Navi Mumbai Marathi News | नवी मुंबई मराठी बातम्या | Latest Navi Mumbai News in Marathi | नवी मुंबई ताज्या बातम्या | Navi Mumbai Crime Marathi News | नवी मुंबई ब्रेकिंग न्यूज़| Breaking & Live Navi Mumbai News

मधुकर ठाकूर उरण : नागाव -म्हातवली प्रकल्पग्रस्त बेरोजगार संघटनेच्यावतीने ओएनजीसी विरोधात परिसरातील प्रकल्पग्रस्त्त तरुणांना कंत्राटी पद्धतीने चालणाऱ्या कामात नोकऱ्या मिळाव्यात यासाठी सर्व पक्षीय आंदोलनकर्त्यांवर दाखल करण्यात आलेल्या खटल्यातून नऊही आंदोलनकर्त्यांची उरण न्यायालयाने शुक्रवारी अडीच वर्षांनंतर निर्दोष मुक्तता केली आहे. नागाव-म्हातवली परिसरातील बेरोजगार तरुणांना ओएनजीसी प्रकल्पात ठेकेदारी पध्दतीने चालणाऱ्या कामात सामावून घेण्याच्या मागणीसाठी नागाव -म्हातवली प्रकल्पग्रस्त बेरोजगार संघटनेच्या वतीने ओएनजीसी विरोधात आंदोलन छेडले होते. आंदोलनानंतर संघटना आणि ओएनजीसी प्रशासन अधिकाऱ्यांच्या बैठकीत आठ बेरोजगार तरुणांना कामावर घेण्याचे मान्यही केले होते.मात्र ओएनजीसीने दिलेले आश्वासन मुदतीनंतरही पाळले नाही. यामुळे संतप्त झालेल्या नागाव -म्हातवली प्रकल्पग्रस्त बेरोजगार संघटनेच्या वतीने ओएनजीसी विरोधात आंदोलन छेडले होते.मात्र कोवीड नियमांचा भंग केल्याचा ठपका ठेवून उरण पोलिसांनी सर्वपक्षीय संघटनेच्या एस. के. पुरो, जनार्दन थळी, भारतराज थळी, जितेंद्र ठाकूर, निलेश कोर्लेकर, घनश्याम ठाकूर, विलास पाटील, राजेश पाटील आदी नऊ पदाधिकाऱ्यांवर गुन्हा दाखल करण्यात आला होता.९ ऑगस्ट २०२१ रोजी उरण पोलिसांनी उरण न्यायालयात खटलाही दाखल केला होता. या खटल्याची मागील अडीच वर्षांपासून सुनावणी सुरू होती.या खटल्याचे कामकाज उरण पंचायत समितीचे माजी सभापती ॲड.सागर कडू ,ॲड. रोहन नाखवा,ॲड. जितेंद्र कात्रने,ॲड.अनुराग ठाकूर या वकील मंडळीने कोणताही आर्थिक मोबदला न घेता नागाव -म्हातवली प्रकल्पग्रस्त संघटेनेच्या आरोपी पदाधिकाऱ्यांची सुनावणी दरम्यान न्यायालयात भक्कमपणे बाजु मांडली.अखेर याप्रकरणी सुनावणी नंतर उरण न्यायालयाने शुक्रवारी अडीच वर्षांनंतर नऊही आरोपींची निर्दोष मुक्तता केली आहे.अशी माहिती ॲड.सागर कडू यांनी निकालानंतर दिली. याप्रकरणी उरण न्यायालयात मागील अडीच वर्षांपासून खटला सुरू असताना मानसिक पाठबळ देणारे ग्रामस्थ ,मोफत खटला लढविणारे वकील मंडळी या सर्वांचे नागाव -म्हातवली प्रकल्पग्रस्त बेरोजगार संघटनेचे नेते काका पाटील यांनी ॠण व्यक्त केले. अखेर सत्याचाच विजय झाला असल्याची प्रतिक्रियाही त्यांनी व्यक्त केली.

Navi Mumbai (Marathi News)

न्याय मिळेपर्यंत आंदोलन सुरू ठेवण्याचा निर्धार ...

कोल्डस्टोरेज चालकांना लाखो रूपयांचा फटका : २० दिवसात १२ वेळा बत्ती गुल ...

नवी मुंबई आंतरराष्ट्रीय विमानतळाला दि.बा. पाटील यांचे नाव द्यावे, यासाठी प्रकल्पग्रस्तांचा संघर्ष सुरू आहे. ...

प्राप्त तक्रारीच्या अधारे त्यांनी आपल्या पथकासह सांयकाळी साडेसात वाजण्याच्या सुमारास कारवाईसाठी दाखल झाले. ...

उरण परिसराचा वरवर होणारा विकास हा येथील जनतेला भकास करणारा आहे. जमीन ही काळी आई आहे. ...

१८० सायकलस्वारांनी घेतला सहभाग ...

९ ऑगस्ट २०२१ रोजी उरण पोलिसांनी उरण न्यायालयात खटलाही दाखल केला होता. ...