Maharashtra News in Marathi | महाराष्ट्र मराठी बातम्या | Maharashtra News Paper Today | Maharashtra Marathi News Today Live | Crime News From Maharashtra | महाराष्ट्र ताज्या बातम्या | Maharashtra Breaking News in Marathi

मुंबई, दि. 22 - राज्यातील अंगणवाडी कर्मचा-यांच्या मागण्यांसंदर्भात अंगणवाडी कर्मचारी कृती समितीसोबत चर्चा बंद केल्यानंतर सरकारने संपात फूट पाडण्यासाठी कूटनिती वापरल्याचा आरोप महाराष्ट्र राज्य अंगणवाडी कर्मचारी कृती समितीने केला आहे. कृती समितीला बाजूला ठेवत समितीबाहेरील संघटनेला हाताशी घेऊन संप मागे घेण्याचा डाव सरकारने खेळला आहे. मात्र सरकारच्या या गनिमी काव्याला ५० हजार अंगणवाडी ‘ताई’ आझाद मैदानात उतरून उत्तर देतील, असा इशाराच कृती समितीने शुक्रवारी घेतलेल्या पत्रकार परिषदेत दिला आहे.कृती समितीचे निमंत्रक एम.ए. पाटील म्हणाले की, गेल्या ११ दिवसांपासून अंगणवाडी कर्मचा-यांनी कृती समितीच्या नेतृत्त्वाखाली संप सुरू ठेवलाआहे. सुरूवातीला कृती समितीसोबत चर्चा करणा-या सरकारने अचानक ‘यु टर्न’ घेत संप मागे घेतल्याशिवाय चर्चा न करण्याचा पवित्रा घेतला. मात्र कृतीसमिती संपावर ठाम राहिल्याने त्यात फूट पाडण्यासाठी सरकारने नोकरीवरून काढण्याची नोटीस अंगणवाडी कर्मचाºयांना पाठवली. त्यालाही कर्मचा-यांनी भीक घातली नाही, तर आशा वर्करला पोषण आहार वाटपाचे आदेश सरकारने दिले.मात्र आशा वर्करने सरकारच्या आदेशाला केराची टोपली दाखवत अंगणवाडी ताईंच्या पाठिशी उभ्या राहण्याची घोषणा केली. त्यामुळे आता कृतीसमितीबाहेरील एका छोट्याशा संघटनेला चर्चेला बोलावून तुटपूंजी वाढ सरकारने घोषित केली आहे. म्हणजेच शेतक-यांच्या संपाप्रमाणे सरकारअंगणवाडी कर्मचा-यांचा संप चिरडण्याचा प्रयत्न करत आहे. मात्र सरकारचा हा कावा समितीने ओळखला असून २७ सप्टेंबरला ५० हजार अंगणवाडी कर्मचारी आझाद मैदानावर धडक देऊन सरकारला उत्तर देतील, असा इशारा पाटील यांनी दिला आहे.सरकारला चर्चाच करायची होती, तर कृती समितीसोबत चर्चेची दारे का बंद केली? असा सवाल कृती समितीच्या निमंत्रक शुभा शमीम यांनी उपस्थित केला.शमीम म्हणाल्या की, किमान साडेदहा हजार रुपये मानधनवाढ मिळाल्याशिवाय संप मागे घेणार नाही. २७ सप्टेंबरच्या शक्तीप्रदर्शनासाठी शिवसेनेसोबतकाँग्रेस, राष्ट्रवादी काँग्रेस आणि अन्य राजकीय पक्षांनी पाठिंबा दिला आहे. शिवसेना पक्ष प्रमुख उद्धव ठाकरे स्वत: दुपारी १ वाजता अंगणवाडीकर्मचा-यांना संबोधित करणार आहेत. त्यामुळे सरकारने संपात फूट पाडण्याचा कितीही प्रयत्न केला, तरी मागण्या मान्य झाल्याशिवाय संप मागे घेणारनसल्याचे शमीम यांनी स्पष्ट केले.अंगणवाड्या उघडून दाखवाच!फुटकळ संघटनेला हाताशी घेऊन महिला व बाल विकास मंत्री आता अंगणवाडी कर्मचा-यांची दिशाभूल करत आहे. संप मागे घेतल्याची घोषणाही सरकारच करत असून एक तरी अंगणवाडी उघडून दाखवाच, अशा इशारा कृती समितीने दिला आहे. शिवाय मुख्यमंत्र्यांनी याप्रश्नी लक्ष देऊन सकारात्मक तोडगा काढण्याचे आवाहन कृती समितीने केले आहे.

Maharashtra (Marathi News)