...अन् २ वर्षाचा चिमुकला आईचा शोध घेतोय; सोनसाखळी चोरानं केली महिलेची हत्या

By पूनम अपराज | Published: March 1, 2021 09:36 PM2021-03-01T21:36:18+5:302021-03-01T21:46:25+5:30

chain snatcher killed lady : नुकतंच समोर आलेल्या एका प्रकरणात तर महिलेला चेन स्नॅचिंगचा विरोध करण्याची किंमत आपला जीव गमावून द्यावी लागली आहे. एका चोरानं चेन स्नॅचिंगदरम्यान महिलेवर चाकूनं हल्ला केला. या घटनेत महिलाचा मृत्यू झाला आहे.

आदर्श नगरमध्ये ई-ब्लॉकच्या घराबाहेर गर्दी होती. तिथे सीसीटीव्ही कॅमेरे होते. तेथे स्त्रिया डोह फोडत रडत होत्या. या सर्वांत निष्पाप चिमुकला आपल्या आईला शोधत होता. कधी गर्दीत आई शोधण्यासाठी, कधी रस्त्याच्या वळणावर लोकांना येताना आणि जाताना तो पाहत होता. मात्र, निरागस चिमुकल्याला आईची उबदार कूस सापडली नाही. तिथे मुलाला पाहून सर्वांचे डोळे अश्रुने ओले झाले. कुटुंब आणि शेजारी म्हणतात की, सुदैवाने मुलाला दुखापत झाली नाही. (All Photo - Navbharat Times)

रविवारी ही थरार घटना घडली. चोरी आणि हत्येची ही संपूर्ण घटना सीसीटीव्हीमध्ये (CCTV) कैद झाली आहे. महिलेवर हल्ला झाला यावेळी तिच्यासोबत दोन वर्षांचा एक लहान मुलगा देखील होता.

रविवारी दुपारी पटियाला येथील सिमरन यांचे पती परमजीत सिंग तेथे आल्यावर वातावरण अधिक तणावाचे आणि दुःखद झाले. परमजित यांनी आपल्या चिमुकल्याला पाहून धक्का बसला आणि ओस्काबोस्की रडू लागले. तसेच नातेवाईक आणि नातेवाईकांनी हळहळ व्यक्त केली. परमजीत सिंग यांचा पटियाला येथे कपड्यांचा व्यवसाय आहे. १६ फेब्रुवारीला सिमरनच्या मुलाचा वाढदिवस होता, असे एका नातेवाईकाने सांगितले. पटियाला येथे अत्यंत मोठ्या थाटात वाढदिवस साजरा करण्यात आला. सिमरनची बहीण पूजा बर्‍याच दिवसांनी कॅनडाहून आली आहे. चार दिवसांपूर्वी सिमरन तिच्या सासरच्या घरी तिच्या माहेरहून आली होती.

२५ वर्षीय सिमरन कौर काहीतरी कामानिमित्त घराबाहेर पडली होती. त्यांच्यासोबत एक दोन वर्षाचा मुलगा आणि एक महिलादेखील होती. सीसीटीव्हीमध्ये कैद झालेल्या घटनेनुसार, या दोन्ही महिला रस्त्यानं जात असतानाच मागून एक चोर आला आणि त्यानं सिमरन कौर यांच्या गळ्यातील चेन ओढण्याचा प्रयत्न केला. सिमरननं त्याला विरोध करताच चोर रस्त्यावर पडला आणि अचानक उठून त्यानं सिमरनवर चाकूनं वार केला. दोन्हीही वार गळ्यावर झाल्यानं घटनेत सिमरन यांना गंभीर दुखापत झाली आणि तिचा मृत्यू झाला. 

आदर्श नगर पोलिसांनी याप्रकरणी तक्रार दाखल करुन घेतली असून तपासही सुरू केला आहे. सीसीटीव्हीच्या आधारे पोलीस आरोपीचा शोध घेण्याचा प्रयत्न करत आहेत.

आसपासच्या परिसरात लागलेल्या सीसीटीव्ही कॅमेऱ्यांचं फुटेजही पोलीस तपासत आहेत. सोबतच परिसरातील सक्रीय चोरांचे रेकॉर्डही तपासले जात आहेत.