Latest International News | International Marathi News | Latest International News in Marathi | आंतरराष्ट्रीय: ताज्या मराठी बातम्या

पश्चिम आशियातील युद्धाचा भडका उडालेला असतानाच आता जागतिक राजकारणातून एक मोठी बातमी समोर येत आहे. अमेरिका आणि इराणमध्ये पडद्यामागे काहीतरी शिजतंय का? असा प्रश्न विचारला जात असतानाच इराणचे परराष्ट्र मंत्री अब्बास अराघची यांनी एक खळबळजनक खुलासा केला आहे. "आम्हाला अमेरिकेकडून थेट मेसेजेस येत आहेत," असे सांगत त्यांनी खळबळ उडवून दिली आहे. मात्र, हे मेसेजेस म्हणजे चर्चा नव्हे, असेही त्यांनी ठणकावून सांगितले आहे.कोणाकडून येतायत मेसेजेस?'अल जझीरा'ला दिलेल्या विशेष मुलाखतीत अराघची यांनी सांगितले की, त्यांना अमेरिकेचे प्रतिनिधी स्टीव्ह विटकॉफ यांच्याकडून सतत संदेश मिळत आहेत. "मला विटकॉफ यांच्याकडून मेसेजेस येत आहेत हे खरे आहे, पण याचा अर्थ असा मुळीच नाही की आम्ही अमेरिकेशी चर्चा करत आहोत. अमेरिकेने आम्हाला १५ कलमी प्रस्ताव दिला असल्याचा दावा केला जात आहे, मात्र आम्ही त्या प्रस्तावावर अद्याप कोणतेही उत्तर दिलेले नाही किंवा कोणतीही अट ठेवलेली नाही," असे अराघची यांनी स्पष्ट केले."आमचा अनुभव चांगला नाही!"अमेरिकेसोबतच्या चर्चेबाबत इराणचा दृष्टिकोन नकारात्मक का आहे, याचे कारण सांगताना परराष्ट्र मंत्र्यांनी जुन्या जखमांवर बोट ठेवले. ते म्हणाले, "अमेरिकेसोबत चर्चा करण्याचा आमचा अनुभव कधीच चांगला राहिला नाही. काही वर्षांपूर्वी आम्ही एक करार केला होता, पण अमेरिका त्यातून मधूनच बाहेर पडली. त्यामुळे त्यांच्यावर विश्वास ठेवणे कठीण आहे. सध्या जे काही संदेशांचे दळणवळण सुरू आहे, ते केवळ अधिकृत परराष्ट्र मंत्रालय आणि सुरक्षा यंत्रणांच्या माध्यमातूनच होत आहे."ट्रम्प यांचा खळबळजनक दावा: दोन आठवड्यात युद्ध संपणार?दुसरीकडे, अमेरिकेचे राष्ट्राध्यक्ष डोनाल्ड ट्रम्प यांनी या युद्धाबाबत मोठे विधान केले आहे. "इराणसोबतचे युद्ध येत्या दोन ते तीन आठवड्यांत संपेल," असा दावा ट्रम्प यांनी केला आहे. ते पुढे म्हणाले की, "युद्ध संपवण्यासाठी आता कोणत्याही कराराची गरज उरलेली नाही. आमचे मुख्य उद्दिष्ट इराणला अण्वस्त्रांपासून रोखणे हे होते आणि ते आता पूर्ण झाले आहे. त्यांच्याकडे आता अण्वस्त्रे नाहीत. कदाचित पुढच्या काही दिवसांतच हे प्रकरण पूर्णपणे मार्गी लागेल."इराणची सुरक्षा हीच आमची प्राथमिकता!इराणचे राष्ट्राध्यक्ष मसूद पेजेश्कियान यांनीही या वादावर आपली भूमिका स्पष्ट केली आहे. "आम्ही युद्ध ओढू इच्छित नाही. इराण शांततेसाठी तयार आहे, पण आमच्या देशाची सुरक्षा आणि भविष्यातील हल्ल्यांपासून मिळणारी हमी यावर आम्ही तडजोड करणार नाही. इराणच्या जनतेच्या हिताचे रक्षण झाल्याशिवाय कोणताही समझोता मान्य केला जाणार नाही," असे त्यांनी स्पष्ट केले.

International (Marathi News)

Oracle India: कंपनीने जागतिक स्तरावर ३०,००० कर्मचाऱ्यांना दिले नारळ; आकडा आणखी वाढणार! ...

ट्रम्प यांचे हे विधान खरे ठरले तर साधारणपणे २१ एप्रिलपर्यंत हा संघर्ष संपुष्टात येऊ शकतो... ...