Nagpur Marathi News | नागपूर मराठी बातम्या | Latest Nagpur News in Marathi | नागपूर ताज्या बातम्या | Nagpur Crime Marathi News | नागपूर ब्रेकिंग न्यूज़| Breaking & Live Nagpur News | Today's Nagpur News paper

काटाेल (नागपूर) : दारुड्या पतीने पत्नीच्या चारित्र्यावर संशय घेत तिच्याशी गुरुवारी (दि. १२) रात्री भांडण उकरून काढले. त्यातच त्याने डाेक्यावर कुऱ्हाडीने वार करून तिचा खून केला आणि लगेच घरातून पळ काढला. ही घटना काटाेल पाेलीस ठाण्याच्या हद्दीतील इसापूर (खुर्द) येथे घडली असून, पाेलिसांनी फरार आराेपी पतीस कळमेश्वर शहरातून शुक्रवारी (दि. १३) सकाळी अटक केली.चित्रा संदीप घोरमाडे (३०) असे मृत पत्नीचे तर संदीप पद्माकर घोरमाडे असे अटक करण्यात आलेल्या आराेपी पतीचे नाव आहे. दाेघेही इसापूर (खुर्द), ता. काटाेल येथील रहिवासी आहेत. संदीपला दारूचे व्यसन आहे. शिवाय, ताे पत्नी चित्राच्या चारित्र्यावर संशय घ्यायचा. याच कारणावरून त्या दाेघांमध्ये नेहमी भांडणे व्हायची व भांडणात ताे चित्राला मारहाण करायचा. या प्रकाराबाबत चित्राने तिच्या आईला माहिती दिली हाेती. मात्र, आई नेहमीच तिची समजूत काढायची.दरम्यान, त्या दाेघांमध्ये गुरुवारी रात्री याच कारणावरून भांडण झाले. भांडण विकाेपास जाताच संदीपने तिच्या डाेक्यावर कुऱ्हाडीने वार केले. त्यामुळे चित्रा जखमी अवस्थेत खाली काेसळली. त्यातच संदीप घरून लगेच पळून गेला. सरपंचाने चित्राच्या आईला शुक्रवारी सकाळी तिच्या घरी जाण्याची सूचना केल्याने, ती सकाळी चित्राच्या घरी गेली हाेती. त्यावेळी तिला ती रक्ताच्या थाराेळ्यात ती पडून असल्याची दिसली. तिने आरडाओरड करताच परिसरातील नागरिक गाेळा झाले.त्यातच पाेलीस पाटील यांनी या घटनेची माहिती पाेलिसांनी दिली. पाेलिसांच्या एका पथकाने लगेच घटनास्थळ गाठले तर दुसऱ्या पथकाने लगेच आराेपी संदीपचा शाेध घ्यायला सुरुवात केली. ताे कळमेश्वर परिसरात असल्याचे लक्षात येताच, या पथकाने त्याला शिताफीने कळमेश्वर शहरातून ताब्यात घेत अटक केली. त्याने गुन्ह्याची कबुली दिल्याची माहिती पाेलिसांनी दिली. याप्रकरणी काटाेल पाेलिसांनी गुन्हा नाेंदविला असून, या घटनेचा तपास ठाणेदार महादेव आचरेकर करीत आहेत.दाेघांचाही प्रेमविवाहसंदीप व चित्रा मूळचे इसापूर (खुर्द) येथील राहणारे असून, दाेघेही एकाच गावातील रहिवासी असल्याने त्यांची आपसात ओळख हाेती. याच ओळखीचे रूपांतर प्रेमात झाले आणि त्यांनी आठ वर्षांपूर्वी प्रेमविवाह केला. सुरुवातीच्या काळात त्यांचा संसार सुरळीत सुरू हाेता. शिवाय, दाेघेही मजुरी करून उदरनिर्वाह करायचे, अशी माहिती चित्राची आई पंचफुला अडकिने यांनी दिली. त्यातच काही वर्षांपूर्वी संदीपला दारूचे व्यसन जडले आणि ताे पत्नी चित्राच्या चारित्र्यावर संशय घेऊ लागला, अशी माहिती त्याच्या निकटवर्तीयांनी दिली.सरपंचाला दिली माहितीसंदीप चित्राच्या चारित्र्यावर संशय घेत असल्याने त्या दाेघांमध्ये नेहमीच भांडणे हाेत असल्याची माहिती पंचफुला अडकिने यांना हाेती. आपण चित्राची नेहमीच समजूत काढल्याचेही त्यांनी पाेलिसांना सांगितले. संदीपने चित्राचा खून केल्यानंतर पळ काढला. मात्र, त्याने या खुनाची माहिती फाेनवरून इसापूर (खुर्द) येथील सरपंचाला दिली हाेती. त्यामुळे सरपंचाने चित्राच्या आईला तिच्या घरी जाऊन बघण्याची सूचना केली हाेती.

Nagpur (Marathi News)

पॉवर ट्रान्सफार्मर फेल झाल्याने वाठोडासह पूर्व नागपुरातील वीज पुरवठा अजूनही ऑक्सिजनवर सुरू आहे. ...