Latest Pimpri Chinchwad News | Pimpri Chinchwad Marathi News | Latest Pimpri Chinchwad News in Marathi | पिंपरी -चिंचवड: ताज्या मराठी बातम्या

पुणे : पुणे शहरात कोरोनाबाधितांची संख्या प्रचंड वेगाने वाढत आहे.तर दुसरीकडे महापालिकेच्या आरोग्य विभागाकडून लसीकरण मोहीम धडाक्यात सुरू आहे.परंतू, गेल्या काही दिवसांपासून शहरातील लसीकरण केंद्रावर लसींचा तुटवडा जाणवत होता. काही ठिकाणी लस घेण्यासाठी आलेल्या ज्येष्ठ नागरिकांना प्रदीर्घ काळ रांगेत थांबून सुद्धा लस न घेताच रिकाम्या हाती माघारी जावे लागत होते. मात्र, पुणेकरांना दिलासा मिळाला आहे.केंद्राकडून पुणे जिल्ह्यासाठी तब्बल ३ लाख २५ हजार ७८० कोविशिल्ड लसींचा पुरवठा करण्यात आला आहे. तसेच आगामी २ ते ३ दिवसांत आणखी १ लाख लस दिली जाणार असल्याची माहिती आहे.१ एप्रिलपासून ४५ वर्षांपुढील सगळ्यांना सरसकट लसीकरण सुरू करण्यात येणार आहे.त्याच पार्श्वभूमीवर पुण्याला इतक्या मोठ्या प्रमाणात कोविशिल्ड लसींचा पुरवठा करण्यात आला आहे. दरम्यान, सद्यस्थितीला बारा ते तेरा हजार इतके लसीकरण होत आहे. हा आकडा जवळपास १८ हजारांपर्यंत पोहचला होता. मात्र, लसींचे पुरेसे डोस उपलब्ध होत नसल्याने ही संख्या पुन्हा घटली असल्याचे चित्र निर्माण झाले होते.गेल्या आठवड्यात पुण्याचे पालकमंत्री अजित पवार यांनी केंद्रिय मंत्री प्रकाश जावडेकर यांच्याशी याबाबत संपर्क करुनही लसींचे डोस योग्य प्रमाणात उपलब्ध व्हावे म्हणून संपर्क केला होता. केंद्राकडून बुधवारी पुण्याला ३ लाख २५ हजार ७८०, सातारा ५९ हजार ४५०, सोलापूर ३ हजार १००, सांगली २८ हजार ७५०, कोल्हापूर ९६ हजार ७८० अशा प्रमाणात कोविशिल्ड लसींचे डोस उपलब्ध झाले आहे. त्यात पुणे, ग्रामीणला प्रत्येकी १ लाख ४० हजार तर पिंपरीला ४५ हजार ७८० डोस मिळणार आहे. आजमितीला महापालिका आणि खासगी रुग्णालये अशी एकूण १०९ आणि ८ शासकीय अशी एकूण ११७ लसीकरण केंद्र आहे. आता नव्याने आणखी २२३ लसीकरण केंद्र सुरू करण्याचा प्रस्ताव पालिकेकडून केंद्राला पाठविण्यात आला आहे. त्यास मंजुरी मिळाल्यास शहरातील लसीकरण केंद्राची संख्या तब्बल ३४० इतकी होईल. येत्या १ एप्रिलपासूनच ही सर्व केंद्र सुरू करण्याचे नियोजन आहे. त्यामाध्यमातून दिवसाला जवळपास ७० हजार नागरिकांना लसीकरण करता येऊ शकेल एवढी सोय उपलब्ध होणार आहे.---

Pimpri Chinchwad (Marathi News)

महिलेच्या आर्थिक अडचणीचा फायदा घेऊन तिच्यावर लैंगिक अत्याचार केला. ...

तळवडे येथे रुपीनगर पोलीस चौकीत बुधवारी दुपारी हा प्रकार घडला. ...

नेहमीच्या उपवासा बरोबरच गॅजेट्स ही उपास करण्याचा बिशप थॉमस डाबरे यांचा संकल्प. ...

पोलीस कोठडीत असल्याने शिरगाव पोलिसांनी गुन्ह्याच्या तपासासाठी आरोपी शेख याला शिरगाव पोलीस चौकीत आणले. ...

अठरा वर्षा वरील लोकांचे सरसकट लसीकरण करण्यात यावे तसेच लसीचे जादा डोस मिळावे या मागणीसाठी प्रयत्न. ...

पुणे शहरात बुधवारी पुन्हा कोरोनाबाधितांचा आकडा साडेचार हजारापर्यंत ...

रुग्णांची वाढती संख्या लक्षात घेता निर्णय. डॅशबोर्ड अद्ययावत ठेवण्याची जबाबदारी. ...

पुण्यात गेले काही दिवसांपासून कोरोना लसींचा तुटवडा जाणवत होता.. ...