Police Recruitment 2021: 25 हजार कॉन्स्‍टेबल, रायफलमॅन पदासाठी भरती, 10वी पास विद्यार्थ्यांना मोठी संधी

Police recruitment 2021 : 10वी पास उमेदवार SSC GD Constable 2021 भर्तीसाठी 31 ऑगस्टपर्यंत अर्ज करू शकतात.

स्टाफ सिलेक्शन कमिशनने (SSC) मोठ्या संख्येने कॉन्स्टेबल (जनरल ड्यूटी) आणि रायफलमॅन (जनरल ड्यूटी) पदासाठी भरती प्रक्रिया सुरू केली आहे. याअंतर्गत एकूण 25,271 जागा भरण्यात येणार आहेत. ( Police recruitment 2021 ssc gd constable rifleman notification 2021 releases)

10वी पास उमेदवार SSC GD Constable 2021 भर्तीसाठी 31 ऑगस्टपर्यंत अर्ज करू शकतात.

या भरती प्रक्रियेसंदर्भातील नोटिफिकेशन आधिकृत वेबसाइट ssc.nic.in वर जारी करण्यात आले आहे.

इच्‍छुक उमेदवार वेबसाइटवर अथवा आपल्या मोबाइल फोनवर 'UMANG App'च्या माध्यमाने अर्ज करू शकतात.

सीमा सुरक्षा दल (BSF), केंद्रीय औद्योगिक सुरक्षा दल (CISF), केंद्रीय रिझर्व्ह पोलीस दल (CRPF), भारत तिबेट सीमा पोलीस (ITBP), सशस्त्र सीमा दल (SSB) सह इतरही काही सुरक्षा दलांतील या 25271 रिक्त जागा भरण्यात येणार आहेत.

या रिक्त पदांसाठी 17 जुलैलाच नोटिफिकेशन जारी करण्यात आले आहे. तर अर्ज करण्याची अखेरची तारीख 31 ऑगस्ट निर्धारित करण्यात आली आहे.

या भरती प्रक्रियेसाठी यशस्वीपणे अर्ज करणाऱ्या सर्व उमेदवारांची सर्वप्रथम टियर 1 लेखी परीक्षा घेतली जाईल. परीक्षेची तारीख सप्टेंबर महिन्यात जारी केली जाईल.

शैक्षनिक आर्हता - अर्ज करण्यासाठी इच्छूक असलेल्या उमेदवारांना 10वीची परीक्षा पास असणे आवश्यक आहे.

वयोमर्यादा - या पदांसाठी अर्ज करणाऱ्या उमेदवारांचे वय 18 वर्ष ते 23 वर्षांदरम्यान असावे.

याशिवाय इतर माहिती, जसे वेतन, निवड प्रक्रिया, परीक्षा पॅटर्न, अभ्यासक्रम, अर्ज करण्याची संपूर्ण प्रक्रिया आदी माहिती आपण नोटिफिकेशनमध्ये पाहू शकता.