Pune Marathi News | पुणे मराठी बातम्या | Latest Pune News in Marathi | पुणे समाचार | Pune Crime Marathi News| Breaking & Live Pune News Headlines | Today's Pune News Paper

इंदापूर (पुणे) : आजअखेर उजनी धरणात २९.४८ टीएमसी पाणीसाठा शिल्लक आहे. त्याची टक्केवारी ५५.०२ एवढी आहे. जुलै महिन्यात आषाढी वारीला व सीना माढा बोगद्यातून एकूण ३.७३ टीएमसी पाणी सोडण्यात आले होते. आगामी काळात देखील पाणी सोडण्यात येणार असल्याने उजनी धरण व पाणलोट क्षेत्रातील इंदापूर तालुका व सोलापूर जिल्ह्यातील पाणीपुरवठा योजनांचा प्रश्न गंभीर होणार आहे. उन्हाळ्यात धरणात किती पाणी शिल्लक असेल याचा केवळ विचार करण्याची वेळ येणार असल्याचे चित्र सध्या निर्माण झाले आहे. परिणामी आगामी काळात इंदापूर, सोलापूरकरांना दुष्काळी झळा बसणार आहेत.आज अखेर उजनी धरणात २९.४८ टीएमसी पाणीसाठा आहे. त्याची टक्केवारी ५५.०२ एवढी आहे. पाण्याचे प्रसार क्षेत्र २७६.२९ चौरस किलोमीटर एवढे नोंदविण्यात आले आहे. पाण्याची पातळी ४९४.५९५ मीटर आहे. एकूण पाणीसाठा ९३.१४ टीएमसी एवढा आहे. गेल्यावर्षी याच तारखेला पाणीसाठा ५९.६२ टीएमसी होता. टक्केवारी १११.२८ एवढी होती. यंदाच्या वर्षी दि.१९ ते २९ ऑगस्ट दरम्यान उजनी धरणातून ३.८० टीएमसी पाणी सोडण्यात आले होते.योग्य पद्धतीने नियोजन करावे लागणार -येत्या २४ नोव्हेंबर रोजी कार्तिकी एकादशी येते आहे. त्यामुळे चंद्रभागा नदीला पाणी सोडावे लागणार आहे. जानेवारी महिन्यात माघी यात्रा येत आहे. या दोन्हीही यात्रांसाठी पंढरपूर येथे विठ्ठलाच्या दर्शनासाठी राज्यभरातून वारकरी येत असतात. त्यामुळे चंद्रभागेला पाणी सोडावेच लागणार आहे. आज रोजी धरणात उपलब्ध असणाऱ्या ५५ टक्के उपयुक्त पाणीसाठ्यातील थोडासा हिस्सा त्यासाठी खर्ची पडणार आहे. सध्या सोलापूर जिल्ह्यामध्ये दुष्काळसदृश स्थिती दिसून येत आहे. माढा मोहोळ पंढरपूर व सोलापूर भागातून पाण्याची वाढती मागणी होणारच आहे. त्यासाठी उजनी धरणातील पाणीसाठ्याचे योग्य पद्धतीने नियोजन करावे लागणार आहे. या सर्व घडामोडींच्या पार्श्वभूमीवर उन्हाळ्यात धरणात किती पाणी शिल्लक असेल याचा केवळ विचार करण्याची वेळ येणार असल्याचे चित्र आहे.

Pune (Marathi News)

चतुःशृंगी पोलिस ठाण्यात तक्रार दिलीस असून १३ जणांवर गुन्हा दाखल करण्यात आला आहे... ...

मावळ तालुक्यातील तळेगाव दाभाडे, टाकवे आणि चिंचवड येथे मंगळवारी (दि. ३१) हा धक्कादायक प्रकार घडला.... ...

३५ वर्षीय नवऱ्यावर गुन्हा दाखल करण्यात आला आहे... ...

एकाच दिवसात वेगवेगळ्या पोलीस ठाण्यांमध्ये फिर्याद दाखल करण्यात आल्या आहेत.... ...

खोकला, ताप, घसा खवखवणे, डोळे चुरचुरणे आदी त्रास पुणेकरांना सहन करावा लागत आहे ...

कुकडी प्रकल्पातील सर्व धरणे काठोकाठ भरलेली आहेत... ...

भात उताऱ्याला बसणार फटका... ...