Thane Marathi News | ठाणे मराठी बातम्या | Latest Thane News in Marathi | ठाणे ताज्या बातम्या | Thane Crime Marathi News | ठाणे ब्रेकिंग न्यूज़| Breaking & Live Thane News | Today's Thane News paper

नारायण जाधवनवी मुंबई : राज्यात ४ एप्रिल २०२४ पर्यंत ५ हजार ७१७ तृतीयपंथी मतदारांची नोंद झाली असून, हा आकडा आणखी वाढण्याची शक्यता आहे. सर्वाधिक तृतीयपंथी मतदारांची नोंद ठाणे जिल्ह्यात १ हजार २७९ झाली आहे. ठाण्यापाठोपाठ मुंबई उपनगरमध्ये ८१२ आणि पुण्यात ७२६ तृतीयपंथी मतदारांची नोंद झाली आहे. सन २०१९ च्या तुलनेत दुपटीपेक्षाही अधिक तृतीयपंथी मतदारसंख्या वाढल्याने त्या समाजात मतदानाच्या हक्काबाबत सजगता वाढून ते नाव नोंदणीसाठी पुढे येत असल्याचे दिसत आहे. राष्ट्रीय मतदारयादीमध्ये तृतीयपंथींचीही स्वतंत्र नोंद असावी, या सर्वोच्च न्यायालयाच्या आदेशानंतर तृतीयपंथी मतदारांची नोंद होऊ लागली आहे. २०१४ मध्ये ९१८, तर २०१९ मध्ये हा आकडा दुपटीने वाढून २,०८६ इतका झाला होता. समाजाची अवहेलना सोसून रोजगार व शिक्षणाच्या संधी नाकारल्या जाणाऱ्या तृतीयपंथी किंवा भिन्नलिंगी व्यक्तींना ‘तृतीयलिंगी’ असे संबोधले जावे, हा विचार न्यायालयाने प्रभावीपणे मांडल्याने निवडणूक आयोगाकडून मतदारांची नोंदणी करताना स्त्री, पुरुष याप्रमाणे तृतीयपंथी (अदर्स) हा तिसरा रकाना ठेवण्यात येऊ लागला. तृतीयपंथींनी मोठ्या संख्येने नोंदणी करावी, यासाठी तृतीयपंथी कार्यकर्ते गौरी सावंत, प्रणीत हाटे, झैनाब पटेल हे ‘निवडणूक सदिच्छादूत’ म्हणून काम पाहत आहेत. २०१२ मध्ये मतदारयादीत तृतीयपंथींची संख्या शून्य होती. मात्र, २०१४ पासून त्यांची नोंद हाेऊ लागली.गोंदिया १०गडचिरोली ९हिंगोली ७भंडारा ५सिंधुदुर्ग १

Thane (Marathi News)

३७ शिक्षकांना पर्यावरण दूत म्हणून घोषित करुन प्रमाणपत्र देवून सन्मानित करण्यात आले आहे. ...

स्त्रिया,पुरुष,ज्येष्ठ नागरिक व युवावर्ग मोठ्या सख्यंने उपस्थित होते. ...

मध्यवर्ती गुन्हे प्रकटीकरण शाखेच्या पोलिसांना यश. ...

उल्हासनगरातील बहुतांश रस्ते अरुंद असल्याने, शहरात वाहतूक कोंडीसह अन्य समस्या उभ्या ठाकल्या आहेत. ...

आठवडाभरात तीन सुट्या; ६ मेपर्यंत अर्ज मागे घेता येणार ...