Nashik Marathi News | नाशिक मराठी बातम्या | Latest Nashik News in Marathi | नाशिक ताज्या बातम्या | Nashik Crime Marathi News | नाशिक ब्रेकिंग न्यूज़| Breaking & Live Nashik News | Today's Nashik News paper

महाराष्ट्रासह गुजरात आणि मध्य प्रदेशात येथून ऊस पाठविला जातो. रसवंतीला तीन हजार रुपये प्रतिटन याप्रमाणे दर मिळतो, तर तोच ऊस कारखाने २२०० ते २५०० रु. प्रतिटनाने घेतात. निफाड तालुक्यातील चांदोरी पंचक्रोशीत सुमारे ५०० ते ७०० व्यापारी कमिशन एजंट म्हणून उसाचा व्यापार करतात. दरवर्षी निफाड तालुक्यातून रसवंतीसाठी ऊस पाठविला जातो. मागील वर्षापासून असलेल्या कोरोना संकटामुळे उसाच्या व्यापारांवर मोठा परिणाम झाला आहे. गतवर्षी आणि याही वर्षी ऐन हंगामात लॉकडाऊन असल्यामुळे उसाची मागणी घटली. ज्या व्यापाऱ्यांनी बाहेर ऊस पाठविला होता, त्यांचे लाखो रुपये बुडाले आहे. यामुळे ऊस व्यापाऱ्यांना लाखोंचा फटका सहन करावा लागला आहे.चौकट-साखर कारखान्यांचा आधारकोरोनामुळे अनेक राज्यांत रसवंतिगृहे सुरूच झाली नाहीत. यामुळे ऊस पडून राहिला आहे. रसवंतीला न गेलेला ऊस नगर जिल्ह्यातील पाच ते सहा कारखाने आणि जिल्ह्यातील कादवा कारखान्याने खरेदी केला आहे. सर्वाधिक ऊस कादवाने घेतला असून या कारखान्यांनी उसाला २२०० ते २५०० रुपये प्रतिटनाचा दर दिला आहे. कारखान्यांनी ऊस खरेदी करूनही निफाड तालुक्यात आज ५० ते ७० हजार मेट्रिक टन ऊस शिल्लक राहिला आहे.चौकट-शेतकऱ्यांना आर्थिक फटकारसवंतीला जाऊन तीन हजार रुपये प्रतिटनाने शेतकऱ्यांना पैसे मिळाले असते, तोच ऊस कोरोनामुळे कारखान्यांना देण्याची वेळ शेतकऱ्यांवर आली आहे. कारखान्यांनी कमी दर दिल्यामुळे शेतकऱ्यांना मोठा आर्थिक फटका सहन करावा लागला आहे. अनेक ऊस व्यापाऱ्यांना मागील वर्षाचे पैसे ग्राहकांकडून मिळाले नाही; मात्र त्यांना शेतकऱ्यांचे पैसे द्यावे लागले. यामुळे व्यापाऱ्यांनाही लाखो रुपयांचा फटका बसला आहे.कोट-मागील वर्षी परराज्यात पाठविलेल्या उसाचे पैसे अद्याप मिळालेले नाही. मात्र, शेतकऱ्यांना आम्हाला पैसे द्यावे लागले. यामुळे कोरोनाच्या काळात २५ ते ३० लाख रुपयांचा फटका सहन करावा लागला आहे. चांदोरी पंचक्रोशीत ५०० ते ७०० कुटुंबांना कोरोना आणि लॉकडाऊनचा मोठा फटका सहन करावा लागला असून, यातून सावरणे अवघड झाले आहे. - विनायक खरात, ऊस व्यापारी

Nashik (Marathi News)