Latest Marathi News

Share Market Update: अमेरिका आणि इराण यांच्यात पुन्हा संवाद सुरू होण्याच्या आशेनं आज देशांतर्गत शेअर बाजारात मोठी तेजी पाहायला मिळाली. बीएसई (BSE) सेन्सेक्स १,२६४ अंकांच्या म्हणजेच १.६४% वाढीसह ७८,१११.२४ अंकांवर बंद झाला. त्याचप्रमाणे नॅशनल स्टॉक एक्सचेंजचा निफ्टी५० (Nifty50) निर्देशांक ३८८.६५ अंकांच्या (१.६३%) उसळीसह २४,२३१.३० अंकांवर पोहोचला. या तेजीमुळे बीएसईवरील लिस्टेड कंपन्यांचं मार्केट कॅप ९ लाख कोटी रुपयांनी वाढून ₹४५८ लाख कोटींवर पोहोचलं आहे. रुपयाच्या मूल्यात डॉलरच्या तुलनेत कोणताही मोठा बदल झाला नाही.सेन्सेक्समधील प्रमुख शेअर्सची स्थितीसेन्सेक्समधील ३० पैकी २७ शेअर्स आज वाढीसह बंद झाले. इंडिगो आणि इटर्नलच्या शेअर्समध्ये चार टक्क्यांहून अधिक वाढ झाली. तसंच पावरग्रिड, टीसीएस, टेक महिंद्रा आणि लार्सन अँड टुब्रोचे शेअर्स तीन टक्क्यांहून अधिक वधारले. एशियन पेंट्स, अदानी पोर्ट्स, सन फार्मा, कोटक महिंद्रा बँक, ट्रेंट आणि बजाज फिनसर्व्हमध्ये दोन टक्क्यांहून अधिक तेजी राहिली. दुसरीकडे, ॲक्सिस बँक, आयसीआयसीआय बँक आणि भारती एअरटेलमध्ये घसरण नोंदवण्यात आली.अक्षय्य तृतीयेपूर्वी २९३८ रुपयांनी महागलं सोनं, चांदीच्या दरातही १३ हजारांपेक्षा अधिक तेजी; पाहा नवे दरबाजारातील तेजीची प्रमुख कारणं'ब्रॉडर मार्केट'मध्येही आज उत्साह दिसून आला. निफ्टी मिडकॅपमध्ये २.२०% आणि निफ्टी स्मॉलकॅपमध्ये २.३५% ची वाढ झाली. क्षेत्रीय पातळीवर विचार केल्यास, निफ्टी कन्स्ट्रक्शन ड्युरेबलमध्ये सर्वाधिक तेजी पाहायला मिळाली. निफ्टी आयटी आणि निफ्टी मीडियामध्येही चांगली वाढ झाली, परंतु निफ्टी पीएसयू बँकेची कामगिरी निराशाजनक राहिली.डोनाल्ड ट्रम्प यांचं विधान ठरलं महत्त्वाचंअमेरिकेचे राष्ट्राध्यक्ष डोनाल्ड ट्रम्प यांनी म्हटलं की, इराणचे युद्ध आता संपण्याच्या मार्गावर आहे. एका मुलाखतीत त्यांनी नमूद केले की, इराण करार करण्यासाठी उत्सुक आहे आणि पश्चिम आशियातील विविध आघाड्यांवर राजनैतिक प्रयत्न सुरू आहेत. त्यांच्या या विधानानंतर अमेरिका आणि इराणमध्ये पुन्हा चर्चा सुरू होण्याची आशा निर्माण झाली असून, त्याचा सकारात्मक परिणाम बाजारपेठेवर झाला.

ह्या पर्वाची आणखी एक खासियत म्हणजे ह्यावर्षी सुरेश वाडकर हे एका खास भूमिकेत बघायला मिळणार आहेत. ...

पाऊस न पडल्यास आणखी बिकट परिस्थिती निर्माण होण्याची शक्यता ...

Jay Shah on his Pakistan Visit: आशिया चषकासाठी BCCI सचिव जय शहा पाकिस्तानला जाणाऱ्या असल्याच्या बातम्या पाक मीडियामध्ये येत आहेत. ...

कारागृहात सापडे हाेते १५ मोबाईल ...

भाटी गावातील हिंदू स्मशानभूमी तोडू देणार नाही! ...

चौपदरीकरणामुळे महामार्ग जुन्या वस्तीला लागून जातो. त्यामुळे रस्त्यालगतच्या घरांना धोका ...

सॅटर्डे क्लब ग्लोबल ट्रस्टच्या वर्धापनदिनानिमित्त बुधवारी आयोजित कार्यक्रमात केसरकर बोलत होते ...