Latest Marathi News

पुणे : पुणे वनविभागांतर्गत बुद्ध पौर्णिमेच्या निमित्ताने १ मे रोजी सायंकाळी 4 वाजल्यापासून ते २ मे रोजी सकाळी 8 वाजेपर्यंत “मचाण पाणवठा प्राणी गणना” हा उपक्रम यशस्वीरीत्या राबविण्यात आला. वन्यजीव त्यांच्या नैसर्गिक अधिवासात अनुभवण्याची संधी देणारा हा उपक्रम खऱ्या अर्थाने “निसर्गानुभव” ठरला. यामध्ये कोल्हा, तरस, लांडगे, मोर आणि एका ठिकाणी बिबट्याचे दर्शन झाले.या प्रगणनेमध्ये पुणे वन विभागातील एकूण १२ वनपरीक्षेत्रांतील ८९ मचाणांवरून निरीक्षण करण्यात आले. या कालावधीत विविध वन्य प्राणी मोठ्या प्रमाणावर आढळून आले असून, विभागातील जैवविविधतेची समृद्धता अधोरेखित झाली आहे. दौंड व इंदापूर वनपरिक्षेत्रात प्रामुख्याने अनुसूची-१ मधील महत्त्वाचे वन्यप्राणी जसे लांडगा, चिंकारा व तरस आढळून आले. मावळ तालुक्यातील वडगाव, शिरोता व पौड वनपरिक्षेत्रांमध्ये सांबर हरिण व तरस यांचे निरीक्षण करण्यात आले. भोर तालुक्यातील नसरापूर व वेल्हे परिसरातील एका पाणवठ्यावर बिबट्याचे दर्शन झाले. तसेच पुणे शहरालगतच्या पुणे व भांबुर्डा परिसरातील पाणवठ्यांवर सांबर, तरस, रानडुक्कर व हनुमान लंगूर आढळून आले. ही संपूर्ण प्राणी गणना वन विभागातील वनरक्षक व वनमजूर यांनी पार पाडली.मचाण पाणवठा प्राणी गणना ही केवळ आकडेवारी संकलनापुरती मर्यादित नसून, वन्यजीवांच्या नैसर्गिक वर्तनाचा प्रत्यक्ष अनुभव घेण्याची एक महत्त्वपूर्ण संधी आहे. या माध्यमातून मिळणारी माहिती पुढील संवर्धन व व्यवस्थापन निर्णयासाठी अत्यंत उपयुक्त ठरणार आहे. वन विभागातील सर्व अधिकारी व कर्मचारी यांनी अत्यंत समर्पणाने ही जबाबदारी पार पाडली, ही बाब निश्चितच कौतुकास्पद आहे. - महादेव मोहिते, उपवनसंरक्षक, पुणे वन विभागवन्यजीव दिसल्याची आकडेवारी वन विभाग : पुणेवन परिक्षेत्र : १२मचाण संख्या : ८९सहभागी लोक : २५४दिसलेले वन्यजीव : ४२३कोणते प्राणी दिसले ?बिबट १, लांडगा १३, कोल्हा ६, चिंकारा १४९, तरस २१, भेकर २७, सांबर ३०, रानडुक्कर ३०, साळींदर ६, मोर ३० .

जिल्ह्यात डेंग्यूचा विळखा घट्ट होत असून, सासवड ग्रामीण रुग्णालयातच डेंग्यूची लागण झाल्याचे उघड झाले आहे. ...

पूर्वी बहुतेक डझनावर अथवा नगावर मिळणारी फळे मिळणे आता बंद झाले आहे. स्थानिक फळबाजारावर मॉलसंस्कृतीचा प्रभाव ...