Latest Uttar Pradesh News | Uttar Pradesh Marathi News | Latest Uttar Pradesh News in Marathi | उत्तर प्रदेश: ताज्या मराठी बातम्या

उत्तर प्रदेशच्या आझमगड जिल्ह्यात स्ट्रेचर न मिळाल्याने एका मुलावर आईला उचलून घेऊन डॉक्टरांकडे घेऊन जाण्याची वेळ आली आहे. रुग्णालयाच्या मेन गेटपासून डॉक्टरांपर्यंत आईला नेण्यासाठी त्याला कोणतीही सरकारी मदत मिळाली नाही. त्याने घरातून देखील आईला उचलून आणलं होतं कारण त्याच्याकडे ऑटोसाठी पैसे नव्हते. मात्र, या प्रकरणात सीएमओने स्ट्रेचर असल्याचं म्हटलं आहे. तसेच निष्काळजीपणावर कारवाई केली जाईल असंही सांगितलं.मिळालेल्या माहितीनुसार, सिधारी पोलीस स्टेशन अंतर्गत येणाऱ्या ऊंची गोदाम गावात राहणाऱ्या मीना या वृद्ध महिलेच्या पायाला काही दिवसांपूर्वी दुखापत झाली होती. कुटुंबाची आर्थिक परिस्थिती हलाखीची असल्याने महिलेवर योग्य उपचार होऊ शकले नाहीत. यामध्ये तिच्या पायाची अवस्था आणखी वाईट झाली आणि प्रकृती देखील खालावू लागली.मुलगा रवी आईला दवाखान्यात नेण्यासाठी घरातून निघाला. मात्र पैशांअभावी तो ऑटोने येऊ शकला नाही. त्याने आईला उचललं आणि रुग्णालयात आणलं. पण तिथेही स्ट्रेचर मिळाला नाही. या घटनेचा एक व्हिडीओ सोशल मीडियावर जोरदार व्हायरल होत आहे. तरुणाची आर्थिक परिस्थिती इतकी बिकट आहे की त्याच्याकडे मोबाईलही नव्हता. यामुळे तो रुग्णवाहिकेलाही बोलवू शकला नाही.तरुणाने लोकांकडे मदत मागितली असता त्याला कोणीही मदत केली नाही. त्यामुळे त्याला त्याच्या आजारी आईला असंच उचलून रुग्णालयात आणावं लागलं. रुग्णालयात स्ट्रेचर उपलब्ध नसल्याने पुन्हा तिला डॉक्टरांकडे आणि वॉर्डात उचलूनच न्यावं लागलं. रुग्णालयात भोंगळ कारभार असल्याचं म्हटलं आहे. या प्रकरणी सीएमओ आझमगडचे म्हणणे आहे की, रुग्णालयात पुरेशा प्रमाणात स्ट्रेचर आहेत. रुग्णाला जे काही हवे असेल ते तातडीने उपलब्ध करून द्यावे, अशा स्पष्ट सूचना देण्यात आल्या आहेत. मी वेळोवेळी पाहणीही करतो. असे असतानाही असा निष्काळजीपणा झाला असेल तर चौकशी करून दोषींवर कडक कारवाई केली जाईल असंही सांगितलं.

Uttar Pradesh (Marathi News)

तक्रारीच्या आधारे पोलिसांनी गुन्हा दाखल करून तपास सुरू केला आहे. ...

आत्मानंद दास स्वामी उर्फ नेपाळी बाबा नावाने ते कदाचित नेपाळशी संबंधित आहेत असं सगळ्यांना वाटते. परंतु असे नाही. ...

विद्यापीठात विद्यार्थ्यांनी आंदोलन केल्यास विद्यार्थ्यांना २० हजार रुपये दंड भरावा लागणार आहे. ...

या घटनेतील पीडित मुलीच्या मानसिकतेवर परिणाम झाला होता त्यासाठी ती उपचार घेण्यासाठी दवाखान्यात गेली होती. ...

Akhilesh Yadav: लोकसभा निवडणुकीसाठी मोठी तयारी केली असल्याचे सांगत अखिलेश यादव यांनी भाजप सरकारवर टीका केली. ...

Ayodhya Vande Bharat Express Train: देशभरातून अयोध्येसाठी वंदे भारत ट्रेन सेवा चालवल्या जाऊ शकतात, असे सांगितले जात आहे. ...

स्ट्रेचर न मिळाल्याने एका मुलावर आईला उचलून घेऊन डॉक्टरांकडे घेऊन जाण्याची वेळ आली आहे. ...