Latest National News | National Marathi News | Latest National News in Marathi | राष्ट्रीय: ताज्या मराठी बातम्या

Rajasthan Viral Video: राजस्थानच्या जोधपुर जिल्ह्यातील एक भावूक करणारा व्हिडिओ सध्या सोशल मीडियावर मोठ्या प्रमाणावर व्हायरल होत आहे. या व्हिडिओमध्ये एका शाळेतील सर्व विद्यार्थी आणि शिक्षकांनी आपले मुंडण केलेले दिसते. याचे कारण म्हणजे, शाळेतील कर्करोगाशी झुंज देणाऱ्या विद्यार्थिनीचे मनोबल वाढवण्यासाठी सर्वांनी हा अनोखा आणि संवेदनशील उपक्रम राबवला.कर्करोगामुळे मानसिक तणावमिळालेल्या माहितीनुसार, संबंधित शाळेतील एक विद्यार्थिनी कर्करोगाने ग्रस्त असून उपचारादरम्यान दिल्या जाणाऱ्या थेरपीमुळे केस गळाले होते. यामुळे ती मानसिकदृष्ट्या खचून गेली होती आणि हळूहळू नैराश्यात जात होती. केस गळाल्यामुळे आपण इतरांपेक्षा वेगळी आहोत, अशी भावना तिच्या मनात निर्माण झाली होती.तू एकटी नाहीस...शाळेचा भावनिक संदेशविद्यार्थिनीला एकटेपणा जाणवू नये आणि तिचे मनोबल खचू नये, यासाठी शाळेतील सर्व विद्यार्थी-विद्यार्थिनी तसेच शिक्षकांनी एकत्र येत मुंडण करण्याचा निर्णय घेतला. व्हायरल व्हिडिओमध्ये सर्व विद्यार्थी आणि शिक्षकांनी मुंडण केल्याचे दिसते. हा प्रसंग सामाजिक संवेदनशीलता, सहानुभूती आणि मानवी मूल्यांचे प्रभावी दर्शन घडवतो.सोशल मीडियावर कौतुकाचा वर्षावहा व्हिडिओ व्हायरल होताच सोशल मीडियावर या उपक्रमाचे मोठ्या प्रमाणावर कौतुक होत आहे. अनेकांनी ही कृती मानवता, एकजूट आणि सहकार्याचे उत्कृष्ट उदाहरण असल्याची प्रतिक्रिया दिली आहे.अधिकृत माहिती अद्याप अस्पष्टदरम्यान, हा व्हिडिओ जोधपुरमधील नेमक्या कोणत्या शाळेचा आहे, याबाबत अद्याप अधिकृत माहिती समोर आलेली नाही. प्रशासन किंवा शाळा व्यवस्थापनाकडून याची औपचारिक पुष्टी झालेली नसली, तरीही या घटनेने समाजातील सकारात्मक आणि संवेदनशील बाजू समोर आणली आहे.

National (Marathi News)

AIMIM Asaduddin Owaisi: महाराष्ट्रातील महानगरपालिका निवडणुकीत AIMIM ने १२५ जागांवर विजय मिळवला आहे. ...

‘तू एकटी नाहीस', कॅन्सरग्रस्त विद्यार्थिनीसाठी शाळेचा हृदयस्पर्शी उपक्रम! ...