Pune Marathi News | पुणे मराठी बातम्या | Latest Pune News in Marathi | पुणे समाचार | Pune Crime Marathi News| Breaking & Live Pune News Headlines | Today's Pune News Paper

पुणे : सोसायटीच्या जीममध्ये व्यायाम करण्यासाठी गेलेल्या एका व्यक्तीला ‘जीम मधून बाहेर जा’ असे म्हणत चार जणांनी शिवीगाळ केली. तसेच जीम मधील कठीण वस्तूने डोळ्यावर मारून गंभीर जखमी केल्याचा प्रकार कोंढवा परिसरात घडला आहे. हा प्रकार एनआयबीएम रोडवरील एलीना लिव्हींग सोसायटीच्या जीममध्ये मंगळवारी (दि. २६) रात्री नऊच्या सुमारास घडला. याप्रकरणी चार जणांवर गुन्हा दाखल करण्यात आला आहे.याप्रकरणी जखमी संदिप आगरवाल यांची पत्नी श्वेता संदिप आगरवाल यांनी कोंढवा पोलिस ठाण्यात बुधवारी (दि. २७) फिर्याद दिली आहे. यावरून रुपेश चव्हाण (३५), सागर शेजुळ (३७), राजू बिंद्रा (४०) आणि सॅम्युअल (३५, सर्व रा. एलीना लिव्हींग, एनआयबीएम रोड, मोहम्मदवाडी) यांच्यावर गुन्हा दाखल करण्यात आला आहे.पोलिसांनी दिलेल्या माहितीनुसार, आरोपी आणि फिर्यादी एकाच सोसायटीत राहतात. मंगळवारी रात्री फिर्यादी व त्यांचे पती सोसायटीच्या जीममध्ये गेले होते. त्यावेळी आरोपी रुपेश चव्हाण याने ‘हि जिम सोसायटीमधील ए व बी विंग मधील सभासदांसाठी नाही, तुम्ही बाहेर जा’ असे म्हणत श्वेता यांच्या पतीसोबत वाद घालून शिवीगाळ केली.त्यावेळी श्वेता या मध्यस्थी करत असताना सॅम्युअल त्यांच्या अंगावर धावून आला, आणि त्याने तुम्ही जिममध्ये येऊ शकत नाही असे सांगण्यास सुरूवात केली. त्याचवेळी राजू बिंद्रा याने संदिप आगरवाल यांना पाठीमागून पकडले. तर रुपेश चव्हाण याने जीममधील कठीण वस्तूने संदीप यांच्या डाव्या डोळ्यावर मारून गंभीर जखमी केले. याप्रकरणाचा पुढील तपास पोलिस उपनिरीक्षक वैभव सोनावणे करत आहेत.

Pune (Marathi News)

तक्रारदाराच्या मुलाला खूनाचा प्रयत्न केल्याच्या गुन्ह्यात जुन्नर पोलिसांनी अटक करण्यात आली आहे ...

पूर्ववैमनस्यातून कारागृहात घडलेल्या या खून प्रकरणाने खळबळ उडाली. ...

राज्य आपत्ती निर्मूलन निधीतून ही भरपाई देण्यात येणार असून, याचा लाभ राज्यातील २३ लाख ९० हजार शेतकऱ्यांना होणार ...

ड्रोन, जेसीबी, उंच शिडीचा वापर. ...

पिंपरी येथे सोमवारी (दि. २५) सायंकाळी पाचच्या सुमारास ही घटना घडली... ...

याप्रकरणी चार जणांवर गुन्हा दाखल करण्यात आला आहे... ...