Latest Pimpri Chinchwad News | Pimpri Chinchwad Marathi News | Latest Pimpri Chinchwad News in Marathi | पिंपरी -चिंचवड: ताज्या मराठी बातम्या

पुणे : कल्याणीनगर अपघात प्रकरणी गेल्या आठडाभरात अनेक धक्कादायक गोष्टी समोर आल्या आहेत. पोर्शे कारखाली दोघांना चिरडणाऱ्या अल्पवयीन बाळाला वाचवण्यासाठी शहरातील धनाढ्य अग्रवाल कुटुंबाकडून शक्य त्या सर्व मार्गांचा अवलंब केला जात आहे. याच अग्रवाल कुटुंबातील विशाल अग्रवाल आणि सुरेंद्रकुमार अग्रवाल या आरोपींनी त्यांच्या चालकावर खोटा जबाब देण्यासाठी दबाव आणल्याची माहिती समोर आली आहे. गंगाधर शिवराज हेरीक्रुब (वय ४२, धंदा - चालक, रा. पुणे), असे या चालकाचे नाव असून, त्याने हा सगळा प्र कार पोलिसांना सांगितला. पोलिस आयुक्तांनी शनिवारी (दि. २५) पत्रकार परिषद घेऊन ही माहिती दिली.विशाल अग्रवाल आणि सुरेंद्रकुमार अग्रवाल यांनी चालक गंगारामला आपल्या घरात डांबून ठेवले होते. त्याचा मोबाइल फोन काढून घेतल्यामुळे घरच्यांशी संपर्क होऊ शकला नव्हता. आपला नवरा घरी आला नाही म्हणून दुसऱ्या दिवशी गंगारामची बायको नातेवाइकांना घेऊन अग्रवाल कुटुंबीयांच्या घरी पोहोचली. अग्रवाल कुटुंबीयांनी गंगारामला सोडण्यास नकार दिला, तेव्हा त्याच्या पत्नीने आरडाओरडा केला. त्यामुळे अग्रवाल कुटुंबाने गंगारामला सोडले. अग्रवाल यांच्या घरातून पत्नीसह बाहेर पडल्यानंतर गंगाराम घाबरला होता; पण पोलिसांनी गुरुवारी (दि. २३) त्याचा जबाब नोंदवून घेतला. शुक्रवारी त्याची प्राथमिक चौकशी करून पोलिसांनी सुरेंद्रकुमार अग्रवाल याच्यासह त्याचा मुलगा विशाल अग्रवाल या दोघांवर ड्रायव्हरने दिलेल्या फिर्यादीवरून कलम ३४२, ३६५ आणि कलम ३६८ अंतर्गत अपहरण, दमदाटी आणि डांबून ठेवल्याप्रकरणी गुन्हा दाखल केला. यानंतर सुरेंद्र अग्रवाल याला पोलिसांनी अटक केली. विशाल अग्रवाल सध्या न्यायालयीन कोठडीत असल्यामुळे त्याला आवश्यक ती प्रक्रिया करून ताब्यात घेतले जाईल, अशी माहिती आयुक्त अमितेश कुमार यांनी दिली.मी गाडी चालवत नव्हतो, ड्रायव्हरची स्पष्टोक्ती...अपघात झाला त्यावेळी पोर्शे कार माझा मुलगा नव्हे, तर ड्रायव्हरच चालवत होता, असा दावा विशाल अग्रवाल यांनी न्यायालयात केला होता. मात्र, अपघाताच्या वेळी गाडी विशाल अग्रवाल यांचा मुलगाच चालवत होता, अशी कबुली ड्रायव्हरने दिली. माझी या सगळ्या प्रकरणात कोणतीही चूक नाही. अग्रवाल यांनी आमिष दाखवून माझ्यावर दबाव आणण्याचा प्रयत्न केला. मी सुरुवातीला दबावात घाबरून जाऊन जबाब दिला. ही गोष्ट पोलिसांच्या लक्षात आली. मात्र, मी घाबरलो होतो, असे ड्रायव्हरने पोलिसांना सांगितले. अग्रवाल कुटुंबीयांनी आपल्याला जबरदस्तीने खोलीत डांबून ठेवले, याचा ड्रायव्हर गंगारामला मोठा मानसिक धक्का बसल्याचे आयुक्त अमितेश कुमार यांनी सांगितले.

Pimpri Chinchwad (Marathi News)

केवळ १३ दिवसांत तालुक्यातील टँकरची संख्या १४ ने वाढली ...

दुर्घटनेस जबाबदार असल्याबद्दल जागा मालक, बांधकाम ठेकेदाराविरोधात गुन्हा दाखल ...

पुणे जिल्ह्यात सरकारी व खासगी अशा एकूण ४६ रक्तपेढ्या असून येथे केवळ साडेपंधरा हजार पिशव्या शिल्लक ...

तुम्ही तीचे लग्न दुसरीकडे कसे करता बघतोच, मी हिचे लग्न होऊ देणार नाही ...

साहित्यिकांनी सर्जनशीलतेची देणगी या शक्तीचा प्रामाणिकपणे वापर करून लिहायला हवे ...