Latest Crime News | गुन्हेगारी मराठी बातम्या | Crime Marathi News | Latest Crime News in Marathi | क्राइम ताज्या मराठी बातम्या

अतुल आंबीइचलकरंजी : येथील भोनेमाळ परिसरातील एका तरुणाचे मोटरसायकल रिपेअरच्या बहाण्याने अपहरण करून त्याचा निर्घृण खून केल्याची धक्कादायक घटना उघडकीस आली आहे. सुहास सतिश थोरात (वय १९, रा. भोनेमाळ, इचलकरंजी) असे अपहृत तरुणाचे नाव आहे. त्याचा मृतदेह कर्नाटक–महाराष्ट्र सीमेवरील देवचंद कॉलेजच्या पाठीमागील ओढ्यात आढळून आला. या प्रकरणी शिवाजीनगर पोलिसांनी तीन संशयित आरोपींना ताब्यात घेतले आहे.सुहास याला शुक्रवारी (ता.५) दुपारी ३ वाजण्याच्या सुमारास संशयित आरोपी ओंकार अमर शिंदे, ओंकार कुंभार (सर्व रा. लिगाडे मळा, इचलकरंजी) यांसह एक अल्पवयीन असे तिघेजण मोटरसायकल रिपेअर करायची आहे असा बहाणा करून जबरदस्तीने घेऊन गेले. मुलाच्या जीवितास धोका असल्याची भीती वाटल्याने त्याचे वडील सतीश थोरात यांनी याबाबत शुक्रवारीच शिवाजीनगर पोलिसात तक्रार दाखल केली.दरम्यान, शोधमोहीम सुरू असताना शनिवारी पहाटे देवचंद कॉलेजच्या पाठीमागील ओढ्यात एका तरुणाचा मृतदेह आढळला. तो मृतदेह सुहास थोरात याचाच असल्याची खात्री पोलिसांनी केली. प्राथमिक तपासात हा खून असल्याचे स्पष्ट झाले असून शरीरावर मारहाणीचे व जबर दुखापतीच्या गंभीर खुणा आढळून आल्या आहेत. घटनेची माहिती मिळताच पोलिसांनी तातडीने पथके तयार करून आरोपींचा शोध सुरू केला. संशयित तीन आरोपींना ताब्यात घेतले असून अपहरणापासून खूनापर्यंतची सर्व श्रृंखला तपासात उघड झाली आहे. सुहासला कुठे नेण्यात आले, खून नेमका कशामुळे झाला, यात आणखी कोणी सामील आहे का याचा तपास सुरू आहे. सुहास थोरातचा निर्घृण खून उघडकीस येताच परिसरात खळबळ उडाली आहे. शनिवारी सकाळी पोलीस ठाण्यात नातेवाईक व मित्रपरिवाराने गर्दी केली होती.

Crime (Marathi News)

मध्य प्रदेशच्या सागर शहरातील लाजपतपुरा वॉर्डमधील नगरसेवक नईम खान यांचा संशयास्पद परिस्थितीत मृत्यू झाला. ...

हिंगोली जिल्ह्यातील बाळापूरमध्ये थंड डोक्याने नियोजनबद्ध गुन्हा, दोन आरोपींना अटक ...

राहटीपुलाजवळ दोन कारची समोरासमोर धडक होऊन भीषण अपघात ...

अडकलेल्या कर्मचाऱ्यांना सोमवारपर्यंत पाेलिस कोठडी, विद्यापीठ प्रशासनाला पत्र पाठवणार ...

कल्पनाच्या पोलिस कोठडीचे १३ दिवस पूर्ण, तेरा दिवसांत फसवणूक, बनावट कागदपत्रांच्याच दिशेने तपास ...

Psycho Killer Poonam: पूनमचा पती नवीनने यावर आता प्रतिक्रिया दिली आहे. ...

मोटरसायकल रिपेअर करायची आहे असा बहाणा करून जबरदस्तीने घेऊन गेले होते ...