Latest National News | National Marathi News | Latest National News in Marathi | राष्ट्रीय: ताज्या मराठी बातम्या

अयोध्या - अयोध्येतील प्रभू श्रीराम यांच्या मंदिराचे काम प्रगतीपथावर असून पंतप्रधान नरेंद्र मोदींनी मंदिराच्या लोकार्पणाची तारीखही घोषित केलीय. दुसरीकडे श्रीराम जन्मभूमी तिर्थक्षेत्राच्या माध्यमातून युद्धपातळीवर मंदिराचे काम पूर्ण होत आहे. ट्रस्टचे महासचिव संपत राय यांनी सोशल मीडिया अकाऊंटवरुन फोटो शेअर केले आहेत. त्यामध्ये, मंदिराच्या खोदकामावेळी काही प्राचीन मंदिरांचे अवशेष मिळाले असून त्यात मूर्ती व स्तंभ यांचा समावेश आहे. राय यांनी एक फोटो शेअर केला आहे, त्यामध्ये हे आढळून आलेले प्राचीन मूर्तींचे अवशेष एकत्र ठेवल्याचं दिसून येत आहे. मंदिराचे खोदकाम करताना सापडलेल्या वस्तूंचे फोटो प्रथमच समोर आले आहेत. ज्यामध्ये, डझनभरापेक्षा जास्त मूर्ती, स्तंभ आणि शिलालेख आहेत. या शिलालेखात देवी-देवतांच्या कलाकृती असून फोटोत मंदिरात उभारण्यात येणारे स्तंभही पाहायला मिळत आहेत. राम मंदिरात दर्शनासाठी येणाऱ्या भाविकांच्या दर्शनासाठी हे सापडलेले प्राचीन मंदिराचे अवशेष ठेवण्यात येणार असल्याचे समजते. मंदिर बनवण्यासाठीचं खोदकाम सुरू झाल्यानंतर ४० ते ५० फूट खोदकाम होताच, या मूर्ती व अवशेष आढळून आले होते. मंदिर परिसरातील खोदकाम करताना ह्या सर्व वस्तू आढळून आल्या आहेत. हिंदूंचा या जागेवरील दावा त्यामुळे अधिक दृढ होतो. ASI सर्वेक्षणातूनही अनेक वस्तू आढळून आल्या आहेत. मंदिर-मस्जीद प्रकरणी कोर्टातील सुनावणीदरम्यान न्यायालयानेही या बाबी विचारात घेतल्या आहेत.

National (Marathi News)

चीनबाबत एक खळबळजनक खुलासा; हॉटेल कर्मचाऱ्याने बॅगमध्ये काय होते ते पाहिले म्हणून.... ...

कोचिंग क्लासेससाठी लोकप्रिय असलेले राजस्थानमधील कोटा शहर विद्यार्थ्यांच्या आत्महत्येमुळे चर्चेत आले आहे. ...

वंदे भारत ट्रेनची किंमत १०० कोटी सांगितली जाते. तर या ट्रेनची किंमत ६५ कोटी रुपये असणार आहे. ...

कॅनडाचे विमान नादुरुस्त झाले होते. रेग्युलर चेकअपवेळी विमानामध्ये बिघाड असल्याचे समजले होते. ...

उद्योगपतीची फसवणूक केल्याच्या आरोपाखाली पोलिसांनी महिला कार्यकर्त्या चैत्र कुंडपुरा हिला अटक केली आहे. ...

मंदिराचे खोदकाम करताना सापडलेल्या वस्तूंचे फोटो प्रथमच समोर आले आहेत. ...