Maharashtra News in Marathi | महाराष्ट्र मराठी बातम्या | Maharashtra News Paper Today | Maharashtra Marathi News Today Live | Crime News From Maharashtra | महाराष्ट्र ताज्या बातम्या | Maharashtra Breaking News in Marathi

लोकमत न्यूज नेटवर्कचंद्रपूर: स्वच्छ भारत अभियान हे पंतप्रधान नरेंद्र मोदी यांच्या बहुआयामी अशा धोरणाची फलश्रुती असून आज प्रत्येक क्षेत्रातील नागरिक स्वच्छतेच्या कार्यात स्वत:ला झोकून देत आहे. या राष्टÑव्यापी अभियानास गती देण्याचे प्रयत्न करीत आहेत. स्वच्छतेबाबत जागृक्ता निर्माण झाल्याने सर्वत्र हे कार्य स्वयंस्फूर्तीने होत आहे. चंद्रपुरातील ऐतिहासीक गोंडकालिन वारसाचे जतन, संरक्षण व स्वच्छता या कामी इको-प्रो या संस्थेने घेतलेला पुढाकार सामाजिक प्रेरणेला नवी दिशा देणारा असून अभिमानास्पद आहे. या कार्यातून अनेकांना निश्चितपणे दिशादर्शन होईल, असे प्रतिपादन केंद्रीय गृह राज्यमंत्री हंसराज अहीर यांनी केले.इको-प्रो या संघटनेद्वारा राबविण्यात आलेल्या किल्ला स्वच्छता अभियानास रविवारी केंद्रीय गृहराज्यमंत्री हंसराज अहीर यांनी भेट दिली. यावेळी ते बोलत होते. ना. अहीर यांनी किल्लास्थळी जावून या स्वच्छता अभियानाचे अवलोकन केले. यावेळी केंद्रीय गृह राज्यमंत्र्यासमवेत महापौर अंजली घोटेकर, झोन सभापती आशा आबोजवार, इको-प्रोचे संस्थापक अध्यक्ष बंडू धोतरे, भारतीय पुरातत्व विभागाचे अधिकारी शिंदे, इतिहास अभ्यासक अशोकसिंह ठाकूर, नगरसेवक रवी आसवानी, राहूल घोटेकर, छबू वैरागडे, कुळमेथे, शितल आत्राम, मनपा शहर अभियंता महेश वाढई, प्रशांत शिंदे व इको-प्रोचे पदाधिकारी, सदस्य उपस्थित होते.याप्रसंगी ना. अहीर यांनी जटपूरा गेट, रामाळा तलाव रोड, बगड खिडकी परिसरातील किल्ला व येथील दुरावस्थेबाबत माहिती जाणून घेतली. या देशभरातील सुंदर अशा वारशाचे जतन, संवर्धन व संरक्षण सरकारी यंत्रणा तसेच लोक सहभागातून करण्याचे आपले प्रयत्न असल्याचे त्यांनी यावेळी सांगितले. चंद्रपूर किल्ला संवर्धन, ऐतिहासिक पर्यटन विकास महत्वपूर्ण बाब असून या किल्ल्यावरुन हेरीटेज वॉक, गोंडराजे समाधी स्थळावर, लाईट शोच्या माध्यमाने या इतिहासाचे पर्यटकांसमोर सादरीकरण, शहरात मॉर्निंग वॉककरिता किल्ल्यावरील पादचारी मार्गाचा वापर, बुरुजावर योग प्रशिक्षण, शाळा महाविद्यालयीन विद्यार्थ्यांच्या सहली व अन्य बाबींकरिता या किल्ल्याचे संवर्धन पुर्नबांधकाम किल्ल्यावरील पादचारी मार्गाची दुरुस्ती, नियमित स्वच्छता याकरिता पुरातत्व विभाग, जिल्हा प्रशासन व महानगरपालिका या समन्वय व नियोजनातून कार्यवाही करावी असे निर्देश देतानाच या बाबत बैठकीचे आयोजन करण्यात यावे अशी सूचना उपस्थित अधिकाºयांना केली.इको-प्रो सदस्यांनी १५९ दिवस अभियान राबवून समाज व प्रशासनापुढे नवा आदर्श ठेवला. जिद्द, परिश्रम व सातत्य या बळावर इकोप्रो ने स्वच्छता अभियान साध्य केले. याबद्दल या सर्वांचे अभिनंदन करीत हे कार्य करताना त्यास लोक चळवळीचे स्वरूप देण्यासाठी प्रयत्न करावेत असेही त्यांनी या सदस्यांना आवाहन केले.यावेळी सर्व सदस्यांना भेटवस्तू देवून सन्मान केला. इको-प्रोच्या वतीने बंडू धोतरे यांनी स्वच्छता स्थळी भेट देवून मनोबल वाढविल्याबद्दल केंद्रीय गृह राज्यमंत्री ना. अहीर यांचे आभार मानले.

Maharashtra (Marathi News)

जुन्या बाजार समितीत अडत्यांना प्रवेश देण्यात आला असतानाच व्यापारावर मात्र बंदी लावण्यात आली आहे. ...

स्वातंत्र्यदिनीही नगर परिषदेच्या कॉन्व्हेंटमधील विद्यार्थ्यांना गणवेश मिळणार नसल्याचे स्पष्ट झाले आहे. ...

शासनाने जाहीर केलेली कर्जमाफी ही फसवी कर्जमाफी असून सरकार शेतकºयांची दिशाभूल करीत आहे, ...