Maharashtra News in Marathi | महाराष्ट्र मराठी बातम्या | Maharashtra News Paper Today | Maharashtra Marathi News Today Live | Crime News From Maharashtra | महाराष्ट्र ताज्या बातम्या | Maharashtra Breaking News in Marathi

पुणे : ऊन्हाच्या तीव्र झळांनी होरपळून निघणाऱ्या देशवासीयांसाठी राष्ट्रीय हवामान विभागाने यंदा मान्सून सरासरीच्या ९६ टक्के होईल, अशी खूशखबर दिली आहे. ‘एल निनो’चा मान्सूनवर परिणाम होणार नाही, असेही स्पष्ट केले आहे. मान्सून मिशनअंतर्गत पुण्यातील हवामान विभागाने विकसित केलेल्या सीएफएस (क्लायमेट फोरकास्ट सीस्टम) मॉडेलच्या आधारे मंगळवारी अधिकृतपणे हा अंदाज जाहीर करण्यात आला़हवामान विभागाचे संचालक के. जे़ रमेश यांनी दिल्लीत पत्रकार परिषदेत घोषणा केली़ देशभरातील सर्व ३६ हवामान विभागांत पावसाचे प्रमाण समाधानकारक असेल़ हे अनुमान जून ते सप्टेंबर या कालावधीसाठी असून, त्यात ५ टक्के कमी वा अधिक फरकाची शक्यता असल्याचे त्यांनी सांगितले़भारतातील एकूण लोकसंख्येपैकी ६८ टक्के लोकसंख्या ग्रामीण भागामध्ये राहात असून, ५० टक्के लोक रोजगारासाठी कृषी क्षेत्रावर अवलंबून आहेत़ मान्सूनच्या पावसावर मोठ्या प्रमाणावर शेती अवलंबून असून त्याचा परिणाम संपूर्ण अर्थव्यवस्थेवर होत असतो़ त्यामुळे मान्सून कसा असणार, याकडे सर्वांचे लक्ष असते़ गेल्या सहा -सात वर्षांपासून मान्सूनच्या आगमनावर ‘एल निनो’चा प्रभाव राहिला आहे़ त्यामुळे मान्सूनचे आगमन अनेकदा लांबले होते़ परंतु या अंदाजामुळे देशवासीयांना दिलासा मिळाला आहे.सांख्यिकी आणि सीएफएस या दोन्ही मॉडेलचा आधार घेऊन हा अंदाज जाहीर करण्यात आला आहे़ त्यासाठी प्रामुख्याने पाच घटकाचे मार्चपर्यंत निरीक्षण करण्यात आले. त्यात उत्तरी अटलांटिक आणि उत्तरी प्रशांत महासागरातील डिसेंबर व जानेवारीतील तापमान, भूमध्य रेखीय दक्षिण हिंद महासागरातील फेब्रुवारीचे तापमान, फेब्रुवारी व मार्चमधील पूर्व एशियाचे समुद्र स्तरावरील दबाव, जानेवारीतील उत्तर-पश्चिम युरोपातील जमिनीवरील हवेचे तापमान, जानेवारी, फेब्रुवारीतील प्रशांत महासागरातील पाण्याचे तापमान याचा विचार करण्यातआला.‘एल निनो’चा प्रभा २०१४ आणि २०१५ साली मोठ्या प्रमाणात जाणवल्याने मान्सूनवर त्याचा परिणाम झाला होता़ भारताचे सरासरी पाऊसमान ८८७़५ मिमी आहे़ २०१४ मध्ये ७८१ मिमी पाऊस झाला होता़ तो सरासरीपेक्षा १२ टक्के कमी होता़ २०१५ मध्ये ७६०़६ मिमी पावसाची नोंद झाली होती़ तो सरासरीपेक्षा १४ टक्के कमी होता़ गेल्या वर्षी सर्वदूर चांगला पाऊस झाला असला तरी तो ८६२़२ इतका झाला होता़ यंदा ९६ टक्के पाऊस होण्याचा प्राथमिक अंदाज आहे़‘एल निनो’ चा प्रभाव ३४ टक्के असण्याचीशक्यता असताना देशभरात पाऊस सामान्य अथवा सामान्यपेक्षा अधिक झाला आहे़ त्यामुळे यंदा ‘एल निनो’चा प्रभाव होण्याची शक्यता नसल्याचे के. जे. रमेश यांनी सांगितले़हवामान खाते पावसाचा अंदाज वर्तविताना ‘सामान्य’, ‘सामान्याहून कमी’ व ‘सामान्याहून अधिक’ अशा परिमाणात वर्तविते. ही वर्गवारी दीर्घकालीन सरासरीच्या (लाँग पीरिएड अॅव्हरेज-एलपीए) आधारे केली जाते. सन १९५१ पासूनच्या ५० वर्षांत देशात झालेल्या मान्सूनच्या पावसाच्या सरासरीस ‘एलपीए’ असे म्हटले जाते. ही दीर्घकालीन सरकारी ८९ सेमी (८९०मिमी) एवढी आहे.सामान्य : ‘एलपीए’च्या ९६ ते १०४ टक्के एवढा पाऊस असेल तर.सामान्याहून कमी : ‘एलपीए’च्या ९० टक्क्यांहून कमी पाऊस.सामान्याहून अधिक : ‘एलपीए’च्या १०५ ते ११० टक्के पाऊस.अतिवृष्टी : ‘एलपीए’च्या ११० टक्कयांहून अधिक पाऊसभारतीय उपखंडात नैऋत्य मान्सून व आग्नेय मान्सून असे पावसाचे दोन हंगाम असतात. जून ते सप्टेंबर या नैऋत्य मान्सूनच्या हंगामात एकूण पावसाच्या ७० टक्के पाऊस पडतो. आग्नेय मान्सूनचा हंगाम आॅक्टोबरनंतर सुरू होतो व तो पाऊस प्रामुख्याने पूर्व किनारपट्टीवरील राज्यांमध्ये सक्रिय असतो.या अंदाजात जूनच्या पहिल्या आठवड्यात सुधारणा होऊ शकेल. त्या वेळी जुलै-आॅगस्टमध्ये पडणाऱ्या पावसाचा अंदाज जाहीर करण्यात येईल.यंदाचा पावसाचा अंदाज ‘सामान्य’ वर्तविला गेला आहे. म्हणजेच देशात जून ते सप्टेंबर या काळात नैऋत्य मान्सून व आग्नेय मान्सून मिळून सरासरी ९६ सेंमी पाऊस अपेक्षित आहे. मात्र, तो सर्वत्र त्या प्रमाणात पडणार का, हे पाहणे महत्त्वाचे आहे.

Maharashtra (Marathi News)

गोव्यातील विजय माल्याचा आलिशान "किंगफिशर व्हिला" विकत घेणारा सचिन जोशी लवकरच या वास्तूचे नवीन नामकरण करणार आहे. ...

फार्इंड नीअरबाय प्लेस अ‍ॅप : भुगाव येथील अभियंता तरुणीची भावाला अनोखी श्रद्धांजली ...