Latest Marathi News

हातकणंगले : चोकाक (ता.हातकणंगले) येथील कोल्हापूर -सांगली राज्य मार्गाच्या पुलाखाली गुरुवारी सायंकाळी ७ वाजता मोबाईल खरेदीच्या पैशावरून सचिन ऊर्फ लालू सर्जेराव मुसळे (वय ३४, रा. अतिग्रे ता. हातकणंगले) या तरुणाचा त्याचा मित्र तुषार ऊर्फ पप्पू रवींद्र लोहार (३५ रा. चोकाक) या संशयिताने दारूच्या नशेत डोक्यात दगड घालून खून केला. रात्री उशिरा हातकणंगले पोलिस ठाण्यात या खुनाचा गुन्हा दाखल झाला आहे.पोलिसांतून मिळालेली माहिती अशी की, सचिन हा मुसळे एमआयडीसीमध्ये ठेकेदार म्हणून काम करीत होता. तुषार ऊर्फ पप्पू लोहार याच्याबरोबर सचिनची मैत्री होती. गेल्या दोन दिवसांपासून दोघांमध्ये मोबाईलच्या पैशावरुन वाद सुरू होता.गुरुवारी सायंकाळी ६ वाजता दोघे चोकाक येथील रस्त्याच्या पुलाखाली दारू पित बसले होते. यावेळी दोघात पैशावरुन वाद झाला. दारुच्या नशेत तुषार लोहारने सचिन मुसळेच्या डोक्यात दगड घातला. घाव वर्मी लागल्याने तो बेशुद्ध पडला. पुलाचे काम सुरू असल्याने तेथील परप्रातिंय कामगारांनी पोलीस ठाण्यात घडल्या प्रकाराची माहिती दिली. घटनास्थळी पोलीस दाखल झाल्यानंतर जखमी सचिन मुसळेला सी.पी.आर. रुग्णालयामध्ये उपचारासाठी हलवले. डोक्यात गंभीर दुखापत होत रक्तस्त्राव झाल्याने दवाखान्यात दाखल होण्यापूर्वीच त्याचा मृत्यू झाला. संशयित आरोपी तुषार लोहारच्या शोधासाठी हातकणंगले पोलिसाची टिम रवाना झाली आहे. मृत सचिनच्या पश्चात आई, पत्नी, दोन मुली असा परिवार आहे.गडहिंग्लज विभागाचे अतिरिक्त जिल्हा पोलिसप्रमुख आप्पासाहेब जाधव, जयसिंगपूर विभागाचे उपविभागीय पोलीस अधिकारी अमोल ठाकूर यांनी घटनास्थळी भेट दिली. या खुनाचा गुन्हा रात्री उशिरा पोलिस ठाण्यात दाखल झाला आहे.

Aaditya Thackeray vs Sanjay Raut, BJP: 'उबाठा'मध्ये आदित्य विरुद्ध राऊत यांच्यात 'सामना' रंगल्याचेही भाजप नेत्याचे विधान ...

Chandrakant Patil College Fee Issue: सदस्य महेश शिंदे यांनी यासंदर्भात लक्षवेधी सूचना मांडली होती ...

- कर्तव्यात हलगर्जीपणावर जिल्हाधिकाऱ्यांची कारवाई ...

विधीसंघर्षित बालकाच्या हाती कुणी दिल्या बनावट नोटा? व्यापाऱ्यांमध्ये चिंतेचे वातावरण ...

दुबेने रेल्वेन प्रवास करण्याचा निर्णय का घेतला? ...

Suryaghar Yojana : वीज तयार झाल्यामुळे वीजबिल शून्य येते आणि अतिरिक्त वीज महावितरणला विकून उत्पन्नही मिळवता येते. ...

नागपूर-रत्नागिरी, संकेश्वर-बांधा रस्त्यांची भर ...