Nagpur Marathi News | नागपूर मराठी बातम्या | Latest Nagpur News in Marathi | नागपूर ताज्या बातम्या | Nagpur Crime Marathi News | नागपूर ब्रेकिंग न्यूज़| Breaking & Live Nagpur News | Today's Nagpur News paper

RSS Dussehra: दसऱ्याच्या मुहूर्तावर दरवर्षी नागपुरात संघ मुख्यालयात होणाऱ्या राष्ट्रीय स्वयंसेवक संघाच्या कार्यक्रमात संतोष यादव (Santosh Yadav) यावेळी प्रमुख पाहुण्या म्हणून सहभागी होणार आहेत. संघाच्या दसरा कार्यक्रमात एखादी महिला 'प्रमुख पाहुणे' म्हणून सहभागी होण्याची ही पहिलीच वेळ आहे. महिला मतदारांमध्ये आपले स्थान अधिक मजबूत करण्याच्या भाजपच्या प्रयत्नांना जोड देण्यासाठी संघाने उचललेले हे पाऊल असल्याची सध्या चर्चा आहे.संघाचे सरचिटणीस दत्तात्रेय होसबळे यांनी संघटनेच्या बैठकीत, महिलांचा सहभाग तुलनेने कमी असल्याबद्दल खंत व्यक्त केली होती. या दरम्यान, आता संघाच्या वार्षिक दसरा सोहळ्यात गिर्यारोहक संतोष यादव या प्रमुख पाहुणे म्हणून उपस्थित राहणार असल्याचे RSSने जाहीर केले आहे.कोण आहेत RSS च्या दसरा मेळाव्याच्या 'प्रमुख पाहुण्या' संतोष यादव?- संतोष यादव या मूळच्या हरियाणाच्या आहेच.- त्या एक अतिशय प्रतिभावान गिर्यारोहक आहेत.- सर्वात महत्त्वाची बाब म्हणजे, माऊंट एव्हरेस्ट हे शिखर दोनदा सर करणारी त्या पहिल्या महिला आहेत.- सन २००० मध्ये संतोष यादव यांना पद्मश्री पुरस्काराने सन्मानित करण्यात आले आहे.'महिला प्रमुख पाहुणे' यामागचा विचार काय?खरे पाहता, राष्ट्रीय स्वयंसेवक संघाची प्रतिमा ही पुरुषांची संघटना अशी आहे. या प्रतिमेमुळे अनेक राजकीय पक्षांकडून संघावर टीकादेखील केली जाते. अशा परिस्थितीत ही प्रतिमा बदलण्यासाठी संतोष यादव यांना RSS च्या दसरा कार्यक्रमात आमंत्रित करण्यात आल्याची चर्चा सुरू आहे. त्याचबरोबर कुटुंब आणि समाजातील मूल्यांचा प्रसार करणे हा संघाच्या कुटुंब प्रबोधन कार्यक्रमाचा उद्देश आहे. त्यावर संघाने नव्याने लक्ष केंद्रित केले असल्याची माहिती आहे. १९३६ पासून संघाची 'राष्ट्र सेविका समिती' नावाची शाखा असली, तरी त्यात महिला मुख्य गतिविधींचा भाग नाहीत. त्यामुळे संघाची ओळख, पुरुषांची संघटना म्हणून केली जाते. अशा स्थितीत गिर्यारोहक संतोष यादव संघाच्या कार्यक्रमात सहभागी झाल्यावर संघ आपल्या प्रतिमेत बदल घडवू इच्छित असल्याचे मानले जात आहे.

Nagpur (Marathi News)

Raj Thackeray In Nagpur: महाराष्ट्र नवनिर्माण सेनेचे (MNS) अध्यक्ष राज ठाकरे आजपासून पाच दिवसांच्या विदर्भ दौऱ्यावर आहेत. ...

... तर भारतातही हाेईल चित्त्यांची वाढ ...

१२ ऑगस्टपासून सर्वाधिक कॉल्स - कुख्यात निषिद वासनिक, कोतुलवारसह अनेकांचे ‘फोनो फ्रेण्ड’ ...

शहरालगतच्या गावांत पाणीपुरवठा व सिवेज लाईन टाकणार ...

३८४ महाविद्यालयासाठी महत्त्वाची सूचना ...

कोण आहे ही महिला... जाणून घ्या सविस्तर ...