रस्ते सुरक्षा ताज्या मराठी बातम्या | road safety Online News in Marathi at Lokmat.com

सांगली : आधी महापूर आणि नंतर झालेल्या मुसळधार पावसाने सांगलीतील रस्त्यांची दयनीय अवस्था झाली आहे. सहा महिन्यांपूर्वीच ५० कोटी रुपये खर्च करून चकचकीत केलेल्या रस्त्यावरही मोठमोठे खड्डे पडले आहेत. या खड्ड्यांतच सांगलीकरांना आपली दिवाळी साजरी करावी लागली. खड्ड्यांमुळे किरकोळ अपघात वाढले आहेत.वर्षभरापूर्वी महापालिका निवडणुकीच्या तोंडावर सांगली, मिरज आणि कुपवाड या तिन्ही शहरात रस्त्यावर कोट्यवधी रुपयांचा खर्च केला. सांगलीत आमदार सुधीर गाडगीळ यांनी ३३ कोटी, तर महापालिकेने २४ कोटींचा निधी रस्ते गटारी व इतर सुविधांवर खर्च केला. याशिवाय नगरसेवकांच्या स्थानिक विकास निधी व महापालिका अर्थसंकल्पातील जनरल फंडातूनही रस्त्यांवर लाखो रुपये खर्च झाले. पण आॅगस्ट महिन्यात महापुरामुळे अनेक रस्त्यांवर खड्डे पडले. महापूर ओसरल्यानंतर शहरात मुसळधार पावसाने हजेरी लावली. अगदी दिवाळीतही पावसाचा जोर कायम होता. या पावसामुळे अंतर्गत रस्तेच नव्हे तर, नव्याने केलेले चकचकीत रस्तेही खड्ड्यात गेले.आझाद चौक ते राजवाडा चौक या स्टेशन रोडमार्गे जाणाऱ्या रस्त्याची तर अक्षरश: चाळण झाली आहे. वाहनधारकांना जीव मुठीत धरून जावे लागते. या रस्त्यावर काही दिवसांपूर्वी पॅचवर्क केले; मात्र त्यानंतर झालेल्या पावसाने पॅचवर्कही धुऊन गेले. राममंदिर- सिव्हिल हॉस्पिटल या रस्त्याची गेल्या सहा महिन्यांपासून दयनीय अवस्था झाली आहे. बसस्थानक ते आंबेडकर रोड या रस्त्यावरही खड्डे पडले आहेत. मुख्य बसस्थानक, झुलेलाल चौकात खड्डेच खड्डे आहेत. पटेल चौक ते कॉलेज कॉर्नर या रस्त्यावरही मोठ्या प्रमाणात खड्डे आहेत. आमराईसमोर रस्त्याची चाळण झाली होती.मिरज तालुक्यात पावसाने ३०० किलोमीटर रस्ते खराबमिरज : पावसामुळे मिरज तालुक्यातील व शहरातील रस्त्यांची दैना उडाली आहे. मिरज पूर्व व पश्चिम भागात रस्त्यांचे कोट्यवधीचे नुकसान झाले आहे. मिरज तालुक्यात बांधकाम विभागाकडे ३३० किलोमीटर राज्य मार्ग, प्रमुख जिल्हा मार्ग पंचायत समितीकडे १२०० किलोमीटर इतर जिल्हा मार्ग आहेत. दोन महिन्यांपूर्वी महापुरात व गेल्या महिन्यात परतीच्या पावसाने सुमारे ३० टक्के रस्त्यांचे नुकसान झाले आहे. या रस्त्यांच्या दुरूस्तीसाठी सुमारे ८० कोटी रूपये खर्च येणार आहे.बांधकाम विभागाकडील मिरज ते म्हैसाळ, लिंगनूर, बेळंकी, धामणी, बामणी, ढवळी, सिध्देवाडी, लक्ष्मीवाडी, आरग, बेडग, शिपूर, सुभाषनगर, मालगाव या प्रमुख जिल्हा मार्गावर पावसाने खड्डे पडले आहेत. बांधकाम विभागाकडे २५० किलोमीटर प्रमुख जिल्हा मार्ग व ८० किलोमीटर राज्य मार्ग आहेत. या मार्गापैकी सुमारे ८५ किलोमीटर रस्ता खराब झाल्याने या रस्त्यांच्या दुरूस्तीसाठी १८ कोटी रूपये खर्च येणार आहे. पावसाने खराब झालेल्या रस्त्यांच्या दुरुस्तीच्या खर्चाचे अंदाजपत्रक तयार करत असून, रस्ते दुरूस्तीसाठी प्रस्ताव पाठविणार असल्याचे बांधकाम अधिकाऱ्यांनी सांगितले.पंचायत समिती बांधकाम विभागाकडे २२७ किलोमीटर इतर जिल्हा मार्ग व १०१० किलोमीटर डांबरी, खडी व मुरूमीकरणाचे ग्रामीण मार्ग आहेत. यापैकी सुमारे ६०० किलोमीटर डांबरी रस्त्यापैकी १५० किलोमीटर लांबीचे मिरज पूर्व व पश्चिम भागातील रस्ते खराब झाले आहेत. ४५ किलोमीटर इतर जिल्हा मार्गावर पाणी साचून खड्डे पडले आहेत. खराब रस्त्यांच्या दुरूस्तीसाठी सुमारे ४० कोटी रूपये खर्च येणार आहे. महापुरात खराब झालेल्या ६३ किलोमीटर रस्त्यांच्या दुरूस्तीसाठी सुमारे १२ कोटी रूपये खर्चाचा प्रस्ताव शासनाकडे पाठविला आहे. प्रस्ताव मंजुरीपूर्वीच परतीच्या पावसाने रस्त्यांची आणखी दुरवस्था झाली. बांधकाम विभाग व पंचायत समितीकडे सुमारे १३० छोटे-मोठे पूल असून पावसाने पुलांचे फारसे नुकसान झालेले नाही. मिरज कृष्णाघाट येथील कृष्णा नदीवरील पुलाचे महापुरात नुकसान झाल्याने या पुलाची दुरूस्ती सुरू आहे.महापालिका क्षेत्रातही पावसामुळे मिरजेतील प्रमुख रस्त्यांवर पाणी साचून खड्डे पडले आहेत. बसस्थानक, रेल्वे स्थानक, सुखनिवास ते आंबेडकर पुतळा या ररस्त्यावर निचरा होत नसल्याने रस्ते जलमय आहेत. अमृतजल योजनेसाठी शहरात सर्वत्र रस्ते खोदले आहेत. पावसाने प्रमुख रस्त्यासह विस्तारित भागातील रस्त्यांची दैना झाली असल्याचे दिसत आहे.कुपवाडमध्ये रस्त्यांची पावसाने चाळणकुपवाड : कुपवाड एमआयडीसी ते सांगली या मुख्य रस्त्यासह शहरातील विविध भागातील मुख्य मार्गावर जागोजागी पावसाच्या पाण्याने लहान-मोठे खड्डे पडले आहेत. या खड्ड्यांमुळे अनेक अपघात होत आहेत. त्यामुळे महापालिका प्रशासनाने या रस्त्याची तातडीने दुरुस्ती करावी, अशी मागणी शहरातील नागरिकांमधून होत आहे.एमआयडीसीतील जकात नाका ते लक्ष्मी मंदिरपर्यंतच्या रस्त्यासह शहरातील विविध भागातील मुख्य रस्त्यावर जागोजागी अनेक लहान-मोठे खड्डे पडलेले आहेत. रस्त्यावर दररोज लहान-मोठे अपघात होत आहेत. महापालिका निवडणुकीपूर्वी या रस्त्यावर मधोमध विद्युत खांब उभे केले आहेत. रस्त्यावर दुभाजक नसल्यामुळे भरधाव वाहनांची धडक बसून अनेक खांब मोडून पडले आहेत. त्यातच पावसामुळे तर रस्त्यांवर जागोजागी खड्डे पडल्याने रस्त्याची अक्षरश: चाळण झालेली आहे.विधानसभा निवडणुकीची धामधूम संपली असून महापालिका प्रशासनाने या रस्त्याची दुरुस्ती करावी, अशी मागणी नागरिकांमधून होत आहे. जिल्हाधिकारी कार्यालयाकडे जाणाºया रस्त्याची अवस्था दयनीय झाली आहे.अंतर्गत रस्त्यांना : वाली कोण?शहरातील अंतर्गत रस्त्यांची दुर्दशा झाली आहे. बहुतांशी ठिकाणचे अंतर्गत रस्ते खड्डेमय बनले आहेत. खणभाग, नळभाग, शामरावनगर अंतर्गत रस्ते, कारखाना परिसर, पंचशीलनगरसह बहुतांश भागातील अंतर्गत रस्त्यांवर खड्डे पडले आहेत. या खड्ड्यांकडे नगरसेवक आणि महापालिका प्रशासनानेही दुर्लक्ष केल्यामुळे या रस्त्यांना वाली कोण? असा सवाल नागरिकांतून विचारला जात आहे.जिल्हाधिकारी निवासस्थानासमोरही खड्डेजिल्हाधिकारी निवासस्थानासमोरही अनेक खड्डे आहेत. तीच व्यथा शंभरफुटी रस्त्याची झाली आहे. कॉलेज कॉर्नर ते टिंबर एरिया, लक्ष्मी फाटा ते मंगळवार बाजार, खणभाग, हिराबाग कॉर्नर, झाशी चौक, शास्त्री चौक येथील रस्ते खड्ड्यात गेले आहेत. पावसासोबतच शहरात अनेक ठिकाणी ड्रेनेजसाठी रस्त्यांची खुदाई केली आहे. ड्रेनेजची कामे झाल्यानंतर व्यवस्थित चरी मुजविल्या गेल्या नाहीत. या रस्त्यावरून जड वाहने गेल्यामुळे रस्ता खचला आहे.

रस्ते सुरक्षा, मराठी बातम्याFOLLOW

Road safety, Latest Marathi News

मुदतीनंतर भरले ८५ खड्डे : तक्रारदारांना पाचशे रुपयांचे बक्षीस ...

नागरिक त्रस्त : सुरक्षेच्या उपाययोजनांकडेही पालिकेचे दुर्लक्ष ...

जोगेश्वरी-विक्रोळी लिंक रोडवरील खड्डे : नितीन गडकरी यांचा अधिकारी आणि कंत्राटदारांना दम ...

स्थानिक प्रशासनाचे दुर्लक्ष : जिल्हाधिकाऱ्यांच्या आदेशाला केराची टोपली ...

प्लास्टीकचे विघटनही होत नाही. त्यामुळे ते पडून राहते. राज्यात प्लास्टीक बंदी आहे. ...

संडे अँकर । वाहतूककोंडीत वाढ : वाशी-कोपरखैरणे मार्गावरील प्रकार ...