Latest Social Viral News | Social Viral Marathi News | Latest Social Viral News in Marathi | सोशल वायरल: ताज्या मराठी बातम्या

सरकारी कार्यालयात जारी होणारे आदेश कायम चर्चेत असतात. कधी कुणाचं नाव चुकतं, कधी टायपिंग चुकते तर कधी भाषेचा असा वापर केला जातो ज्याने वाचणारे हैराण होतात. मध्य प्रदेशातील गुना नगरपालिकेतील एक आदेश सध्या सोशल मीडियात चांगलाच व्हायरल झाला आहे. यामागचं कारण एखादा मोठा प्रशासकीय निर्णय नाही तर एक असं नाव, ज्याने सोशल मीडियात बरेच मीम्स व्हायरल होत आहेत.देशात सगळीकडे जनगणनेची तयारी सुरू आहे. त्यातच एका यादीतील कर्मचाऱ्याचे नाव ऐकून लोक आधी हैराण झाले अन् त्यांच्या चेहऱ्यावर हसू उमटलं. या यादीत एका कर्मचाऱ्याचं नाव Girlfriend Pant असं छापण्यात आले आहे. ज्यामुळे प्रशासनाच्या प्रक्रियेवर आणि सोशल मीडियात विनोदी शैलीने अनेकांनी याची खिल्ली उडवली आहे.गुना नगरपालिकेच्या जनगणना २०२६ च्या दुसऱ्या टप्प्यातील तयारीसाठी एकूण ३६ कर्मचाऱ्यांना ड्युटी लावण्यात आली होती. त्यासाठी एक प्रशिक्षण कार्यक्रमही आयोजित केला होता. १७ ते १९ एप्रिल कालावधीत हा कार्यक्रम गांधी कॉलेजमध्ये होत आहे. या कार्यक्रमातील अधिकृत यादीत ज्यात सर्व कर्मचाऱ्यांची नावे, पद आणि त्यांच्या कामाचे स्वरुप लिहिले आहे. सामान्यत: हा प्रशासकीय कामाचा एक भाग असतो. त्यामुळे त्यात शक्यतो चूका होणार नाही याची दक्षता घेतली जाते. आता 'गर्लफ्रेंड' जनगणना करायला घरी येणारप्रशासनाकडून जाहीर झालेल्या यादीत ५ व्या क्रमांकावरील एका नावाने ही चर्चा सुरू झाली. या कर्मचाऱ्याचे नाव GirlFriend Pant असं लिहिले होते. त्याशिवाय त्याच्या यूजर आयडीतही Girlfriend शब्दाचा वापर केला होता. सरकारी कागदपत्रात असा शब्द वापरल्याने लोक हैराण झाले. जेव्हा ही यादी सोशल मीडियात व्हायरल झाली तेव्हा लोकांनी विविध प्रतिक्रिया देणे सुरू केल्या. त्यानंतर प्रशासनाने संबंधित प्रकाराची पडताळणी केली तेव्हा या कर्मचाऱ्याचे खरे नाव प्रेमिका पंत असल्याचे समोर आले. एखाद्या नावाचे इंग्रजीत ट्रान्सलेट करून चुकीच्या पद्धतीने GirlFriend छापण्यात आल्याचं उघड झाले. परंतु सोशल मीडियात हे नाव चर्चेचा विषय बनले.

Social Viral (Marathi News)

तरूणावर कारवाई केली जावी अशी मागणी सोशल मीडियावर होत आहे ...

BJP Maithili Thakur Trolled: मैथिली ठाकूरने फोटो पोस्ट करताना एक मोठी चूक केली ...

Hardik Pandya Jasprit Bumrah Mumbai Indians Viral Video IPL 2026: मुंबई इंडियन्सच्या संघाची यंदाच्या हंगामात अतिशय खराब कामगिरीने सुरुवात ...

प्रशासनाकडून जाहीर झालेल्या यादीत ५ व्या क्रमांकावरील एका नावाने ही चर्चा सुरू झाली ...