी नेहमी अधिकृत आणि प्रमाणित चार्जिंग स्टेशनचाच वापर करा.रात्रभर चार्जिंग करणे ठरू शकते जीवघेणेबॅटरी पूर्णपणे डिस्चार्ज होऊ देणे किंवा रात्रभर चार्जिंगवर लावून ठेवणे अत्यंत धोकादायक ठरू शकते. यामुळे बॅटरीवर अतिरिक्त ताण येतो आणि ओव्हरहिटिंग होऊन आग लागण्याची शक्यता वाढते.नेहमी ओरिजिनल चार्जरचाच वापर करावाहन चार्ज करण्यासाठी नेहमी कंपनीकडून दिलेला मूळ (ओरिजिनल) चार्जरच वापरावा. अनेकदा पॉवर एक्स्टेंशन बोर्ड किंवा कमी दर्जाच्या वायरचा वापर केल्यामुळे शॉर्टसर्किट होण्याचा धोका निर्माण होतो, तो टाळणे हिताचे आहे.थेट सूर्यप्रकाश आणि उष्णतेपासून वाहनाचा बचावतुमचे ईव्ही वाहन आणि त्याची बॅटरी कधीही थेट सूर्यप्रकाशात किंवा कडक उन्हात पार्क करू नका. अत्यंत उष्णतेमुळे बॅटरीची कार्यक्षमता तर कमी होतेच, पण त्यासोबतच अपघाताचा धोकाही अनेक पटींनी वाढतो.नियमित सर्व्हिसिंग आणि तांत्रिक तपासणीवाहनाची वेळोवेळी तपासणी करणे गरजेचे आहे. बॅटरी, अंतर्गत वायरिंग आणि चार्जिंग पोर्ट यांची अधिकृत सर्व्हिस सेंटरमध्ये जाऊन तज्ज्ञांकडून नियमित तपासणी करून घ्यावी. नाशिक शहरात गेल्या काही महिन्यांत ईव्ही पेटल्याच्या २० पेक्षा अधिक घटना नोंदवल्या गेल्या आहेत, त्यामुळे ही सावधगिरी बाळगणे आवश्यक आहे.घरात बॅटरी चार्ज करताना घ्यायची खबरदारीघरात बॅटरी चार्ज करणे सोयीचे असले तरी त्यात काही तांत्रिक धोके दडलेले आहेत. चार्जिंग करताना योग्य व्हेंटिलेशन (हवा खेळती राहणे), सुरक्षित वायरिंग आणि ओव्हरलोड टाळणे आवश्यक आहे. शक्य असल्यास घराबाहेर किंवा पार्किंगमध्ये स्वतंत्र चार्जिंग पॉईंटचा वापर करावा.वाढत्या तापमानात इलेक्ट्रिक वाहनांची योग्य निगा राखली तरच तुमचा प्रवास सुरक्षित होईल. वरील सूचनांचे पालन करून तुम्ही संभाव्य अपघात टाळू शकता आणि आपल्या वाहनाचे आयुष्यही वाढवू शकता.

Auto (Marathi News)

2026 Suzuki Burgman Street: आकर्षित डिझाइन आणि दमदार फीचर्ससह सुझुकीची लोकप्रिय स्कूटर सुझुकी बर्गमॅन भारतात लॉन्च झाली आहे. ...

क्रॅश टेस्टमध्ये या कारला थेट ट्रकसोबत भिडवण्यात आले. ...

Safety Car: देशातील सर्वात परवडणारी टाटाची सीएनजी कार टाटा पंचला क्रॅश टेस्टमध्ये ५ स्टार सेफ्टी रेटिंग मिळाले आहे. ...

Mahindra EV: भारतात इलेक्ट्रिक कार्सची मागणी झपाट्याने वाढत आहे. ...

Suzuki Burgman 2026: मोठे स्टोरेज, मॉडर्न डिझाइन आणि अॅडव्हान्स फीचर्समुळे ही स्कूटर डेली यूजसाठी उपयुक्त आहे. ...