Nagpur Marathi News | नागपूर मराठी बातम्या | Latest Nagpur News in Marathi | नागपूर ताज्या बातम्या | Nagpur Crime Marathi News | नागपूर ब्रेकिंग न्यूज़| Breaking & Live Nagpur News | Today's Nagpur News paper

वर्षभरात १३७६ ग्राहकांवर कारवाई : तीन वर्षांत ४,२७० जणांवर कारवाईलोकमत न्यूज नेटवर्कनागपूर : वीज मीटरमध्ये फेरफार केल्यास महावितरणकडून वीज ग्राहकांवर कलम १३५ अन्वये फौजदारी गुन्हा दाखल करण्यात येतो. मागील वर्षभरात नागपूर परिमंडळात सुमारे १,३७६ ग्राहकांवर गुन्हा दाखल करण्यात आला असून, त्यांच्याकडून अडीच कोटी रुपये एवढा दंडही वसूल करण्यात आलेला आहे.वीज मीटरमध्ये फेरफार करून किंवा छेडखानी करून ग्राहक वीज बिल कमी करण्याचा प्रयत्न करतात. वीज मीटरमध्ये फेरफार अथवा छेडखानी करणे हा विद्युत कायद्यानुसार मोठा गुन्हा असून, याअंतर्गत संबंधित वीज ग्राहकावर कलम १३५ अन्वये फौजदारी गुन्हा दाखल करण्यात येतो. तसेच अशा ग्राहकावर मीटर रीडिंगच्या दुप्पट रक्कम आकारण्यात येते. प्रतिकेडब्ल्यूएचपीनुसार औद्योगिक ग्राहकावर १० हजार रुपये, वाणिज्यिक ग्राहकावर ५ हजार रुपये, कृषी ग्राहकावर १ हजार रुपये तर इतर वर्गवारीतील ग्राहकांवर २ हजार रुपये दंडात्मक कारवाई करण्यात येते. गुन्हा सिद्ध झाल्यास ३ वर्षांपर्यंतच्या शिक्षेची तरतूद आहे. वीज मीटरमध्ये फेरफार करण्यासाठी प्रवृत्त व सहकार्य करणाऱ्याविरुद्ध विद्युत कायद्यातील कलम १५० नुसार गुन्हा दाखल करण्याची तरतूद आहे.-बॉक्स-वीज चोरीसाठी अशीही चलाखीवीज मीटरमध्ये फेरफार करून किंवा छेडखानी करून ग्राहक वीज बिल कमी करण्याचा प्रयत्न करतात. त्यासाठी मॅग्नेट किंवा चिप लावून मीटरची गती कमी केली जाते. रिमोटच्या माध्यमातूनही असे प्रकार करण्यात आल्याचे यापूर्वी उघड झाले आहे.-बॉक्स- फौजदारी गुन्हा अन् जबरी दंडवीज मीटरमध्ये फेरफार करणे हा गंभीर गुन्हा आहे. वीज विद्युत कायदा कलम १३५ आणि १५० अंतर्गत यात गुन्हा दाखल होऊ शकतो. यात एक हजार रुपयापासून१० हजार रुपयांपर्यंत आणि तीन वर्षांपर्यंत तुरुंगवासही होऊ शकतो.-बॉक्समागील तीन वर्षांतील कारवाईवर्ष ग्राहकांवर कारवाई दंड वसूल (लाखात)२०१८-१९ - १,४४६ - २९९.९१२०१९-२० -१,४४८ - २४९.७६२०२०-२१ - ९१५ - १७३.३८ लाखमार्च २०२१ पासून आतापर्यंत - ४६१ - ८४.२०-बॉक्समीटरमध्ये फेरफार करणाऱ्यांवर करडी नजरमहावितरणची वीज मीटरमध्ये फेरफार करणाऱ्यावर कडक नजर असून मीटरमध्ये फेरफार केल्यास मीटर जप्त करण्यात येते. जबर दंडात्मक कारवाईही केली जाते आणि फौजदारी गुन्हाही दाखल करण्यात येतो. त्यामुळे ग्राहकांनी असे कोणतेही बेकायदेशीर कृत्य न करता वीज बिलांचा नियमित भरणा करून महावितरणला सहकार्य करावे.दिलीप दोडके - मुख्य अभियंता, नागपूर परिमंडळ, महावितरण

Nagpur (Marathi News)